4 येसुचे र्हङ्की जोरी तस्येकी जम्मनो तम्मा खेम्जेत्पल मुबल। होत्तज्यीम् येसु थेङ्यीमाकी ङोन्री स्येज्यीम् थेङ्यीमात ङ्योत्ज्यी, “एङ्यीमाचे खल्त म्हइटीबल?”
हुजु बेलो य्हङ्सेनो येसुचे थेङ्की डबमात सुङ्ज्यी, “ङ यरुसलेम्री ङ्यीथोब, ओसेम् अगुवामातेङ् ङ्हच्छ्यङ् लम्बुमा ओसेम् धर्म लोप्पोन्मा ग्यम्से दुख नाथोब, ओसेम् ङ स्यीस्ये मुब, तर सोम्रेत्कुनो स्यीब ग्यम्से सोस्ये मुब।”
“एङ्यीमाचे स्येबःलनो मुब, देरेम् ङ्य्हीरेत् लीप्चे नीस्तार् पर्ब खस्ये मुब, ओसेम् म्हीइ ज क्रुस्री च्योबरी सोप्तीस्ये मुब।”
थेङ्मा सोल्टीबे बेलोरी येसुचे, “ङ एङ्यीमात देमेन्नो पङ्ब, एङ्यीमा न्हङ्रीनो गीःचे ङत चुङ्पीन्स्ये मुब” बी सुङ्ज्यी।
हुजु बेलोरी येसुचे डबमात सुङ्ज्यी, “तीङ्यी म्हुन एङ्यीमा जम्मचेनो ङत ख्लेथेन्ज्यीम् छ्योङ् य्हर्स्ये मुब। तलेपङ्सम् धर्म छ्येःरी चोले ब्रीबल मुब- ‘ङचे गोर्तेन्त सेत्स्ये मुब, ओसेम् ग्युमा छर्छुर् तस्ये मुब।’
ओसेम् येसुचे थेङ्यीमात, “मोसाचे ब्रीबे पर्मेस्वर्की नीयम्री, अगम्बक्तमाचे ब्रीबे छ्येःरी ओसेम् भजनसङ्ग्रहरी ङइ बारेरी ब्रीबे जम्मा तम्मा पुरा तथोब बी ङ एङ्यीमातेङ् बक्च्या मुबे बेलोरी ङचे ङोन्ग्यम्नो स्येत्पल मुबल” बी सुङ्जेत्ज्यी।
नीस्तार पर्ब खब बीम ङोन्ग्यम् येसुचे र्हङ जम्बुलीङ् ख्लेथेन्ज्यीम् अपज दोःज्यीम् ङ्यीबे बेलो खबल मुब बी खेम्जेत्ज्यी। थेङ्चे जम्बुलीङ्री मुबे र्हङ्की डबमात य्हक्को म्होइजेत्ज्यी, ओसेम् देरेम् थेङ्यीमात ज्युःसम्मनो म्होइजेत्ज्यी।
तलेपङ्सम् येसुचे र्हङ्त चुङ्न लपीन्स्येकी म्हीत खेम्जेत्पल मुबल, होत्तज्यीम् थेङ्चे, “एङ्यीमा जम्मनो चोखो तबल अरे” बी सुङ्बल मुबल।
थेङ्यीमाचे, “नासरतकी येसुत” बी पङ्ज्यी। येसुचे थेङ्यीमात, “ङ थेनो य्हीन्ब” बी सुङ्ज्यी। येसुत चुङ्न लपीन्बे यहुदाएनो थेङ्यीमातेङ् बक्च्य रप्टीबल मुबल।
येसुचे देबेएनो थेङ्यीमात, “एङ्यीमा खलत म्हइटीबल?” बी ङ्योत्जेत्ज्यी। ओसेम् थेङ्यीमाचे देबेएनो, “नासरतकी येसुत” बी पङ्ज्यी।
ओसेम् येसुचे देरेम् जम्मनो लक्मा बुत्ज्यी बी खेम्ज्यी, ओसेम् धर्म छ्येःरी ब्रीबे तम् टोप् तखइ पङ्ज्यीम्, “ङत यी फीःज्यी” बी सुङ्जेत्ज्यी।
तर एङ्यीमान्हङ्री गदेचे ङत बीस्वास् अस्य्हेङ्।” (तलेपङ्सम् बीस्वास् अस्य्हेङ्बलमा खल-खल य्हीन्ब, ओसेम् थेङ्त खल्चे चुङ्न लपीन्स्ये मुब पङ्बे तम् येसुचे थेङ्की लक् चुःब य्हङ्सेनो खेम्जेत्पल मुबल।)
थेङ्चे ङत जीवन्की ग्यम् ङोन्जेत्पल मुब। ओसेम् थेङ् ङतेङ् बक्च्य तज्यीम् ङत य्हक्को तङ्नलजेत्स्ये मुब।’
ख्रीस्ट्चे ल्हीरी दुख नाजेत्ज्यी, होलेनो एङ्यीमाचे थेङ्चे र्हङ्ले दुख नाबे सेम् थो:ज्यीम् आर् लथोब, तलेपङ्सम् ल्हीरी दुख नाबलचे पाप स्य्हेङ्ब पीत्लाबल तब।