युहन्‍ना 3:34 - पश्‍चिम तामाङ

³⁴ पर्‌मेस्‍वर्‌चे पीत्‍युजेत्‍पलचे पर्‌मेस्‍वर्‌की फ्रोइनो सुङ्‌ब, तलेपङ्‍सम् पर्‌मेस्‍वर्‌चे थेङ्‌त पबीत्र आत्‍मा दप्‍ज्‍यीम् अय्‍हीन् अदब्‍नले न्‍हङ्‌बल मुब।

युहन्‍ना 3:34 ပူးပေါင်းရင်းမြစ်များ

मत्‍ती 12:18

“च्‍यागो, ङचे दम्‍बे योक्‍पो चुनो य्‍हीन्‍ब, थेत ङ य्‍हक्‍को म्‍होइब, थेतेङ् ङ य्‍हक्‍को तङ्‍बल मुब। ङ ङइ आत्‍मा थेइ जोरी पीत्‍युस्‍ये मुब, ओसेम् थेचेनो जम्‍म जात्‍की म्‍हीमात न्‍यायकी प्रचार स्‍य्‍हेङ्‌स्‍ये मुब।

लुका 4:18

“प्रभुकी आत्‍मा ङतेङ् मुब, तलेपङ्‍सम् प्रङ्‌नमात ज्‍यबे सम्‍तर् स्‍येत्‍परी पर्‌मेस्‍वर्‌चे ङत दम्‍जेत्‍ज्‍यीम् पीत्‍युजेत्‍पल मुब। बन्‍दीरी मुबे म्‍हीमात पीत्‍परी, मीः अम्रङ्‌बमात म्रङ्‌न लबरी, ल्‍हो-ल्‍हो म्‍ही ग्‍यम्‍चे दुख यङ्‌बलमात पीत्‍परी,

युहन्‍ना 1:16

थेङ्‌की य्‍हक्‍को अनुग्रहचे प्‍लीङ्‍जेत्‍पल तज्‍यीम् ङ्‍य्‍हङ्‍मा जम्‍मचेनो मोलम्‍की जोरी मोलम् यङ्‌बल मुब।

युहन्‍ना 15:26

“एङ्‌यीमात र्‌हो लबरी ङचे पबीत्र आत्‍मात एङ्‍यीमाज पीत्‍युस्‍ये मुब। थेङ् देमेन्‍की आत्‍मा य्‍हीन्‍ब, थेङ् अप ग्‍यम्‍से ब्‍योन्‍युस्‍ये मुब, ओसेम् ङइ बारेरी स्‍येत्‍स्‍ये मुब।

युहन्‍ना 16:7

तर ङ एङ्‌यीमात देमेन्‍की तम् पङ्‍ब, ङ ङ्‍यीबरीनो एङ्‌यीमात ज्‍यब तब, तलेपङ्‍सम् ङ अङ्‍यीज्‍यी पङ्‌सम् पबीत्र आत्‍मा ब्‍योन्‍युस्‍ये अरे। तर ङ्‍यीज्‍यी पङ्‌सम् ङ थेङ्‌त एङ्‍यीमाज पीत्‍युस्‍ये मुब।

युहन्‍ना 3:17

पर्‌मेस्‍वर्‌चे जम्‍बुलीङ्‍त दोस् ङोन्‍बरी थेङ्‌की जत पीत्‍युजेत्‍पल अय्‍हीन्, तर जम्‍बुलीङ् थे ग्‍यम्‍से थर्‌खइ बी पीत्‍युजेत्‍पल य्‍हीन्‍ब।

युहन्‍ना 5:26

तलेपङ्‍सम् खले अपतेङ् जीवनकी म्रु मुब, होलेनो थेङ्‌चे र्‌हङ्‌की जतएनो जीवनकी म्रुः स्‍य्‍हेङ्‌जेत्‍पल मुब।

युहन्‍ना 7:16

येसुचे थेङ्‌यीमात जोहब् न्‍हङ्‌ज्‍यी, “ङचे एङ्‌यीमात लोप्‍पे तम् ङइल अय्‍हीन्, तर ङत पीत्‍युजेत्‍पे पर्‌मेस्‍वर् ग्‍यम्‍से य्‍हीन्‍ब।

युहन्‍ना 8:40

ङचे एङ्‌यीमात पर्‌मेस्‍वर् ग्‍यम्‍से थ्‍येःबे देमेन्‍की फ्रोइ स्‍येत्‍प, तर एङ्‍यीमाचे ङत सेत्‍प म्‍हइब। अब्रहामचे चोतेबे लक् खेमेएनो अस्‍य्‍हेङ्!

