युहन्ना 19:30 - पश्चिम तामाङ30 थेङ्चे हुजु चेक्पजाकी म्य्हङ्जेत्ज्यीम्, “देरेम् बुत्ज्यी” बी सुङ्ज्यी। हुजुलीप्चे थेङ्चे क्र र्हलले तइज्यीम् बुः पीत्जेत्ज्यी। အခန်းကိုကြည့်ပါ။ |
युहन्ना 19:30
28 ပူးပေါင်းရင်းမြစ်များ
तलेपङ्सम् पर्मेस्वर्चे येसु ख्रीस्ट्त ठाकी रुप्री पीत्युजेत्ज्यीम् थेङ्की काः ङ्य्हङ्माकी लागीरी य्हर्पुङ्जेत्ज्यी पङ्ज्यीम् बीस्वास् स्य्हेङ्बे म्हीमाकी पाप् म्हन लजेत्पल मुब। पर्मेस्वर्चे र्हङ्चे र्हङ्त धर्मी य्हीन्ब बी ङोन्जेत्परी चोले स्य्हेङ्जेत्ज्यी। तलेपङ्सम् पर्मेस्वर्चे ख्रीस्ट् ब्योन्युब बीम ङोन्ग्यम् बोमो नाजेत्ज्यीम् म्हीमात पाप्की सजाय न्हङ्अजेत्।
एङ्यीमाचे ङोन्ग्यम्की न्होङ्ज्यीन्बे खमीर्त ख्लाथोःब। ओसेम् एङ्यीमा सुद्द तस्ये मुब। हुजु लीप्चे एङ्यीमा खमीर् अयुनले ज्योप्पे छार् ब्रा र्हङ्ब तस्ये मुब, पङ्थोसम् एङ्यीमामी देमेन्नो खमीर् अयुबे छार् ब्रानो य्हीन्ब। तलेपङ्सम् नीस्तार् पर्बरी ग्यु बोकइ ठा पीन्ब र्हङ्ले ख्रीस्ट् ङोन्नो ङ्य्हङ्माइ लागीरी स्यीज्यीन्बल मुब।
ङ्य्हङ्माकी बीस्वास् तीप्जेत्पतेङ् टोप् लजेत्पे येसुत च्यास्यीनो टीइ। क्रुस्की दुखचे लज्यीम् थेङ् ग्यप्चे सार्तीअजेत्, तर हुजुइ देब्री दुख नाब बीसेम् यङ्स्येकी तङ्बइ लागीरी म्हीमाचे क्रुस्री पेत्नलबे तम्त तएनो अय्हीन् बी म्हेन्जेत्ज्यी। देरेम् थेङ् पर्मेस्वर्की ठीःइ केत् फ्या पट्टी स्य्हुजेत्पल मुब।
ကြော်ငြာတွေ