युहन्‍ना 6:14 - पश्‍चिम तामाङ

¹⁴ थेङ्‌चे स्‍य्‍हेङ्‍जेत्‍पे चु अचम्‍मइ लक् म्रङ्‌ब बीसेम् म्‍हीमाचे पङ्‌ज्‍यी, “देमेन्‍नो थेङ्‍नो जम्‍बुलीङ्‌री ब्‍योन्‍युस्‍येकी अगम्‍बक्‍त य्‍हीन्‍ब।”

युहन्‍ना 6:14 ပူးပေါင်းရင်းမြစ်များ

मत्‍ती 11:3

चु तम् ङ्‌योत्‍परी येसुज पीत्‍ज्‍यी, “ब्‍योन्‍खजेत्‍स्‍येकी मुक्‍ती न्‍हङ्‌बे ख्रीस्‍ट् थेङ्‌नो य्‍हीन्‍ब, वुइ ङ्‌यीमाचे ल्‍हो-ल्‍होत ब्रेन्‍थोब?”

मत्‍ती 21:11

य्‍हक्‍को म्‍हीमाचे जोहाप् पीन्‍ज्‍यी, “थेङ् गालीलकी नासरतकी ग्‍यम्‍से खबे अगम्‍बक्‍त येसु य्‍हीन्‍ब।”

लुका 24:19

थेङ्‌चे थेङ्‍य्‍हीत, “तइ तम्?” बी ङ्‌योत्‍जेत्‍ज्‍यी। ओसेम् थेङय्‍हीचे, “नासरत्‍की येसुइ तम्, थेङ् अगम्‍बक्‍त मुबल। थेङ्‌चे स्‍य्‍हेङ्‌जेत्‍पे लक्‍तेङ् लोप्‍जेत्‍पे फ्रोइ पर्‌मेस्‍वर्‌तेङ् जम्‍मा म्‍हीमाकी ङोन्‍री सक्‍तीसाली मुबल।

लुका 7:16

होतेब तब म्रङ्‌ज्‍यीम् जम्‍म म्‍हीमा लोङ्‌ज्‍यी। ओसेम् पर्‌मेस्‍वर्‌त तोप्‍ज्‍यीम् चोले पङ्‌ज्‍यी, “ङ्‌हच्‍छ्‌यङ् अगम्‍बक्‍त गीः ङ्‌य्‍हङ्‌माकी गुङ्‌री म्रङ्‌बल मुब। पर्‌मेस्‍वर् र्‌हङ्‌की म्‍हीमात थर्‌नलबरी ब्‍योन्‍युबल मुब।”

युहन्‍ना 1:21

ओसेम् थेङ्‍यीमाचे ङ्‌योत्‍ज्‍यी, “होलेपङ्‌सम् ए खल? ता ए एलीया य्‍हीन्‍ब?” युहन्‍नाचे, “ङ अय्‍हीन्” पङ्‍ज्‍यी। थेङ्‍यीमाचे, “ए ङ्‌यीमाचे ब्रेन्‍टीबे अगम्‍बक्‍त य्‍हीन्‍ब?” बी ङ्‌योत्‍ज्‍यी। युहन्‍नाचे, “अय्‍हीन्” पङ्‍ज्‍यीम् जोहाप् पीन्‍ज्‍यी।

युहन्‍ना 11:27

मार्‌थचे पङ्‍ज्‍यी, “य्‍हीन्‍ब प्रभु, थेङ् जम्‍बुलीङ्‌री ब्‍योन्‍युबे मुक्‍ती न्‍हङ्‌बे ख्रीस्‍ट् पर्‌मेस्‍वर्‌की ज य्‍हीन्‍ब बी ङ बीस्‍वास् स्‍य्‍हेङ्‌ब।”

युहन्‍ना 2:11

येसुचे गालील प्रदेस्‍की काना पङ्‍बे लीङ्‍स्‌री स्‍य्‍हेङ्‍जेत्‍पे चु ते:ङेन्‍की लक् गोदोब्‍न्‍हङ् ङोन्‍ग्‍यम् स्‍य्‍हेङ्‌जेत्‍पल मुबल। चोले थेङ्‌चे र्‌हङ्‌की महीमा ङोन्‍जेत्‍ज्‍यी, ओसेम् थेङ्‌की डबमाचे थेङ्‌त बीस्‍वास् लज्‍यी।

