युहन्‍ना 19:13 - पश्‍चिम तामाङ

¹³ चु तम्‍मा थ्‍येःब बीसेम् पीलातस्‍चे येसुत युङ्‌बचे स्‍य्‍हेङ्‌बे दोरी (हुजुत हीब्रु ग्‍योत्‍री गब्‍बथा पङ्‍ब) बोर्‌ज्‍यी, ओसेम् पीलातस न्‍याय स्‍य्‍हेङ्‌बे ठीरी टीज्‍यी।

युहन्‍ना 19:13 ပူးပေါင်းရင်းမြစ်များ

मत्‍ती 27:19

पीलातस न्‍यय स्‍य्‍हेङ्‌बे ठीरी टीटीबे बेलोरी थेइ म्रीङ्‍चे थेत चोले पङ्‍ज्‍यीम् सम्‍तर् पीत्‍ज्‍यी, “हुजु तइ दोस्‍एनो अरेबे म्‍हीत तेएनो थलो, तलेपङ्‍सम् थेचे लज्‍यीम् ङचे तील ङ्‍येस्‍ये म्‍हङ्‍री य्‍हक्‍को दुख यङ्‌बल मुब।”

लुका 12:5

तर ङ एङ्‌यीमात खल्‍तेङ् लोङ्‌थोब बी पङ्‌ब, ल्‍हीत सेत्‍ज्‍यीमएनो नर्‌करी ख्‍लापीत्‍ब खम्‍बे सक्‍ती मुबे पर्‌मेस्‍वर्‌तेङ् लोङो, ङ एत पङ्‌ब, थेतेङ् लोङो।

युहन्‍ना 19:17

ओसेम् येसुचे र्‌हङ्‌की क्रुस् र्‌हङ्‍चेनो नाजेत्‍ज्‍यीम् खप्‍पर् पङ्‍बे ग्‍लारी स्‍येजेत्‍ज्‍यी। (हुजुत हीब्रु ग्‍योत्‍री गलगथा पङ्‍ब।)

युहन्‍ना 19:20

हुजु ब्रीबे तम् य्‍हक्‍को म्‍हीमाचे खेत्‍ज्‍यी, तलेपङ्‍सम् येसुत क्रुस्‍री च्‍योबे ग्‍ला हुजु लीङ्‍सइ ज्‍यदङ् मुबल। हुजु तम् हीब्रुतेङ् ल्‍याटीन् ओसेम् ग्रीक ग्‍योत्‍री ब्रीबल मुबल।

युहन्‍ना 19:8

चु तम् थ्‍येःब बीसेम् पीलातस झेन् लोङ्‌ज्‍यी।

युहन्‍ना 5:2

यरुसलेमरी ग्‍युकी म्रप् पङ्‍बे म्रप् गीः मुबल, ओसेम् हुजु म्रप्‍की ज्‍यदङ् हीब्रु ग्‍योत्‍री बेथेस्‍दा पङ्‌बे ग्‍ये मुबल, हुजु ग्‍येइ कोरोरो ब्रङ्‍मा ङ्‍ह मुबल।

प्रेरीत् 4:19

तर पत्रुसतेङ् युहन्‍नाचे थेङ्‌यीमात जोहाप् पीन्‍ज्‍यी, “पर्‌मेस्‍वर्‌की फ्रोइ अङ्‍येन्‍नले एङ्‌यीमाकी तम् ङ्‍येन्‍ब पर्‌मेस्‍वर्‌की ङोन्‍री ठीक् य्‍हीन्‍ब वुइ अय्‍हीन्? एङ्‌यीमाचेनो म्‍हेनो।