युहन्‍ना 19:35 - पश्‍चिम तामाङ

³⁵ ओसेम् एङ्‌यीमाचेएनो बीस्‍वास् स्‍य्‍हेङ्‌खइ पङ्‍ज्‍यीम् चु जम्‍मनो लक्‍मा म्रङ्‍बलचे एङ्‌यीमात स्‍येत्‍टीब, ओसेम् चु जम्‍मनो तम्‍मा देमेन् य्‍हीन्‍ब।

युहन्‍ना 19:35 ပူးပေါင်းရင်းမြစ်များ

युहन्‍ना 11:15

तर एङ्‌यीमाकी बीस्‍वास् य्‍हक्‍को तबोर्‌खइ बी एङ्‌यीमाकी लागीरी ङ हुजुरी अतबरीनो तङ्‍बल मुब। ब्रे देरेम् ङ्‍य्‍हङ्‍मा थेइज ङ्‍यीइ।”

युहन्‍ना 11:42

थेङ्‌चे ङइ तम् खेम पङ्‌लेनो सेन्‍जेत्‍प, हुजु ङत था मुब। तर चुरी रप्‍टीबे य्‍हक्‍को म्‍हीमाचे ङत जम्‍बुलीङ्‌री थेङ्‌चे पीत्‍युजेत्‍पल य्‍हीन्‍ब बी बीस्‍वास् स्‍य्‍हेङ्‌खइ पङ्‍ज्‍यीम् थेङ्‌यीमाकी लागीरी ङचे चु तम् पङ्‍बल य्‍हीन्‍ब।”

युहन्‍ना 14:29

ङचे चु तम्‍मा तब बीमा ङोन्‍नो एङ्‌यीमात पङ्‍ज्‍यीन्‍बल मुब, होत्‍तज्‍यीम् चु तम्‍मा टोप् तबतेङ् एङ्‍यीमाचे बीस्‍वास् स्‍य्‍हेङ्‌स्‍ये मुब।

युहन्‍ना 15:27

एङ्‍यीमाम् ङचे लक् तीप्‍प य्‍हङ्‌सेनो ङतेङ् बक्‍च्‍य मुबल तज्‍यीम्, एङ्‌यीमाएनो ङइ साक्षी तस्‍ये मुब।”

युहन्‍ना 19:26

येसुचे थेङ्‌की अमतेङ् थेङ्‌चे म्‍होइजेत्‍पे डब रेइरी रप्‍टीबल म्रङ्‌ज्‍यीम् र्‌हङ्‌की अमत, “स्‍हीगो, चु म्‍ही थेङ्‌की ज” बी सुङ्‌ज्‍यी।

युहन्‍ना 20:31

तर चु तम् ब्रीबल मुब, होत्‍तज्‍यीम् एङ्‍यीमाचे येसुत मुक्‍ती न्‍हङ्‌बे ख्रीस्‍ट् पर्‌मेस्‍वर्‌की ज य्‍हीन्‍ब पङ्‍ज्‍यीम् बीस्‍वास् स्‍य्‍हेङ्‌खइ, ओसेम् थेङ्‌त बीस्‍वास् स्‍य्‍हेङ्‌ज्‍यीम् खेमेनो अबेबे जीवन यङ्‍खइ।

युहन्‍ना 21:24

हुजु जम्‍मनो तम्‍मा म्रङ्‌बतेङ् थ्‍येःबे डब चुनो य्‍हीन्‍ब, थेचेनो चु तम्‍मा ब्रीबल मुब। ओसेम् थेचे स्‍येत्‍पे जम्‍मनो तम्‍मा देमेन् य्‍हीन्‍ब बी ङ्‍य्‍हङ्‍माचे स्‍येःब।

प्रेरीत् 10:39

यरुसलेम सहर्‌तेङ् यहुदीमाकी ग्‍लामारी येसुचे स्‍य्‍हेङ्‍जेत्‍पे जम्‍मनो लक् ङ्‌यीमाचे म्रङ्‌बल मुब। थेङ्‌त यहुदीमाचे क्रुस्‍री च्‍योलाज्‍यीम् सेत्‍ज्‍यी।

रोमी 15:4

तलेपङ्‍सम् धर्‌म छ्‍येरी ङोन्‍ग्‍यम्‍की दीन्‍मारी ब्रीबे तम्‍मा ङ्‌य्‍हङ्‍मात लोप्‍परी ब्रीबल य्‍हीन्‍ब। हुजु तम्‍माचे ङ्‌य्‍हङ्‌मात नाबे सक्‍तीतेङ् आर् पीन्‍ब, होत्‍तज्‍यीम् ङ्‍य्‍हङ्‍माचे आस् यङ्‍स्‍ये मुब।

१ पत्रुस 5:1

ङएनो मन्‍डलीइ एल्‍डर् ओसेम् ख्रीस्‍ट्‍चे नाजेत्‍पे दुख म्रङ्‌बे म्‍ही, ओसेम् पर्‌मेस्‍वर्‌चे ङोन्‍जेत्स्‍येकी महीमारी ङएनो तस्‍ये तज्‍यीम् देरेम् ङ एङ्‍यीमान्‍हङ् मुबे मन्‍डलीइ एल्‍डर्‌मात फ्‍या लज्‍यीम् पङ्‍ब।

१ युहन्‍ना 5:13

खेमेएनो अबेबे जीवन् यङ्‌बल मुब बी एङ्‍यीमाचे स्‍येखइ पङ्‍ज्‍यीम् पर्‌मेस्‍वर्‌की जत बीस्‍वास् स्‍य्‍हेङ्‌बे एङ्‌यीमात ङ चु ब्रीटीब।

३ युहन्‍ना 1:12

डेमेत्रीयस्‍तमी जम्‍मचेनो ज्‍यबे म्‍ही पङ्‍बल मुब, ओसेम् पर्‌मेस्‍वर्‌की देमेन्‍चेएनो होलेनो पङ्‍ब। ङ्‍यीमाचेएनो थेत ज्‍यबे म्‍ही पङ्‍ब, ओसेम् एचे स्‍येबल मुब, ङ्‌यीमाचे पङ्‍बे तम् देमेन् य्‍हीन्‍ब।