युहन्‍ना 5:2 - पश्‍चिम तामाङ

² यरुसलेमरी ग्‍युकी म्रप् पङ्‍बे म्रप् गीः मुबल, ओसेम् हुजु म्रप्‍की ज्‍यदङ् हीब्रु ग्‍योत्‍री बेथेस्‍दा पङ्‌बे ग्‍ये मुबल, हुजु ग्‍येइ कोरोरो ब्रङ्‍मा ङ्‍ह मुबल।

युहन्‍ना 5:2 ပူးပေါင်းရင်းမြစ်များ

युहन्‍ना 19:13

चु तम्‍मा थ्‍येःब बीसेम् पीलातस्‍चे येसुत युङ्‌बचे स्‍य्‍हेङ्‌बे दोरी (हुजुत हीब्रु ग्‍योत्‍री गब्‍बथा पङ्‍ब) बोर्‌ज्‍यी, ओसेम् पीलातस न्‍याय स्‍य्‍हेङ्‌बे ठीरी टीज्‍यी।

युहन्‍ना 19:17

ओसेम् येसुचे र्‌हङ्‌की क्रुस् र्‌हङ्‍चेनो नाजेत्‍ज्‍यीम् खप्‍पर् पङ्‍बे ग्‍लारी स्‍येजेत्‍ज्‍यी। (हुजुत हीब्रु ग्‍योत्‍री गलगथा पङ्‍ब।)

युहन्‍ना 19:20

हुजु ब्रीबे तम् य्‍हक्‍को म्‍हीमाचे खेत्‍ज्‍यी, तलेपङ्‍सम् येसुत क्रुस्‍री च्‍योबे ग्‍ला हुजु लीङ्‍सइ ज्‍यदङ् मुबल। हुजु तम् हीब्रुतेङ् ल्‍याटीन् ओसेम् ग्रीक ग्‍योत्‍री ब्रीबल मुबल।

युहन्‍ना 20:16

ओसेम् येसुचे, “ओ मरीयम्!” बी सुङ्‌ज्‍यी, येसुइ केत् थ्‍येःब बीसेम् मरीयमचे फ्‍लीक्‍दोःज्‍यीम् “रब्‍बोनी” बी पङ्‍ज्‍यी, चु पङ्‍बलमी हीब्रु ग्‍योत्‍री “लोप्‍पोन्” य्‍हीन्‍ब।

युहन्‍ना 5:3

हुजुरी कन, खोरा ओसेम् या कङ् अचल्‍तीबे नबे य्‍हक्‍को म्‍हीमा क्‍योङ्‍ले टीब मुबल। [थेङ्‌यीमा गदे बेलो ग्‍येइ यी य्‍होङ्‌ब पङ्‍ज्‍यीम् ब्रेन्‍ज्‍यीम् टीब मुबल।

युहन्‍ना 7:21

येसुचे थेङ्‌यीमात सुङ्‌ज्‍यी, “ङचे अचम्‍मइ लक् गीः स्‍य्‍हेङ्‌ज्‍यी, ओसेम् एङ्‌यीमा जम्‍मनो छक्‍क तज्‍यी।

प्रेरीत् 21:40

सेनपतीचे थेत तम् पङ्‍पुङ्‍ज्‍यी। ओसेम् पावल च्‍यीमोरी रप्‍ज्‍यीम् म्‍हीमात याचे ल्‍हादब् लज्‍यी। म्‍हीमा सान्‍तले टीब बीसेम् पावलचे हीब्रु ग्‍योत्‍री तम् पङ्‍ब तीप्‍ज्‍यी।

प्रकास 16:16

ओसेम् हीब्रु ग्‍योत्‍री आर-मागेड्‍डोन पङ्‍बे ग्‍लारी हुजु म्‍हङ्‍माचे ग्‍यल्‍बोमात र्‌हुब् लज्‍यी।

प्रकास 9:11

दप्‍ज्‍यीम् दप्‍प अखम्‍बे नुप्‍पे व्‍हङ्‍की दुस्‍ट दुत् थेङ्‍यीमाकी ग्‍यल्‍बो मुबल। हीब्रु ग्‍योत्‍री हुजुइ मीन् “एबाड्‍डोन” ओसेम् ग्रीक् ग्‍योत्‍री “अपोल्‍लीयोन्” य्‍हीन्‍ब। हुजुइ अर्‌थ “नास् लब” य्‍हीन्‍ब।