युहन्‍ना 6:2 - पश्‍चिम तामाङ

² ओसेम् य्‍हक्‍को म्‍हीमा थेङ्‌की लीप्‍चे ब्रज्‍यी, तलेपङ्‍सम् थेङ्‌चे नबे म्‍हीमात फेन्‍नलबे अचम्‍मइ चीनोमा थेङ्‍यीमाचे म्रङ्‌बल मुबल।

युहन्‍ना 6:2 ပူးပေါင်းရင်းမြစ်များ

मत्‍ती 12:15

येसुचे थेङ्‌की बीरुद्‍दरी तम् डीःबल खेम्‍ज्‍यीम् थेङ् स्‍येःजेत्‍ज्‍यी। य्‍हक्‍को म्‍हीमा थेङ्‌की लीप्‍चे ब्रज्‍यी, ओसेम् थेङ्‌चे थेङ्‍यीमातेङ् मुबे नबमा जम्‍मत फेन्‍न लजेत्‍ज्‍यी।

मत्‍ती 13:2

ओसेम् थेङ्‌की कोरोरो य्‍हक्‍को म्‍हीमा र्‌हुब तज्‍यी। होत्‍तज्‍यीम् थेङ् दोङ्‍ग गीरी क्रेत्‍जेत्‍ज्‍यी, ओसेम् म्‍हीमाम् ग्‍येइ यरीनो रप्‍टीज्‍यी।

मत्‍ती 14:14

येसु दोङ्‌गचे फप्‍जेत्‍मम् य्‍हक्‍को म्‍हीमात म्रङ्‌जेत्‍ज्‍यी। ओसेम् थेङ्‌चे थेङ्‌यीमात दय लजेत्‍ज्‍यीम् हुजुरी मुबे नबमात फेन्‍न लजेत्‍ज्‍यी।

मत्‍ती 8:1

येसु गङ्‍तोर्‌चे फप्‍जेत्‍मम् य्‍हक्‍को म्‍हीमा थेङ्‌की लीप्‍चे खज्‍यी।

मर्‌कुस् 1:45

तर हुजु म्‍ही य्‍हर्‌ज्‍यीम् चु तम् म्‍हीमा जम्‍मत स्‍येत्‍ज्‍यी। ओसेम् येसु म्‍हीमाचे था अयङ्‍नले सहर्‌री स्‍येःब अखम्। होत्‍तज्‍यीम् येसु थङ् तबे ग्‍लामारी स्‍येःज्‍यीम् स्‍य्‍हुजेत्‍ज्‍यी। तर हुजुरीएनो य्‍हक्‍को म्‍हीमा खन बीबी ग्‍लामाचे थेङ्‌ज खज्‍यी।

मर्‌कुस् 6:33

तर य्‍हक्‍को म्‍हीमाचे थेङ्‍तेङ् थेङ्‌की डबमा य्‍हर्‌टीबल म्रङ्‌ज्‍यीम् स्‍येज्‍यी। ओसेम् म्‍हीमा सहर्‌मा ग्‍यम्‍से छ्‍योङ्‍य्‍हर्‌ज्‍यीम् थेङ्‌यीमा बीम ङोन्‍ग्‍यम्‍नो थेङ्‍यीमा ङ्‍यीटीबे ग्‍लारी दोःज्‍यी।

युहन्‍ना 11:47

होत्‍तज्‍यीम् फरीसीमातेङ् ङ्‍हच्‍छ्‍यङ् लम्‍बुमाचे ङ्‍हच्‍छ्‍यङ् सभाकी म्‍हीमात ङ्‌होत्‍ज्‍यी, ओसेम् पङ्‍ज्‍यी, “ङ्‍य्‍हङ्‍माचे देरेम् ता लब? हुजु म्‍हीचेम् अचम्‍मइ लक्‍मा य्‍हक्‍को स्‍य्‍हेङ्‌टीब।

युहन्‍ना 12:18

येसुचे स्‍य्‍हेङ्‍जेत्‍पे हुजु अचम्‍मइ लक्‍की बारेरी थ्‍येःबल तज्‍यीम् य्‍हक्‍को म्‍हीमा थेङ्‌त खतु लबरी खबल मुबल।

युहन्‍ना 12:37

येसुचे म्‍हीमाकी ङ्‌होन्‍सङ्‌नो अचम्‍मइ लक्‍मा य्‍हक्‍कोनो स्‍य्‍हेङ्‌जेत्‍पल मुबल, तर थेङ्‍यीमाचे थेङ्‌त बीस्‍वास् अस्‍य्‍हेङ्।

