युहन्‍ना 18:40 - पश्‍चिम तामाङ

⁴⁰ थेङ्‍यीमा झेन्, “हुजुत अय्‍हीन् बारब्‍बत पीत्‍लागो!” पङ्‍ज्‍यीम् क्रीङ्‌ज्‍यी। (बाराब्‍बमी डाकु मुबल।)

युहन्‍ना 18:40 ပူးပေါင်းရင်းမြစ်များ

मत्‍ती 26:55

हुजु लीप्‍चे येसुचे य्‍हक्‍को म्‍हीमात सुङ्‌ज्‍यी, “एङ्‍यीमा तले ङत डाकुत चुङ्‌बरी र्‌हङ्‌ले तर्‌वालमातेङ् रोलेमा बज्‍यीम् खबल? दीन्‍लनो ङ पर्‌मेस्‍वर्‌की दीम्‍री लोप्‍ज्‍यीम् टीबे बेलोरी अचुङ्‍मु स्‍यीम्!

मत्‍ती 27:16

हुजु बेलोरी य्‍हक्‍को अज्‍यबे लक् स्‍य्‍हेङ्‌बे म्‍ही पङ्‍ज्‍यीम् स्‍येबे बारब्‍बा पङ्‌बे म्‍ही गीः जेल्‍री मुबल।

मत्‍ती 27:26

हुजुलीप्‍चे पीलातसचे थेङ्‌यीमाकी लागीरी बारब्‍बत पीत्‍लाज्‍यी। ओसेम् येसुत कोर्‌रचे ग्‍यङ्‍पुङ्‍ज्‍यीम् क्रुस्‍री च्‍योलबरी स्‍यीपाइमाकी यारी सोप्‍तीपीन्‍ज्‍यी।

मर्‌कुस् 15:15

ओसेम् पीलातसचे य्‍हक्‍को म्‍हीमात तङ्‍नलबे लागीरी बारब्‍बात पीत्‍लाज्‍यी। येसुतमी कोर्‌रचे ग्‍यङ्‌ज्‍यीम् क्रुस्‍री च्‍योलागो पङ्‍ज्‍यीम् रोमी स्‍यीपाइमाकी यारी सोप्‍तीपीन्‍ज्‍यी।

मर्‌कुस् 15:7

हुजु बेलोरी बारब्‍बा पङ्‍बे म्‍ही गीःएनो जेल्‍न्‍हङ् मुबल। थेचेम् आन्‍दोलन्‍री म्‍ही सेत्‍पल मुबल।

लुका 23:25

ओसेम् म्‍हीमाचे पीत्‍लागो पङ्‌बे बारब्‍बाचेम् रोमी सकारकी बीरोद्‍री अज्‍यबे लक् स्‍य्‍हेङ्‌बतेङ् म्‍ही सेत्‍पल मुबल। थेत पीलातसचे झेल् न्‍हङ्‌से पीत्‍लाज्‍यी। तर येसुतमी म्‍हीमाचे पङ्‌ब र्‌हङ्‌लेनो थेङ्‌यीमाइ यारी सोप्‍तीपीन्‍ज्‍यी।