युहन्‍ना 2:10 - पश्‍चिम तामाङ

¹⁰ ओसेम् पङ्‍ज्‍यी “ल्‍हो-ल्‍होमाचेम् ङोन्‍ग्‍यम् अङ्‍गुर्‌की य्‍हक्‍को रोङ्‌बे नीङ्‍गु पीन्‍ब, ओसेम् डोम्‍बोमाचे नीङ्‍गु य्‍हक्‍को थुङ्‌ज्‍यीम् ङ्‍य्‍हेब बीसेम् अङ्‍गुर्‌की अरोङ्‍बे नीङ्‍गु पीन्‍ब। तर एचेम् देरेसम्‍म य्‍हक्‍को रोङ्‌बे नीङ्‍गु थेन्‍बल टीम्।”

युहन्‍ना 2:10 ပူးပေါင်းရင်းမြစ်များ

मत्‍ती 24:49

ओसेम् र्‌हङ्‍तेङ् बक्‍च्‍य लक् स्‍य्‍हेङ्‌बे ल्‍हो-ल्‍हो योक्‍पोमात तोज्‍यीम् ज्‍यी थुङ्‍बलमातेङ् बक्‍च्‍य चब थुङ्‍ब लज्‍यी।

लुका 12:45

तर खल योक्‍पोचे ‘ङइ मालीक् गेःनले खस्‍ये मुब’ म्‍हेन्‍ज्‍यीम् ल्‍हो-ल्‍हो अपकोलतेङ् अमकोल योक्‍पोमात दोक्‍ज्‍यीम् य्‍हक्‍को चज्‍यीम् थुङ्‌ज्‍यीम् ङ्‌य्‍हेज्‍यी।

लुका 16:25

तर अब्रहामचे थेत पङ्‌ज्‍यी, ‘ङइ ज, व्‍हल् लो स्‍यीम्, एचे जम्‍बुलीङ्‌री मुबे बेलोरी ज्‍यबतेङ् रोङ्‌बे स्‍हेमा यङज्‍यी, लाजरस्‍चेमी अज्‍यबकीनो यङ्‌ज्‍यी। तर देरेम् थे चुरी सुखरी देनले टीटीब मुब। ओसेम् एमी य्‍हक्‍को दुख नाटीब।

प्रेरीत् 2:15

तलेपङ्‍सम् एङ्‍यीमाचे म्‍हेन्‍ब र्‌हङ्‌ले थेङ्‍यीमा ङ्‍य्‍हेबल अय्‍हीन्। स्‍य्‍होरी नौ बजेनो खल्‍चेएनो अङ्‍गुर्‌की नीङ्‍गु ङ्‍य्‍हेनले अथुङ्।

१ कोरीन्‍थी 11:21

तलेपङ्‍सम् एङ्‍यीमान्‍हङ्‍री गदेचेम् र्‌हङ्‍की चब खल्‍तएनो अजुनले र्‌हङ्‍कीनो चब, होत्‍तज्‍यीम् गदे म्‍हीम् फोइतेन् तब, ओसेम् गदेम् ङ्‍य्‍हेब।

एफीसी 5:18

ज्‍यी थुङ्‌ज्‍यीम् ङ्‍य्‍हेज्‍यीम थब्रउ, तलेपङ्‍सम् हुजुचेम् एङ्‌यीमाकी जीवन् न्‍होङ्‍नलब, तर पबीत्र आत्‍माचे प्‍लीङो।

१ थेस्‍लोनीकी 5:7

तलेपङ्‍सम् म्‍हीमा म्‍हुनरी न्‍हुःब ओसेम् म्‍हुनरीनो म्‍हीमा ज्‍यीचे ङ्‌य्‍हेज्‍यीम् ब्रब।

प्रकास 17:2

जम्‍बुलीङ्‌की ग्‍यल्‍बोमाचे हुजु अमकोलतेङ् ब्‍यभीचार् स्‍य्‍हेङ्‍बल मुब, ओसेम् जम्‍बुलीङ्‌की म्‍हीमा ज्‍यीचे ङ्‌य्‍हेःब र्‌हङ्‌ले थेतेङ् स्‍य्‍हेङ्‌बे ब्‍यभीचार् ग्‍यम्‍से ङ्‍य्‍हेःबल मुब।”

प्रकास 17:6

ओसेम् हुजु अमकोलचे येसु ख्रीस्‍ट्‍की बारेरी साक्षी पीन्‍बल तज्‍यीम् म्‍हीमाचे सेत्‍पे पर्‌मेस्‍वर्‌की म्‍हीमाकी का थुङ्‌ज्‍यीम् ङ्‍य्‍हेबल ङचे म्रङ्‍ज्‍यी। हुजु अमकोलत म्रङ्‌ज्‍यीम् ङ य्‍हक्‍को अचम्‍म तज्‍यी।