युहन्‍ना 20:9 - पश्‍चिम तामाङ

⁹ (धर्‌म छ्‍येःरी येसु स्‍यीब ग्‍यम्‍से सोनोथोब पङ्‍ज्‍यीम् ब्रीबे फ्रोइ थेङ्‍यीमाचे देरे सम्‍म गोबल अरेबल।)

युहन्‍ना 20:9 ပူးပေါင်းရင်းမြစ်များ

मत्‍ती 22:29

येसुचे थेङ्‌यीमात जोहाप् न्‍हङ्‌ज्‍यी, “एङ्‍यीमा न्‍होर्‌टीबल टीम्, तलेपङ्‍सम् एङ्‍यीमाचे धर्‌मइ छ्‍येःतेङ् पर्‌मेस्‍वर्‌की सक्‍ती स्‍येबल अरेम्।

लुका 24:26

मुक्‍ती न्‍हङ्‌बे ख्रीस्‍ट् र्‌हङ्‌की महीमारी स्‍येःब बीमम् ङोन्‍ग्‍यम् चु दुखमा नाअथोबल स्‍यीम्?”

लुका 9:45

तर थेङ्‌चे ता सुङ्‌ब छ्‌याबल डबमाचे गोअखम्। चु तम्‍की अर्‌थ थेमाचे अगोखइ बी थेमा ग्‍यम्‍से छुम्‍बल मुबल। होत्‍तज्‍यीम् थेङ्‍यीमाचे चु तम् गोअखम्। ओसेम् थेङ्‌यीमा चु तम्‍की बारेरी येसुत ङ्‌योत्‍परी लोङ्‌ज्‍यी।

युहन्‍ना 2:22

येसु स्‍यीब ग्‍यम्‍से सोजेत्‍प बीसेम् थेङ्‌की डबमाचे थेङ्‌चे सुङ्‍बे चु तम्‍त व्‍हल् लज्‍यी। ओसेम् थेङ्‍यीमाचे धर्‌म छ्‍येःतेङ् येसुचे सुङ्‍बे फ्रोइत बीस्‍वास् लज्‍यी।

प्रेरीत् 17:3

थेचे थेङ्‌यीमात धर्‌मइ छ्‍येः ग्‍यम्‍से, “मुक्‍ती न्‍हङ्‌बे ग्‍यल्‍बो ख्रीस्‍ट्‍चे दुख नाज्‍यीम् स्‍यीथोबतेङ् स्‍यीब ग्‍यम्‍से सोथोब मुबल, ओसेम् ङचे एङ्‌यीमात प्रचार स्‍य्‍हेङ्‌बे येसुनो हुजु मुक्‍ती न्‍हङ्‌बे ख्रीस्‍ट् य्‍हीन्‍ब” बी पङ्‍ज्‍यीम् प्रमान पीन्‍ज्‍यी,

प्रेरीत् 2:24

“तर पर्‌मेस्‍वर्‌चे येसुत स्‍यीब ग्‍यम्‍से सोनलजेत्‍ज्‍यी। तलेपङ्‍सम् येसुत स्‍यीबे सक्‍तीचे स्‍यीबलम् स्‍यीबनो लब अखम्‍ब मुबल।

१ कोरीन्‍थी 15:4

थेङ्‍त बुप्‍लाज्‍यी, ओसेम् धर्‌म छ्‍येः अनुसार् सोम्‍रेत्कुनो पर्‌मेस्‍वर्‌चे स्‍यीब ग्‍यम्‍से सोनलजेत्‍ज्‍यी,