युहन्‍ना 8:47

खजु म्‍ही पर्‌मेस्‍वर्‌ल य्‍हीन्‍ब थेचे पर्‌मेस्‍वर्‌की फ्रोइ ङ्‍येन्‍ब। तर एङ्‍यीमाम् पर्‌मेस्‍वर्‌ल अय्‍हीन्, होत्‍तज्‍यीम् एङ्‍यीमाचे अङ्‍येन्।”

प्रेरीत् 1:2

येसु स्‍वर्‌गरी अनोम्‍गदे सम्‍म र्‌हङ्‌चेनो दम्‍जेत्‍पे प्रेरीतमात पबीत्र आत्‍माइ सक्‍ती ग्‍यम्‍से थेङ्‍यीमाचे स्‍य्‍हेङ्‌थोबे लक्‍मा कुल्‍जेत्‍ज्‍यी।

प्रेरीत् 10:38

ओसेम् पर्‌मेस्‍वर्‌चे नासरतकी येसुइ जोरी पबीत्र आत्‍मातेङ् सक्‍ती न्‍हङ्‍जेत्‍ज्‍यी। हुजु लीप्‍चे येसु खन बीबीनो स्‍येःज्‍यीम् ज्‍यबे लक्‍मातेङ् म्‍हङ्‍चे ननलबे म्‍हीमात फेन्‍न लजेत्‍ज्‍यी। तलेपङ्‍सम् पर्‌मेस्‍वर् थेङ्‍तेङ् बक्‍च्‍य मुबल।

रोमी 8:2

येसु ख्रीस्‍ट् ग्‍यम्‍से जीवन् न्‍हङ्‌बे आत्‍माइ सक्‍तीचे ङ्‍य्‍हङ्‍मात पाप्‍तेङ् स्‍यीबइ सक्‍ती ग्‍यम्‍से फेःपीन्‍जेत्‍पल मुब।

एफीसी 3:8

पर्‌मेस्‍वर्‌की म्‍हीमान्‍हङ्‌री ङ गोदोब्‍न्‍हङ्‍री लक् अतबे म्‍ही तलेएनो ख्रीस्‍ट्‍की दप्‍ज्‍यीम् दप्‍प अखम्‍बे सम्‍पत्‍तीइ ज्‍यबे सम्‍तर् यहुदी अय्‍हीन्‍बे म्‍हीमात स्‍येत्‍पे लक् पर्‌मेस्‍वर्‌की अनुग्रह ग्‍यम्‍से थेङ्‍चे ङत न्‍हङ्‍जेत्‍ज्‍यी।

कलस्‍सी 1:19

तलेपङ्‍सम् परमेस्‍वर र्‌हङ्‍की जम्‍मनो स्‍वभाब्‍मा ख्रीस्‍ट्‍री पुरा तबरीनो थेङ् तङ्‍जेत्‍ज्‍यी।

कलस्‍सी 2:9

तलेपङ्‍सम् पर्‌मेस्‍वर् ख्रीस्‍ट्‍की ल्‍हीःरीनो स्‍य्‍हुजेत्‍ज्‍यीम् र्‌हङ्‍की जम्‍मनो स्‍वभाब्‍मा ङोन्‍जेत्‍प।

प्रकास 21:6

ओसेम् थेङ्‍चे ङत सुङ्‌ज्‍यी, “देरेम् बुत्‍ज्‍यी। ङ अल्‍फातेङ् ओमेगा य्‍हीन्‍ब, ओसेम् तीप्‍पतेङ् ज्‍युः ङनो य्‍हीन्‍ब। फीःबलमात ङचे जीवन्‍की यीइ म्रुः ग्‍यम्‍से ओलेनो थुङ्पुङ्‍स्‍ये मुब।

प्रकास 22:1

हुजु लीप्‍चे स्‍वर्‌गदुत्‍चे ङत फोलो युङ्‌ब र्‌हङ्‌ले सर्‌पे जीवन्‍की यीइ ग्‍येन्‍दी ङोन्‍ज्‍यी। हुजु ग्‍येन्‍दी पर्‌मेस्‍वर्‌तेङ् थुमाइ ठी ग्‍यम्‍से डोङ्‍ब मुबल।