युहन्‍ना 3:17 - पश्‍चिम तामाङ

¹⁷ पर्‌मेस्‍वर्‌चे जम्‍बुलीङ्‍त दोस् ङोन्‍बरी थेङ्‌की जत पीत्‍युजेत्‍पल अय्‍हीन्, तर जम्‍बुलीङ् थे ग्‍यम्‍से थर्‌खइ बी पीत्‍युजेत्‍पल य्‍हीन्‍ब।

युहन्‍ना 3:17 ပူးပေါင်းရင်းမြစ်များ

मत्‍ती 1:23

“च्‍यागो, कङ्‍य अमकोलइ फोरी कोल खज्‍यीम् थेचे ज गी न्‍हस्‍ये मुब। ओसेम् म्‍हीमाचे थेङ्‌त इम्‍मानुएल पङ्‌स्‍ये मुब।” (इम्‍मानुएल पङ्‍बलमी, “पर्‌मेस्‍वर् ङ्‍य्‍हङ्तेङ्” य्‍हीन्‍ब।)

मत्‍ती 18:10

“होसीयार्‌ले टीउ, चु ज्‍यीद कोलमा न्‍हङ्‌री गीतएनो हेल थलउ। ङ एङ्‌यीमात पङ्‍ब, थेङ्‌यीमात स्‍य्‍हप्‍तो स्‍य्‍हेङ्‌बे स्‍वर्‌गदुत्‍मा स्‍वर्‌गरी मुबे पर्‌मेस्‍वर् अपइ ङोन्‍री मुब।

मत्‍ती 18:11

[तलेपङ्‍सम् म्‍हीइ ज म्‍हबलमात थर्‌नलबरी युबल य्‍हीन्‍ब।]

लुका 19:10

म्‍हीइ ज म्‍हबलमात म्‍हइबतेङ् थर्‌नलबरी युबल य्‍हीन्‍ब।”

लुका 9:56

ओसेम् थेङ्‍मा ल्‍हो-ल्‍हो नम्‍सरी स्‍येःजेत्‍ज्‍यी।

युहन्‍ना 1:29

न्‍हम्‍स्‍य्‍होर्‌हङ् येसु र्‌हङ्‍ज ब्‍योन्‍खटीबल म्रङ्‌ज्‍यीम् युहन्‍नाचे पङ्‍ज्‍यी, “च्‍याको, पर्‌मेस्‍वर्‌की थुमा, थेङ्‌चे जम्‍बुलीङ्‌की जम्‍मनो म्‍हीमाकी पापमा नोम्‍जेत्‍स्‍ये मुब!

युहन्‍ना 10:36

ङत अपचे दम्‍जेत्‍ज्‍यीम् जम्‍बुलीङ्‌री पीत्‍युजेत्‍पल य्‍हीन्‍ब। ङचे ङ पर्‌मेस्‍वर्‌की ज य्‍हीन्‍ब पङ्‍बतेङ् पर्‌मेस्‍वर्‌की नीन्‍द स्‍य्‍हेङ्‌बल तब बी खले एङ्‍यीमाचे पङ्‍ब?

युहन्‍ना 11:42

थेङ्‌चे ङइ तम् खेम पङ्‌लेनो सेन्‍जेत्‍प, हुजु ङत था मुब। तर चुरी रप्‍टीबे य्‍हक्‍को म्‍हीमाचे ङत जम्‍बुलीङ्‌री थेङ्‌चे पीत्‍युजेत्‍पल य्‍हीन्‍ब बी बीस्‍वास् स्‍य्‍हेङ्‌खइ पङ्‍ज्‍यीम् थेङ्‌यीमाकी लागीरी ङचे चु तम् पङ्‍बल य्‍हीन्‍ब।”

युहन्‍ना 17:18

थेङ्‌चे ङत जम्‍बुलीङ्‌री पीत्‍युजेत्‍प र्‌हङ्‌ले ङचेएनो थेङ्‌यीमात जम्‍बुलीङ्‌री पीत्‍पल मुब।

