युहन्‍ना 19:6 - पश्‍चिम तामाङ

⁶ ङ्‍हच्‍छ्‍यङ् लम्‍बुमातेङ् पर्‌मेस्‍वर्‌की दीम् रुङ्‍बे स्‍यीपइमाचे येसुत म्रङ्‌ब बीसेम् क्रीङ्‌ज्‍यीम्, “थेत क्रुस्‍री च्‍योलागो, थेत क्रुस्‍री च्‍योलागो!” बी पङ्‍ज्‍यी। ओसेम् पीलातसचे थेङ्‌यीमात पङ्‍ज्‍यी, “एङ्‌यीमाचेनो थेत बोर्‌ज्‍यीम् क्रुस्‍री च्‍योलागो, तलेपङ्‍सम् ङचेम् थेतेङ् तइ दोस्‍एनो यङ्‌बल अरे।”

युहन्‍ना 19:6 ပူးပေါင်းရင်းမြစ်များ

मत्‍ती 26:58

पत्रुस चेक्-चेक् खेत्‍नले येसुइ लीप्-लीप् ङ्‌यीज्‍यीम् गोदोब्‍न्‍हङ्‍की ङ्‍हच्‍छ्‍यङ् लम्‍बुइ दीम्‍की दोसम्‍म दोःज्‍यी। ओसेम् ज्‍युःरी तात तमु बी च्‍याबरी न्‍हङ्‌री वङ्‌ज्‍यीम् दीम् रुङ्‍बलमातेङ् बक्‍च्‍य टीज्‍यी।

मत्‍ती 27:22

पीलातसचे थेङ्‌यीमात देबेएनो ङ्‌योत्‍ज्‍यी, “होले पङ्‌सम् मुक्‍ती न्‍हङ्‌बे ख्रीस्‍ट् पङ्‍बे येसुत ङ ता लब?” थेङ्‌यीमा जम्‍मचे क्रीङ्‌ज्‍यीम्, “थेत क्रुस्‍री च्‍योलागो!” बी पङ्‍ज्‍यी।

मत्‍ती 27:24

देरेम् पीलातसचे र्‌हङ्‌चे तएनो स्‍य्‍हेङ्‍ अखम्‍बल म्रङ्‍ज्‍यी, ओसेम् खइल बइल तल म्‍हेन्‍ज्‍यीम् जम्‍मनो म्‍हीमाइ ङ्‍होन्‍सङ् र्‌हङ्‌की या ख्रुज्‍यीम्, “चु म्‍हीइ काइ दोस् ङत अटखइ एङ्‍यीमातनो टखइ” पङ्‍ज्‍यी।

लुका 23:4

हुजु लीप्‍चे पीलातसचे ङ्‍हच्‍छ्‍यङ् लम्‍बुमातेङ् य्‍हक्‍को म्‍हीमात पङ्‌ज्‍यी, “चु म्‍हीचे अतबे लक् स्‍य्‍हेङ्‌बल ङचे तएनो अय्‍हङ्।”

युहन्‍ना 18:3

हुजु बेलोरी ङ्‍हच्‍छ्‍यङ् लम्‍बुमातेङ् फरीसीमाचे पीत्‍खबे स्‍यीपाइमातेङ् पर्‌मेस्‍वर्‌की दीम् रुङ्‍बे म्‍हीमात बज्‍यीम् यहुदा हुजुरी खज्‍यी। थेङ्‍यीमा मेतङ्‍मातेङ् बत्‍तीमा ओसेम् तर्‌वलमा थोज्‍यीम् खबल मुबल।

युहन्‍ना 18:31

ओसेम् पीलातसचे थेङ्‌यीमात, “चु म्‍हीत बोरो, ओसेम् एङ्‌यीमाकी नीयम् अनुसारनो न्‍याय स्‍य्‍हेङो” बी पङ्‍ज्‍यी। यहुदी अगुवामाचे जोहप् पीन्‍ज्‍यी, “ङ्‍यीमातेङ्‌मी खलतएनो स्‍यीबे सजाय पीन्‍बे हक् अरे।”

युहन्‍ना 18:38

ओसेम् पीलातसचे, “देमेन् पङ्‍बल ता?” बी ङ्‌योत्‍ज्‍यी। चोदे तम् ङ्‍योत्‍ज्‍यीन्‍ब बीसेम् दोरी डोङ्‍ज्‍यीम् पीलातसचे यहुदी अगुवामात पङ्‍ज्‍यी, “थेत सजाय पीन्‍थोबे लक् थेचे तएनो स्‍य्‍हेङ्‌बल ङचे अम्रङ्।

युहन्‍ना 19:15

थेङ्‍यीमा चोले पङ्‍ज्‍यीम् क्रीङ्‌ज्‍यी, “थेत सेत्‍नो थोःब! क्रुस्‍री च्‍योथोःब!” पीलातसचे थेङ्‌यीमात ङ्‌योत्‍ज्‍यी, “एङ्‌यीमाकी ग्‍यल्‍बोत ङ देमेन्‍नो क्रुस्‍री च्‍योलास्‍येउ स्‍यीम्?” ङ्‍हच्‍छ्‍यङ् लम्‍बुमाचे पङ्‍ज्‍यी, “रोमी राजा बीम ल्‍हो-ल्‍हो ङ्‍यीमाल खलएनो ग्‍यल्‍बो अरे।”

युहन्‍ना 19:4

पीलातस देबेएनो दोरी डोङ्‍ज्‍यीम् थेङ्‌यीमात पङ्‍ज्‍यी, “चु म्‍हीचे सजय यङ्‌थोबे लक् तएनो स्‍य्‍हेङ्‌बल ङचे अय्‍हङ्, हुजु तम् एङ्‍यीमाचे स्‍येखइ पङ्‍ज्‍यीम् ङचे थेत एङ्‍यीमाज बब छ्‍येटीब।”

प्रेरीत् 2:23

पर्‌मेस्‍वर्‌चे र्‌हङ्‌चे थुः लजेत्‍पतेङ् ङोन्‍ग्‍यम्‍नो खेम्‍जेत्‍प अनुसार् येसुत एङ्‌यीमाकी यारी न्‍हङ्‍जेत्‍ज्‍यी। ओसेम् एङ्‍यीमाचे येसुत यहुदी अय्‍हीन्‍बे म्‍हीमाकी यारी सोप्‍तीज्‍यीम् क्रुस्‍री च्‍योज्‍यीम् सेत्‍पुङ्‌ज्‍यी।”

प्रेरीत् 7:52

एङ्‌यीमाइ म्‍हेमेमाचे अगम्‍बक्‍तमा जम्‍मतनो दुख पीन्‍बल मुबल। ओसेम् पर्‌मेस्‍वर्‌की फ्रोइकीनो ङ्‌येन्‍ज्‍यीम् ब्रबे म्‍ही ब्‍योन्‍युस्‍ये मुब पङ्‍बे तम् स्‍येत्‍पलमात थेङ्‍यीमाचे सेत्‍लाज्‍यी। ओसेम् देरे एङ्‍यीमाचेम् थेङ्‌त म्‍हीमाइ यारी सोप्‍तीपीन्‍ज्‍यीम् सेत्‍ज्‍यी।