युहन्‍ना 19:25 - पश्‍चिम तामाङ

²⁵ ओसेम् थेङ्‌त च्‍योबे क्रुस्‍की रेइरी थेङ्‌की अम, थेङ्‌की अमइ अङ, क्‍लोपास्‍की म्रीङ् मरीयम्, ओसेम् मरीयम् मग्‍दलीनी रप्‍टीबल मुबल।

युहन्‍ना 19:25 ပူးပေါင်းရင်းမြစ်များ

मत्‍ती 12:46

येसुचे म्‍हीमातेङ् तम् पङ्‌टीबे बेलोरी थेङ्‌की अमतेङ् अलेमा दोखज्‍यी। थेङ्‍यीमा येसुतेङ्‍ तम् लथोबल मुब पङ्‍ज्‍यीम् दोरी ब्रेन्‍ज्‍यीम् रप्‍ज्‍यी।

मर्‌कुस् 16:9

[येसु अइतबार स्‍य्‍हो म्‍हुन्‍चेनो स्‍यीब ग्‍यम्‍से सोब बीसेम् गोदोब्‍न्‍हङ् ङोन्‍ग्‍यम् मरीयम मग्‍दलीनीज म्रङ्‌ज्‍यी, येसुचे हुजु मरीयमकी ल्‍ही ग्‍यम्‍से म्‍हङ् ङ्‍यीस्त तेत्‍लाजेत्‍पल मुबल।

लुका 2:35

ओसेम् य्‍हक्‍को म्‍हीमाकी सेम्‍की तम्‍मा म्रङ्‌स्‍ये मुब। एइ तीङ्‌री छुरीचे ब्‍लोब र्‌हङ् तस्‍ये मुब।”

लुका 23:49

तर थेङ्‌की लीप्-लीप् गालील्‍चे खबे अमकोलमातेङ् येसुत स्‍येःबलमा जम्‍मानो चेक्‍पजकी थारीङ् रप्‍ज्‍यीम् हुजुरी तबे तम्‍मा च्‍याटीब मुबल।

लुका 24:18

हुजु ङ्‌य्‍ही न्‍हङ्‌री क्‍लेओपास् पङ्‌बे म्‍हीचे थेङ्‌त, “यरुसलेम् कोर्‌ज्‍यीम् खज्‍यीमेएनो हुजुरी तीन्‍हम्‍स्‍यो तात तटीब बी खले एचेकीनो था अयङ्?” बी ङ्‌योत्‍ज्‍यी।

लुका 8:2

थेङ्‌तेङ् बक्‍च्‍य रोगमातेङ् म्‍हङ् स्‍यप्‍प ग्‍यम्‍से फेन्‍बे डेत्-डेत् अमकोलमाएनो मुबल। हुजुमा न्‍हङ्‌री म्‍हङ् ङ्‌यीस् स्‍यप्‍प ग्‍यम्‍से फेन्‍बे मरीयम मग्‍दलीनीएनो मुबल।

युहन्‍ना 20:1

अइतबार स्‍य्‍हो म्‍हुन्‍चे मीः अम्रङ्‌ननो मरीयम् मग्‍दलीनी दुर्‌सरी ङ्‌यीमम् दुर्‌सइ सुङ्‍री थेन्‍बे युङ्‌ब दोःलाबल म्रङ्‍ज्‍यी।