युहन्‍ना 2:18 - पश्‍चिम तामाङ

¹⁸ हुजु लीप्‍चे यहुदी अगुवामा खज्‍यीम् पङ्‍ज्‍यी, “थेङ्‍तेङ् चोतेबे लक् स्‍य्‍हेङ्‌बे अधीकार् मुब बी ङ्‍यीमात अचम्‍मइ लक्‍की चीनो ङोन्‍जेत्‍प खम्‍ब?”

युहन्‍ना 2:18 ပူးပေါင်းရင်းမြစ်များ

मत्‍ती 21:23

येसु पर्‌मेस्‍वर्‌की दीम्‍री वङ्‍जेत्‍ज्‍यीम् लोप्‍जेत्‍टीबे बेलोरी ङ्‍हच्‍छ्‍यङ् लम्‍बुमातेङ् एल्‍डरमा थेङ्‌ज खज्‍यी। ओसेम् थेङ्‍यीमाचे थेङ्‌त ङ्‌योत्‍ज्‍यी, “एचे खजु अधीकार् ग्‍यम्‍चे चु लक्‍मा स्‍य्‍हेङ्‍टीब? एत चु अधीकार् खल्‍चे पीन्‍ज्‍यी?”

मर्‌कुस् 8:11

फरीसीमा येसु मुबे ग्‍लारी खज्‍यीम् तम् ज्‍योप्‍प तीप्‍ज्‍यी। थेङ्‍यीमाचे येसुत जाच्‍तीबरी, “ङ्‌यीमात स्‍वर्‌ग ग्‍यम्‍से चीनो गीः ङोनो” बी पङ्‍ज्‍यी।

लुका 11:29

य्‍हक्‍को म्‍हीमा र्‌हुप् तब बीसेम् येसुचे सुङ्‌ज्‍यी, “चु पुस्‍ताइ अज्‍यबे लक् स्‍य्‍हेङ्‌बे म्‍हीमाचे ङत तेङेन्‍की चीनो ङोनो बी पङ्‌ब। तर ङ योनाइ चीनो गीःकीनो पीन्‍ब।

युहन्‍ना 1:19

यरुसलेम्‍की यहुदी अगुवामाचे डेत्-डेत् लम्‍बुमातेङ् लेबीमात युहन्‍नाइज, “ए खल य्‍हीन्‍ब?” बी ङ्‍योत्‍परी पीत्‍ज्‍यी।

युहन्‍ना 1:25

ओसेम् थेङ्‍यीमाचे युहन्‍नात ङ्‌योत्‍ज्‍यी, “ए मुक्‍ती न्‍हङ्‌बे ख्रीस्‍ट्‍एनो अय्‍हीन्, एलीयाएनो अय्‍हीन्, ओसेम् अगम्‍बक्‍तएनो अय्‍हीन् पङ्‌सम् तले बप्‍तीस्‍मा पीन्‍बल स्‍यीम्?”

युहन्‍ना 6:30

थेङ्‍यीमाचे थेङ्‌त पङ्‍ज्‍यी, “थेङ्‌चे ङ्‍यीमात खतेबे अचम्‍मइ चीनोमा ङोन्‍जेत्‍प, ओसेम् हुजु च्‍याज्‍यीम् थेङ्‌त बीस्‍वास् स्‍य्‍हेङ्‌ब? थेङ्‌चे ता स्‍य्‍हेङ्‌जेत्‍प?

प्रेरीत् 4:7

थेङ्‍यीमाचे पत्रुसतेङ् युहन्‍नात ङोन्‍री बज्‍यीम्, “एङ्‍यीमाचे चु लक् खतेबे सक्‍तीचे खलइ मीन्‍री स्‍य्‍हेङ्‌बल य्‍हीन्‍ब?” बी ङ्‌योत्‍ज्‍यी।

प्रेरीत् 5:28

“ङ्‌यीमाचे एङ्‌यीमात हुजु म्‍हीइ मीन्‍री खल्‍तेएनो थलोपो पङ्‍ज्‍यीम् कुल्‍बल मुबल। तर एङ्‍यीमाचे चु तम् यरुसलेमकी जम्‍मा ग्‍लामारी ठम्‍ज्‍यीन्‍नेम्। ओसेम् येसुत सेत्‍पे दोस्‍एनो एङ्‍यीमाचे ङ्‌यीमात ल्‍हइतीब म्‍हइनेम्।”