युहन्‍ना 19:17 - पश्‍चिम तामाङ

¹⁷ ओसेम् येसुचे र्‌हङ्‌की क्रुस् र्‌हङ्‍चेनो नाजेत्‍ज्‍यीम् खप्‍पर् पङ्‍बे ग्‍लारी स्‍येजेत्‍ज्‍यी। (हुजुत हीब्रु ग्‍योत्‍री गलगथा पङ्‍ब।)

युहन्‍ना 19:17 ပူးပေါင်းရင်းမြစ်များ

मत्‍ती 10:38

ओसेम् र्‌हङ्‌की क्रुस् नाज्‍यीम् ङइ लीप्‍चे अब्रबे म्‍ही ङइ म्‍ही तबरी जेःबल अत।

मत्‍ती 16:24

हुजु लीप्‍चे येसुचे थेङ्‌की डबमात सुङ्‌ज्‍यी, “खजु पङ्‌लेनो ङइ डब तब म्‍हेन्‍सम् थेचे र्‌हङ्‌चे र्‌हङ्‌तनो म्‍लेत्‍थोब। ओसेम् र्‌हङ्‌की क्रुस् नाज्‍यीम् ङइ लीप्‍चे ब्रथोब।

मत्‍ती 27:37

थेङ्‌की क्रइ जोरी थेङ्‌की बीरुद्‍दरी “चु येसु, यहुदीमाकी ग्‍यल्‍बो य्‍हीन्‍ब” बी दोस् ङोन्‍बे तम् ब्रीज्‍यीम् थेन्‍ज्‍यी।

मर्‌कुस् 10:21

येसुचे थेत म्‍होइज्‍यीम् स्‍हीजेत्‍ज्‍यी ओसेम् सुङ्‌ज्‍यी, “एचे दवम् लक् गीः स्‍य्‍हेङ्‌थोस्‍ये मुब। ङ्‍यीउ ओसेम् एइ मुब थम्‍चे स्‍हेमा चुङ्‌ज्‍यीम् प्रङ्‌नमात पीनो, एचे स्‍वर्‌गरी सम्‍पती यङ्‍स्‍ये मुब। हुजु लीप्‍चे खज्‍यीम् ङइ लीप्‍चे ब्रउ।”

मर्‌कुस् 15:26

थेङ्‌त दोस् ङोन्‍बे तम्‍री- “चु यहुदीमाकी ग्‍यल्‍बो य्‍हीन्‍ब” बी ब्रीबल मुबल।

मर्‌कुस् 15:32

चु मुक्‍ती न्‍हङ्‌बे ख्रीस्‍ट् इस्राएलकी ग्‍यल्‍बो क्रुस् ग्‍यम्‍से दुङ्‌री फप्‍युखइ। ओसेम् हुजु म्रङ्‌ज्‍यीम् ङ्‌य्‍हङ्‍माएनो थेत बीस्‍वास् स्‍य्‍हेङ्‍ल!” थेङ्‌तेङ् बक्‍च्‍य क्रुस्‍री च्‍योलाबलमाचेएनो थेङ्‌त खीसी लज्‍यी।

मर्‌कुस् 8:34

हुजु लीप्‍चे येसुचे र्‌हङ्‌की डबमातेङ् हुजुरी मुबे म्‍हीमात ङ्‌होत्‍ज्‍यीम् सुङ्‌ज्‍यी, “खल म्‍ही पङ्‌लेनो ङइ लीप्‍चे ब्रबे सेम् लज्‍यी पङ्‌सम् थेचे र्‌हङ्‌तनो म्‍लेत्‍थोब। ओसेम् थेचे र्‌हङ्‌की क्रुस् नाज्‍यीम् ङइ लीप्‍चे ब्रथोब।

लुका 14:27

ओसेम् खजु म्‍हीचे र्‌हङ्‌की क्रुस् नाज्‍यीम् ङइ लीप्‍चे अब्रज्‍यी हुजु ङइ डब ताअखम्।

लुका 23:26

ओसेम् सीपाहीमाचे येसुत बोर्‌टीमम् कुरेनी नम्‍सइ सीमोन् पङ्‌बे म्‍हीत दोज्‍यी। सीपाहीमाचे थेत चुङ्‌ज्‍यीम् क्रुस् कल्‍पीन्‍ज्‍यी, ओसेम् नाज्‍यीम् येसुइ लीप्-लीप् ब्रपुङ्ज्‍यी।

लुका 23:33

थेङ्‌यीमा खप्‍पर् पङ्‌बे ग्‍लारी दोखज्‍यी। हुजुरी थेङ्‍यीमाचे येसुत क्रुस्‍री ठोक्‍ज्‍यीम् च्‍योलाज्‍यी। ओसेम् अज्‍यबे लक् स्‍य्‍हेङ्‌बे म्‍ही ङ्‍य्‍हीतएनो गीःत थेङ्‌की केत्‍पट्‍टीचे गीःत थेङ्‌की ल्‍होम् पट्‍टीचे क्रुस्‍री च्‍योलाज्‍यी।

लुका 23:38

थेङ्‌की क्रइ जोरी “चु यहुदीमाकी ग्‍यल्‍बो य्‍हीन्‍ब” बी दोस् ङोन्‍बे तम् ब्रीज्‍यीम् थेन्‍बल मुबल।

लुका 9:23

येसुचे जम्‍मा म्‍हीमात सुङ्‌ज्‍यी, “एङ्‌यीमा ङइ डब तइ म्‍हेन्‍ज्‍यी पङ्‌सम् एङ्‍यीमाचे र्‌हङ्‌चे र्‌हङ्‌तनो म्‍लेत्‍थोब, ओसेम् दीन् र्‌हङ्‌स्‍यीनो एङ्‌यीमाइ् क्रुस् नाज्‍यीम् ङइ लीप्‍चे ब्रउ।

युहन्‍ना 19:13

चु तम्‍मा थ्‍येःब बीसेम् पीलातस्‍चे येसुत युङ्‌बचे स्‍य्‍हेङ्‌बे दोरी (हुजुत हीब्रु ग्‍योत्‍री गब्‍बथा पङ्‍ब) बोर्‌ज्‍यी, ओसेम् पीलातस न्‍याय स्‍य्‍हेङ्‌बे ठीरी टीज्‍यी।

युहन्‍ना 5:2

यरुसलेमरी ग्‍युकी म्रप् पङ्‍बे म्रप् गीः मुबल, ओसेम् हुजु म्रप्‍की ज्‍यदङ् हीब्रु ग्‍योत्‍री बेथेस्‍दा पङ्‌बे ग्‍ये मुबल, हुजु ग्‍येइ कोरोरो ब्रङ्‍मा ङ्‍ह मुबल।

प्रेरीत् 7:58

ओसेम् थेङ्‍यीमाचे युङ्‌बचे प्रुङ्‌ज्‍यीम् सेत्‍पे लागीरी स्‍तीफनस्‍त सहर् ग्‍यम्‍से फीर्‌च्‍योर् डुत्‍बोर्‌ज्‍यी। ओसेम् र्‌हङ्-र्‌हङ्‍की ग्‍यमा प्‍लोक्‍ज्‍यीम् साऊल पङ्‍बे ब्‍योन् म्‍ही गीःत सोप्‍तीज्‍यीम् स्‍तीफनस्‍त युङ्‌बचे प्रुङ्‍ब तीप्‍ज्‍यी।