युहन्‍ना 4:19

ओसेम् सामरी अमकोलचे पङ्‍ज्‍यी, “लोप्‍पोन्, थेङ्मी अगमबक्‍तक य्‍हीन्‍ब टीम्।

युहन्‍ना 4:25

ओसेम् अमकोलचे पङ्‍ज्‍यी, “ङत था मुब, मसीह ब्‍योन्‍युस्‍ये मुब (मसीह पङ्‍बलमी मुक्‍ती न्‍हङ्‌बे ख्रीस्‍ट् य्‍हीन्‍ब), ओसेम् थेङ्‌चेनो ङ्‍यीमात जम्‍मनो तम् स्‍येनलजेत्‍स्‍ये मुब।”

युहन्‍ना 4:42

थेङ्‍यीमाचे हुजु अमकोलत पङ्‍ज्‍यी, “देरेम् एइ तम्‍कीनो थ्‍येःज्‍यीम् अय्‍हीन्, तर ङ्‌यीमा र्‌हङ्‍चेनो थेङ्‌की फ्रोइ थ्‍येःबल तज्‍यीम् बीस्‍वास् स्‍य्‍हेङ्‌ब। थेङ् देमेन्‍नो जम्‍बुलीङ्‌की मुक्‍ती न्‍हङ्‌बे ख्रीस्‍ट् य्‍हीन्‍ब बी देरेम् ङ्‌यीमाचे स्‍येःब।”

युहन्‍ना 6:2

ओसेम् य्‍हक्‍को म्‍हीमा थेङ्‌की लीप्‍चे ब्रज्‍यी, तलेपङ्‍सम् थेङ्‌चे नबे म्‍हीमात फेन्‍नलबे अचम्‍मइ चीनोमा थेङ्‍यीमाचे म्रङ्‌बल मुबल।

युहन्‍ना 6:26

येसुचे थेङ्‌यीमात जोहाप् न्‍हङ्‌ज्‍यी, “देमेन्‍नो ङ एङ्‌यीमात पङ्‍ब, एङ्‍यीमाचे ङत ङचे ङोन्‍बे चीनोमा म्रङ्‌ज्‍यीम् अय्‍हीन्, तर म्रेन्‍बसम्‍मा ग्‍येङ् चबरी पीन्‍बल तज्‍यीम् म्‍हइबल य्‍हीन्‍ब।

युहन्‍ना 6:30

थेङ्‍यीमाचे थेङ्‌त पङ्‍ज्‍यी, “थेङ्‌चे ङ्‍यीमात खतेबे अचम्‍मइ चीनोमा ङोन्‍जेत्‍प, ओसेम् हुजु च्‍याज्‍यीम् थेङ्‌त बीस्‍वास् स्‍य्‍हेङ्‌ब? थेङ्‌चे ता स्‍य्‍हेङ्‌जेत्‍प?

युहन्‍ना 7:40

येसुचे सुङ्‍बे चु तम् थ्‍येःब बीसेम् य्‍हक्‍को म्‍हीमान्‍हङ्‍की डेत्-डेत् म्‍हीमाचे, “चु म्‍ही देमेन्‍नो ङ्‍य्‍हङ्‍माचे ब्रेन्‍टीबे अगम्‍बक्‍त य्‍हीन्‍ब टीम्” बी पङ्‍ज्‍यी।

प्रेरीत् 7:37

हुजु मोसाचेनो इस्राएलीमात, ‘पर्‌मेस्‍वर्‌चे एङ्‌यीमाकी र्‌हङ्‌की अज्‍यो-अले न्‍हङ्‍चे ङ र्‌हङ्‍बे अगम्‍बक्‍त गीः एङ्‍यीमाज पीत्‍युस्‍ये मुब’ बी पङ्‍बल मुबल।