युहन्‍ना 3:25 - पश्‍चिम तामाङ

²⁵ हुजु बेलोरी युहन्‍नाइ डबमातेङ् यहुदी गीःकी गुङ्‍री ख्रुज्‍यीम् दाबे बारेरी तम् ज्‍योप्‍ज्‍यी।

युहन्‍ना 3:25 ပူးပေါင်းရင်းမြစ်များ

मत्‍ती 3:11

“ङचेम् एङ्‍यीमाचे पस्‍चताप स्‍य्‍हेङ्‌बल ङोन्‍बे लागीरी यीचे बप्‍तीस्‍मा पीन्‍ब। तर ङ बीम ङ्‍हच्‍छ्‍यङ् गीः ब्‍योन्‍खय्‍हम्‍बल मुब, ङम् थेङ्‌की पनेइ नाबरीएनो जेबल अरे। थेङ्‌चे एङ्‌यीमात पबीत्र आत्‍मातेङ् मेग्‍यम्‍से बप्‍तीस्‍मा न्‍हङ्‌स्‍ये मुब।

मर्‌कुस् 7:8

“एङ्‍यीमाचे पर्‌मेस्‍वर्‌चे कुल्‍जेत्‍पे तम् अङ्‍येन्‍नले म्‍हीमाकी पेठीम्‍त ङ्‍येन्‍ब।”

युहन्‍ना 2:6

हुजुरी युङ्‌ब ठाज्‍यीम् स्‍य्‍हेङ्‌बे फुम्‍बुमा डुः मुबल। हुजुमारी सय लीटरते यी वङ्‌ब मुबल। हुजु फुम्‍बुमा यहुदीमाचे सुद्‍द स्‍य्‍हेङ्‌बे लक्‍री कोल्‍ब मुबल।

हीब्रु 6:2

ओसेम् थोचे थोइ बप्‍तीस्‍माकी बारेरी, ल्‍होल्‍होमाकी जोरी या थेन्‍ज्‍यीम् प्रार्‌थना स्‍य्‍हेङ्‌बे बारेरी ओसेम् खेम पङ्‍लेनोइ लागीरी यङ्‌स्‍येकी सजायकी तम्‍माकी बारेरी देबेएनो लोप्‍टी अथो।

हीब्रु 9:10

हुजुमामी चब थुङ्‌बतेङ् थोचे थोइ चोखइतीबे नीयम्‍माकीनो य्‍हीन्‍ब। हुजुमामी पर्‌मेस्‍वर्‌की छार् नीयम् अखगदेसम्‍मइ लागीरीकीनो स्‍य्‍हेङ्‌बे ल्‍हीःकी नीयम्‍माकीनो य्‍हीन्‍ब।

हीब्रु 9:23

स्‍वर्‌गइ स्‍हेःमाकी नक्‍कल् स्‍हेःमात सुद्‍द स्‍य्‍हेङ्‌बरी चु सेम्‍ज्‍येन्की का तोःज्‍यी पङ्‌सम् स्‍वर्‌गइ स्‍हेःमात सुद्‍द स्‍य्‍हेङ्‌बरीमी झेन् य्‍हक्‍को ज्‍यबे ठा तोःब मुबल।

१ पत्रुस 3:21

हुजु यीचे बप्‍तीस्‍माकी सङ्‍केत् स्‍य्‍हेङ्‌ब, हुजुचे देरेम् एङ्‍यीमात थर्‌नलब। चु ल्‍हीइ ख्रीती ख्रुप र्‌हङ्‍ब अय्‍हीन्, तर चोखो बीबेक्‍चे पर्‌मेस्‍वर्‌तेङ् स्‍य्‍हेङ्‌बे बाचा य्‍हीन्‍ब। येसु ख्रीस्‍ट् स्‍यीजेत्‍ज्‍यीम् सोजेत्‍पल ग्‍यम्‍से एङ्‍यीमा थर्‌ब।