युहन्‍ना 5:36 - पश्‍चिम तामाङ

³⁶ “तर युहन्‍नाल बीमएनो ङ्‌हच्‍छ्‌यङ् गवाही ङतेङ् मुब। ङइ अपचे ङत स्‍य्‍हेङ्‌बरी कुल्‍बे लक्‍मा ङचे स्‍य्‍हेङ्‍टीबल मुब, ओसेम् हुजु लक्‍माचेनो ङत अपचे पीत्‍युजेत्‍पल य्‍हीन्‍ब पङ्‌ज्‍यीम् गवाही पीन्‍ब।

युहन्‍ना 5:36 ပူးပေါင်းရင်းမြစ်များ

मत्‍ती 11:4

येसुचे थेङ्‌यीमात सुङ्‌ज्‍यी, “एङ्‍यीमाचे थ्‍येःबतेङ् म्रङ्‌बे तम्‍मा ङ्‌यीज्‍यीम् युहन्‍नात स्‍येतो,

लुका 2:49

ओसेम् येसुचे थेमात सुङ्‌ज्‍यी, “एङ्‍यीमाचे ङत तले म्‍हइजेत्पल? ङ ङइ अपइ दीम्‍री तथोब बी एङ्‌यीमात था अरेबल?”

युहन्‍ना 10:25

येसुचे थेङ्‌यीमात जोहाप् न्‍हङ्‌ज्‍यी, “ङचे एङ्‌यीमात पङ्‍ज्‍यीन्‍ज्‍यी, तर एङ्‍यीमाचे ङत बीस्‍वास् अस्‍य्‍हेङ्। ङचे अपइ छेन्‍री स्‍य्‍हेङ्‌बे लक्‍मा ग्‍यम्सेनो ङ खल बी ङोन्‍ब।

युहन्‍ना 11:37

तर डेत्-डेत्चे पङ्‍ज्‍यी, “कन म्‍हीत मीः म्रङ्‍नलपीन्‍बे चु म्‍हीचे लाजरसत स्‍यीब ग्‍यम्‍से थर्‌न लब अखम् स्‍यीम्?”

युहन्‍ना 15:24

ल्‍हो-ल्‍हो खल्‍चेएनो अस्‍य्‍हेङ्‌बे अचम्‍मइ लक्‍मा ङचे थेङ्‌यीमाकी गुङ्‍री अस्‍य्‍हेङ्‌बल य्‍हीन्‍सम् थेङ्‍यीमा पापकी दोसी तस्‍ये अरेबल। तर थेङ्‍यीमाचे ङचे स्‍य्‍हेङ्‌बे लक्‍मा म्रङ्‍ज्‍यीमएनो ङतेङ् ङइ अपत अखो।

युहन्‍ना 17:4

थेङ्‌चे ङत टोप् लउ पङ्‍ज्‍यीम् न्‍हङ्‌बे जम्‍मनो लक् ङचे टोप् लज्‍यीम् ङचे चु जम्‍बुलीङ्‌री थेङ्‌की महीमा स्‍य्‍हेङ्‌बल मुब।

युहन्‍ना 2:23

नीस्‍तार पर्‌बइ बेलोरी येसु यरुसलेम्‍री मुबल। हुजुरी मुबे बेलोरी थेङ्‌चे स्‍य्‍हेङ्‌बे तेङेन्‍की लक्‍मा म्रङ्‌ज्‍यीम् य्‍हक्‍को म्‍हीमाचे थेङ्‌की छेन्‍री बीस्‍वास् स्‍य्‍हेङ्‌ज्‍यी।

युहन्‍ना 3:17

पर्‌मेस्‍वर्‌चे जम्‍बुलीङ्‍त दोस् ङोन्‍बरी थेङ्‌की जत पीत्‍युजेत्‍पल अय्‍हीन्, तर जम्‍बुलीङ् थे ग्‍यम्‍से थर्‌खइ बी पीत्‍युजेत्‍पल य्‍हीन्‍ब।

युहन्‍ना 3:2

तीरेत् म्‍हुना नीकोदेमस् येसुइज खज्‍यीम् पङ्‍ज्‍यी, “लोप्‍पोन्, थेङ् ङ्‍यीमात लोप्‍परी पर्‌मेस्‍वर्‌चे पीत्‍युजेत्‍पल य्‍हीन्‍ब बी ङ्‌यीमाचे स्‍येःब। तलेपङ्‍सम् पर्‌मेस्‍वर्‌चे र्‌हो अस्‍य्‍हेङ्‍जेत्‍पल य्‍हीन्‍सम् थेङ्‌चे स्‍य्‍हेङ्‍जेत्‍पे चु अचम्‍मइ लक् खल्‍चेएनो स्‍य्‍हेङ्‍ अखम्।”

युहन्‍ना 4:34

ओसेम् येसुचे थेङ्‌यीमात सुङ्‌ज्‍यी, “ङत पीत्‍युजेत्‍पलइ थुः र्‌हङ्‌लेनो ब्रबतेङ् थेङ्‌की लक् टोप् स्‍य्‍हेङ्‌बनो ङइ चब य्‍हीन्‍ब।

युहन्‍ना 5:32

तर ङइ बारेरीम् पर्‌मेस्‍वर् अपचेएनो स्‍येत्‍जेत्‍प, ओसेम् थेङ्‌चे ङइ बारेरी सुङ्‍जेत्‍पे तम् देमेन् य्‍हीन्‍ब।

प्रेरीत् 2:22

“ओ इस्राएलकी म्‍हीमा एङ्‍यीमाचे चु तम्‍एनो ङ्‌येनो। पर्‌मेस्‍वर्‌चे येसु ग्‍यम्‍से एङ्‌यीमाकी गुङ्‍री ङ्‍हच्‍छ्‍यङ्-ङ्‍हच्‍छ्‍यङ् लक्‍माकी तेङेन्‍की चीनोमा ङोन्‍जेत्‍पल एङ्‍यीमाचे स्‍येबलनो मुब। हुजु चीनोमा ग्‍यम्सेनो नासरतकी येसुत पर्‌मेस्‍वर्‌चेनो पीत्‍युजेत्‍पल य्‍हीन्‍ब बी ङोन्‍बल मुब।

१ युहन्‍ना 5:9

म्‍हीमाचे पीन्‍बे गबाहीत ङ्‍य्‍हङ्‍माचे पतइतीब पङ्‌सम् झेन् पर्‌मेस्‍वर्‌चे न्‍हङ्‌बे गबाहीमी गदे ङ्‍हच्‍छ्‍यङ् मुब। ओसेम् थेङ्‌चेनो र्‌हङ्‌की जइ बारेरी गबाही न्‍हङ्‌बल मुब।