युहन्‍ना 2:11

येसुचे गालील प्रदेस्‍की काना पङ्‍बे लीङ्‍स्‌री स्‍य्‍हेङ्‍जेत्‍पे चु ते:ङेन्‍की लक् गोदोब्‍न्‍हङ् ङोन्‍ग्‍यम् स्‍य्‍हेङ्‌जेत्‍पल मुबल। चोले थेङ्‌चे र्‌हङ्‌की महीमा ङोन्‍जेत्‍ज्‍यी, ओसेम् थेङ्‌की डबमाचे थेङ्‌त बीस्‍वास् लज्‍यी।

युहन्‍ना 2:23

नीस्‍तार पर्‌बइ बेलोरी येसु यरुसलेम्‍री मुबल। हुजुरी मुबे बेलोरी थेङ्‌चे स्‍य्‍हेङ्‌बे तेङेन्‍की लक्‍मा म्रङ्‌ज्‍यीम् य्‍हक्‍को म्‍हीमाचे थेङ्‌की छेन्‍री बीस्‍वास् स्‍य्‍हेङ्‌ज्‍यी।

युहन्‍ना 20:30

येसुचे ल्‍हो-ल्‍हो य्‍हक्‍को अचम्‍मइ चीनोमा डबमाकी ङ्‍होन्‍सङ् स्‍य्‍हेङ्‍जेत्‍ज्‍यी, हुजु चु छ्‍येःरी ब्रीबल अरे।

युहन्‍ना 3:2

तीरेत् म्‍हुना नीकोदेमस् येसुइज खज्‍यीम् पङ्‍ज्‍यी, “लोप्‍पोन्, थेङ् ङ्‍यीमात लोप्‍परी पर्‌मेस्‍वर्‌चे पीत्‍युजेत्‍पल य्‍हीन्‍ब बी ङ्‌यीमाचे स्‍येःब। तलेपङ्‍सम् पर्‌मेस्‍वर्‌चे र्‌हो अस्‍य्‍हेङ्‍जेत्‍पल य्‍हीन्‍सम् थेङ्‌चे स्‍य्‍हेङ्‍जेत्‍पे चु अचम्‍मइ लक् खल्‍चेएनो स्‍य्‍हेङ्‍ अखम्।”

युहन्‍ना 6:14

थेङ्‌चे स्‍य्‍हेङ्‍जेत्‍पे चु अचम्‍मइ लक् म्रङ्‌ब बीसेम् म्‍हीमाचे पङ्‌ज्‍यी, “देमेन्‍नो थेङ्‍नो जम्‍बुलीङ्‌री ब्‍योन्‍युस्‍येकी अगम्‍बक्‍त य्‍हीन्‍ब।”

युहन्‍ना 6:22

ग्‍येइ क्‍योम्‍सङ् टीबे म्‍हीमाचे ग्‍येइ यरी दोङ्‍ग गीःकीनो म्रङ्‌बल मुबल। ओसेम् थेङ् हुजु दोङ्‍गरी अक्रेत्‍जेत्‍पलतेङ् थेङ्‌की डबमाकीनो दोङ्‍गरी क्रेत्‍ज्‍यीम् य्‍हर्‌बल म्‍हीमाचे न्‍हम्‍स्‍य्‍होर्‌हङ् व्‍हल् खज्‍यी।

युहन्‍ना 6:26

येसुचे थेङ्‌यीमात जोहाप् न्‍हङ्‌ज्‍यी, “देमेन्‍नो ङ एङ्‌यीमात पङ्‍ब, एङ्‍यीमाचे ङत ङचे ङोन्‍बे चीनोमा म्रङ्‌ज्‍यीम् अय्‍हीन्, तर म्रेन्‍बसम्‍मा ग्‍येङ् चबरी पीन्‍बल तज्‍यीम् म्‍हइबल य्‍हीन्‍ब।

युहन्‍ना 6:30

थेङ्‍यीमाचे थेङ्‌त पङ्‍ज्‍यी, “थेङ्‌चे ङ्‍यीमात खतेबे अचम्‍मइ चीनोमा ङोन्‍जेत्‍प, ओसेम् हुजु च्‍याज्‍यीम् थेङ्‌त बीस्‍वास् स्‍य्‍हेङ्‌ब? थेङ्‌चे ता स्‍य्‍हेङ्‌जेत्‍प?