युहन्‍ना 17:21

थेङ्‍यीमा सेम् गीः तखइ पङ्‍ज्‍यीम् ङ प्रार्‌थना स्‍य्‍हेङ्‌ब। अप! थेङ् ङतेङ्, ङ थेङ्‍तेङ् तज्‍यीम् ङ्‍य्‍हङ्‍ ङ्‍य्‍ही गीः तब र्‌हङ्‌ले, थेङ्‍यीमाएनो ङ्‌य्‍हङ् ङ्‍य्‍हीतेङ् गीः तज्‍यीम् ङत थेङ्‌चेनो पीत्‍युजेत्‍पल बी जम्‍बुलीङ्‌की म्‍हीमाचे गोब खम्‍खइ।

युहन्‍ना 17:23

ङ थेङ्‍यीमातेङ्, ओसेम् थेङ् ङतेङ् मुब र्‌हङ्‌ले थेङ्‍यीमाएनो गीः तखइ। चु ग्‍यम्सेनो जम्‍बुलीङ्‌की म्‍हीमाचे ङत थेङ्‌चे पीत्‍युजेत्‍पल य्‍हीन्‍ब, ओसेम् थेङ्‍यीमातएनो थेङ्‌चे ङत म्‍होइजेत्‍प र्‌हङ्‌लेनो म्‍होइजेत्‍ज्‍यी बी स्‍येःखइ।

युहन्‍ना 17:25

“ङइ धर्‌मी अप, जम्‍बुलीङ्‌की म्‍हीमाचे थेङ्‍त अस्‍ये, तर ङचे थेङ्‌त स्‍येःब। ओसेम् ङत थेङ्‌चे पीत्‍युजेत्‍पल य्‍हीन्‍ब बी ङतेङ् ब्रबलमाचे स्‍येःब।

युहन्‍ना 17:3

ओसेम् खेमेएनो अबेबे जीवन चुनो य्‍हीन्‍ब, थेङ्‍यीमाचे थेङ् गीकीनो देमेन्‍की पर्‌मेस्‍वर्‌त स्‍येब, ओसेम् थेङ्‌चे पीत्‍युजेत्‍पे येसु ख्रीस्‍ट्त स्‍येब।

युहन्‍ना 17:8

तलेपङ्‍सम् थेङ्‌चे ङत न्‍हङ्‍जेत्‍पे सम्‍तर् ङचे थेङ्‌यीमात पीन्‍बल मुब, ओसेम् थेङ्‍यीमाचे स्‍वीकार् लबल मुब। देरेम् थेङ्‍यीमाचे ङ थेङ् ग्‍यम्‍से युबल बी स्‍येबल मुब, ओसेम् थेङ्‌चेनो ङत पीत्‍युजेत्‍पल पङ्‍ज्‍यीम् थेङ्‍यीमाचे बीस्‍वास् स्‍य्‍हेङ्‌बल मुब।

युहन्‍ना 20:21

येसुचे थेङ्‌यीमात देबेएनो सुङ्‌ज्‍यी, “सान्‍ती एङ्‌यीमातेङ् तखइ! अपचे ङत पीत्‍युजेत्‍प र्‌हङ्‌लेनो ङएनो एङ्‌यीमात पीत्‍टीब।”

युहन्‍ना 3:34

पर्‌मेस्‍वर्‌चे पीत्‍युजेत्‍पलचे पर्‌मेस्‍वर्‌की फ्रोइनो सुङ्‌ब, तलेपङ्‍सम् पर्‌मेस्‍वर्‌चे थेङ्‌त पबीत्र आत्‍मा दप्‍ज्‍यीम् अय्‍हीन् अदब्‍नले न्‍हङ्‌बल मुब।

युहन्‍ना 5:36

“तर युहन्‍नाल बीमएनो ङ्‌हच्‍छ्‌यङ् गवाही ङतेङ् मुब। ङइ अपचे ङत स्‍य्‍हेङ्‌बरी कुल्‍बे लक्‍मा ङचे स्‍य्‍हेङ्‍टीबल मुब, ओसेम् हुजु लक्‍माचेनो ङत अपचे पीत्‍युजेत्‍पल य्‍हीन्‍ब पङ्‌ज्‍यीम् गवाही पीन्‍ब।

युहन्‍ना 5:38

एङ्‍यीमाचे थेङ्‌की फ्रोइ सेम्‍री थेन्‍बल अरे, तलेपङ्‍सम् थेङ्‌चे पीत्‍युजेत्‍पे म्‍हीत एङ्‍यीमाचे बीस्‍वास् अस्‍हेङ्।

