युहन्‍ना 5:28 - पश्‍चिम तामाङ

²⁸ चु तम्‍री अचम्‍म थतउ, तलेपङ्‍सम् बेलो खटीब मुब, हुजु बेलोरी स्‍यीबलमा जम्‍मचे थेइ केत् थ्‍येःस्‍ये मुब।

युहन्‍ना 5:28 ပူးပေါင်းရင်းမြစ်များ

युहन्‍ना 3:7

ङचे एत देबेएनो न्‍हनोथोब पङ्‍बे तम्‍री ए अचम्‍म थतउ।

युहन्‍ना 4:21

येसुचे थेत सुङ्‌ज्‍यी, “ओ अङ, ङत बीस्‍वास् स्‍य्‍हेङो, हुजु बेलो खटीब मुब, एङ्‍यीमाचे अपत न्‍ह चु गङ्‍री न्‍ह यरुसलेम्‍री तोप्‍स्‍ये मुब।

युहन्‍ना 4:23

तर बेलो खटीब मुब ओसेम् हुजु बेलो देरे य्‍हीन्‍ब, देमेन्‍लेनो तेन्‍बलमाचे अपत देमेन्‍तेङ् आत्‍मारी तेन्‍स्‍ये मुब। चोले तेन्‍बे म्‍हीमात पर्‌मेस्‍वर्‌चे म्‍हइजेत्‍प।

युहन्‍ना 5:20

तलेपङ्‍सम् अपचे जत म्‍होइजेत्‍प, ओसेम् थेङ्‌चे र्‌हङ्‌चे स्‍य्‍हेङ्‌जेत्‍पे जम्‍म लक् जत ङोन्‍जेत्‍प। ओसेम् थेङ्‌चे चु लक् बीमएनो ङ्‍हच्‍छ्‌यङ् लक्‍मा स्‍य्‍हेङ्‌बरी जत ङोन्‍जेत्‍स्‍ये मुब, ओसेम् एङ्‌यीमा य्‍हक्‍को अचम्‍म तस्‍ये मुब।

युहन्‍ना 5:25

देमेन्‍नो ङ एङ्‌यीमात पङ्‌ब, बेलो खटीब मुब, ओसेम् हुजु बेलो देरे य्‍हीन्‍ब, स्‍यीबलमाचे पर्‌मेस्‍वर्‌की जइ केत् थ्‍येःस्‍ये मुब, ओसेम् थ्‍येःबलमा सोस्‍ये मुब।

प्रेरीत् 24:15

ओसेम् धर्‌मीतेङ् अधर्‌मीमा ङ्‌हीनो पुनरुत्‍थान तब पङ्‍ज्‍यीम् थेङ्‍यीमाचे बीस्‍वास् स्‍य्‍हेङ्‌ब र्‌हङ्‌ले ङलएनो पर्‌मेस्‍वर्‌री आस् मुब।

प्रेरीत् 3:12

चु म्रङ्‌ज्‍यीम् पत्रुसचे म्‍हीमात पङ्‍ज्‍यी, “इस्राएलकी म्‍हीमा, एङ्‍यीमा तले चु तम्‍री तेङेन् तज्‍यीम् थोम्‍ले च्‍याब? चु म्‍हीत ङ्‌यीमाचे र्‌हङ्‌की सक्‍तीतेङ् धार्‌मीक्‍तचेनो ब्रब खम्‍नलबल बी म्‍हेन्‍ब?

१ कोरीन्‍थी 15:22

खले आदम्‍री जम्‍मनो म्‍हीमा स्‍यीब, होलेनो ख्रीस्‍ट्‍री जम्‍मचेनो जीवन् यङ्‍स्‍ये मुब।

फीलीप्‍पी 3:21

थेङ्‍तेङ् जम्‍मा स्‍हेःमा र्‌हङ्‍की अधीन्‍री बबे सक्‍ती मुब। थेङ्‌की चु सक्‍तीचेनो ङ्‍य्‍हङ्‍की चु कम्‍जोर् ल्‍हीःमात थेङ्‌ल र्‌हङ्‍बे महीमीत् ल्‍हीः स्‍य्‍हेङ्‍जेत्‍स्‍ये मुब।

प्रकास 20:12

ओसेम् ङ्‍हच्‍छ्‍यङ् ज्‍यीद स्‍यीबलमा जम्‍मनो ठीइ ङोन्‍री रप्‍टीबल ङचे म्रङ्‍ज्‍यी, ओसेम् छ्‌येःमा फेःबल मुबल। ओसेम् ल्‍हो-ल्‍हो छ्‌येः गीएनो फेःज्‍यी, हुजुमी जीवन्‍की छ्‌येः य्‍हीन्‍ब। हुजु छ्‌येःमारी ब्रीबे थेङ्‍यीमाकी लक् अनुसार् स्‍यीबलमाकी न्‍याय स्‍य्‍हेङ्‌जेत्‍ज्‍यी।