युहन्‍ना 2:12 - पश्‍चिम तामाङ

¹² हुजुलीप्‍चे येसु र्‌हङ्‌की अमतेङ् अलेमा ओसेम् डबमातेङ् बक्‍च्‍य कफर्‌नहुम् लीङ्‍स्‌री स्‍येजेत्‍ज्‍यीम् तोव दीन्‍सम्‍म हुजुरीनो स्‍य्‍हुजेत्‍ज्‍यी।

युहन्‍ना 2:12 ပူးပေါင်းရင်းမြစ်များ

मत्‍ती 11:23

“ओसेम् कफर्‌नहुम्‍की म्‍हीमा, एङ्‍यीमा स्‍वर्‌गरी दोःब बी म्‍हेन्‍ब? एङ्‌यीमा नर्‌करी ख्‍लास्‍ये मुब। तलेपङ्‍सम् एङ्‌यीमात ङोन्‍ब र्‌हङ्‌बे तेङेन्‍की लक्‍मा सदोमरीएनो ङोन्‍बल पङ्‌सम् सदोम सहर् तीङ्‌यी सम्‍मनो टीस्‍येल।

मत्‍ती 12:46

येसुचे म्‍हीमातेङ् तम् पङ्‌टीबे बेलोरी थेङ्‌की अमतेङ् अलेमा दोखज्‍यी। थेङ्‍यीमा येसुतेङ्‍ तम् लथोबल मुब पङ्‍ज्‍यीम् दोरी ब्रेन्‍ज्‍यीम् रप्‍ज्‍यी।

मत्‍ती 4:13

थेङ् नासरत ख्‍लेथेन्‍ज्‍यीम् कफर्‌नहुम् पङ्‌बे ज्‍यीद सहर्‌री स्‍य्‍हुबरी स्‍येजेत्‍ज्‍यी। कफर्‌नहुम सहर गालील ग्‍येइ रेइकी जबुलुनतेङ् नप्‍तालीइ प्रदेस्‍री मुबल।

मर्‌कुस् 6:3

चु म्‍ही मरीयमकी ज सीकर्‌मी अय्‍हीनो स्‍यीम्? ओसेम् थे याकुब, योसेफ, यहुदातेङ् सीमोनकी अज्‍यो अय्‍हीनो स्‍यीम्? थेइ अङमाएनो ङ्‍य्‍हङ्‍मातेङ्‍नो बक्‍च्‍य चुरी अरेउ स्‍यीम्?” चोले म्‍हीमाचे थेङ्‌त बीस्‍वास् अस्‍य्‍हेङ्।

युहन्‍ना 2:2

ओसेम् येसुतेङ् थेङ्‌की डबमातएनो हुजु भ्‍यारी ङ्‍होत्‍पल मुबल।

युहन्‍ना 4:46

येसु देबेएनो गालील प्रदेस्‍की काना पङ्‍बे ग्‍लारी स्‍येजेत्‍ज्‍यी। हुजु ग्‍लारी थेङ्‌चे यीत अङ्‍गुर्‌की नीङ्‍गु स्‍य्‍हेङ्‌जेत्‍पल मुबल। हुजुरी कफर्‌नहुम् लीङ्‍सइ हाकीम् गीः मुबल, थेइ ज नबल मुबल।

युहन्‍ना 6:17

ओसेम् थेङ्‍यीमा दोङ्‍ग क्रेत्‍ज्‍यीम् कफर्‌नहुम् लीङ्‍स्‌री ङ्‌यीबरी ग्‍येइ क्‍योम्‍सङ् य्‍हर्‌ज्‍यी। म्‍हुन्‍दुङ् तज्‍यीन्‍बल मुबल, ओसेम् येसु दवम् सम्‍म थेङ्‌यीमाज ब्‍योन्‍खबल अरेबल।

१ कोरीन्‍थी 9:5

ता ल्‍हो-ल्‍हो प्रेरीत्‍मा, प्रभुइ अलेमा ओसेम् पत्रुसचे र्‌हङ्‌ले ङ्‍यीमाचेएनो ख्रीस्‍ट्‍त बीस्‍वास् स्‍य्‍हेङ्‌बे म्रीङ्‍त बक्‍च्‍य बोर्‌ज्‍यीम् ब्रबे अधीकार् अरेउ स्‍यीम्?

गलाती 1:19

ङचे हुजुरी प्रभुइ अले याकुब बीम् ल्‍हो-ल्‍हो प्रेरीतमा खल्‍तएनो खतु अत।