युहन्‍ना 5:45

“ङचे एङ्‌यीमात अपइ ङोन्‍री दोस् ङोन्‍स्‍ये मुब बी थम्‍हेनो। एङ्‍यीमाचे आस् थेन्‍बे मोसाचेनो एङ्‌यीमात दोस् ङोन्‍स्‍ये मुब।

युहन्‍ना 6:29

येसुचे थेङ्‌यीमात, “पर्‌मेस्‍वर्‌चे थुः लजेत्‍पे लक्‍मा चुनो य्‍हीन्‍ब, थेङ्‌चे पीत्‍युजेत्‍पलत बीस्‍वास् स्‍य्‍हेङो” बी जोहाप् न्‍हङ्‌ज्‍यी।

युहन्‍ना 6:38

तलेपङ्‍सम् ङ ङचे म्‍हेन्‍बल टोप् लबरी अय्‍हीन् तर ङत पीत्‍युजेत्‍पलइ थुः टोप् लबरी स्‍वर्‌ग ग्‍यम्‍से युबल य्‍हीन्‍ब।

युहन्‍ना 6:40

तलेपङ्‍सम् ङइ अपइ थुः चुनो य्‍हीन्‍ब, थेङ्‌की जत च्‍याबलतेङ् बीस्‍वास् स्‍य्‍हेङ्‌बलमा जम्‍मचेनो खेमेएनो अबेबे जीवन् यङ्‍खइ, ओसेम् ज्‍युःकी दीन्‍री ङचे थेङ्‌यीमात सोन लस्‍ये मुब।”

युहन्‍ना 6:57

खले सोम्‍बो अपचे ङत पीत्‍युजेत्‍ज्‍यी, ओसेम् थेङ्‌चे लज्‍यीम् ङ सोब, होलेनो ङत चबलएनो ङचे लज्‍यीम् सोस्‍ये मुब।

युहन्‍ना 7:29

तर ङचे थेङ्‌त स्‍येःब, तलेपङ्‍सम् ङ थेङ् ग्‍यम्‍से युबल य्‍हीन्‍ब, ओसेम् थेङ्‌चे ङत पीत्‍युजेत्‍पल य्‍हीन्‍ब।”

युहन्‍ना 8:11

हुजु अमकोलचे पङ्‍ज्‍यी, “प्रभु, खल्‍चेएनो अपीन्।” ओसेम् येसुचे सुङ्‌ज्‍यी, “ङएनो एत सजाय अपीन्। देरेम् य्‍हरो, तर दोःज्‍यीम् पाप थस्‍य्‍हेङो।”]

युहन्‍ना 8:42

येसुचे थेङ्‌यीमात सुङज्‍यी, “एङ्‌यीमाकी अप पर्‌मेस्‍वर् य्‍हीन्‍बल पङ्‌सम् एङ्‍यीमाचे ङत म्‍होइस्‍येल, तलेपङ्‍सम् ङ पर्‌मेस्‍वर् ग्‍यम्‍से युबल य्‍हीन्‍ब। ङ ङइ सेम्‍चे म्‍हेन्‍ज्‍यीम् युबल अय्‍हीन् तर ङत थेङ्‌चे पीत्‍युजेत्‍पल य्‍हीन्‍ब।

१ युहन्‍ना 2:2

थेङ् ङ्‍य्‍हङ्‍की पाप्‍मा क्षमा लबरी स्‍यीजेत्‍पल य्‍हीन्‍ब। ङ्‌य्‍हङ्‌माकी लागीरीकीनो अय्‍हीन्, तर जम्‍बुलीङ्‌की जम्‍मनो म्‍हीमाकी पापकी लागीरीएनो य्‍हीन्‍ब।

१ युहन्‍ना 4:14

ओसेम् अपचे र्‌हङ्‍की जत चु जम्‍बुलीङ्‌री मुक्‍ती न्‍हङ्‍बरी पीत्‍युजेत्‍पल ङ्‍य्‍हङ्‍माचे म्रङ्‌बल मुब, ओसेम् हुजु ल्‍हो-ल्‍होत स्‍येत्‍प।