युहन्‍ना 18:36 - पश्‍चिम तामाङ

³⁶ ओसेम् येसुचे जोहब् न्‍हङ्‌ज्‍यी, “ङइ य्‍हुल् चु जम्‍बुलीङ्‍ल अय्‍हीन्। ङइ य्‍हुल् चु जम्‍बुलीङ्‍ल य्‍हीन्‍सम् ङत यहुदी अगुवामाकी या ग्‍यम्‍से थर्‌न लबरी ङइ लीप्‍चे ब्रबलमाचे छेत्‍स्‍ये मुबल। तर ङइ य्‍हुल् चु जम्‍बुलीङ्‍ल अय्‍हीन्।”

युहन्‍ना 18:36 ပူးပေါင်းရင်းမြစ်များ

मत्‍ती 26:53

एचे ता म्‍हेन्‍ब, ङचे ङइ अपत फ्‍या स्‍य्‍हु लअखम्, ओसेम् थेङ्‌चे ङइ लागीरी पल्‍टन चुङ्‍ङ्‍य्‍ही बीमम् य्‍हक्‍को स्‍वर्‌गदुत्‍मा पीत्‍यु अजेतो स्‍यीम्?

लुका 12:14

तर येसुचे हुजु म्‍हीत सुङ्‌ज्‍यी, “अले, एङ्‍य्‍हीइ सम्‍पती जुबे अधीकार् ङत खल्‍चे पीन्‍बल मुब स्‍यीम्?”

युहन्‍ना 18:35

ओसेम् पीलातसचे येसुत ङ्‌योत्‍ज्‍यी, “एचे ङतएनो यहुदी म्‍हेन्‍ज्‍यी वा स्‍यीम? एइ र्‌हङ्‌की म्‍हीमातेङ् ङ्‍हच्‍छ्‍यङ् लम्‍बुमाचे एत ङइ यारी सोप्‍तीबल य्‍हीन्‍ब। एचे ता स्‍य्‍हेङ्‌ज्‍यी?”

युहन्‍ना 6:15

ओसेम् म्‍हीमाचे थेङ्‌त नासेन्‍लेनो थेङ्‍यीमाकी ग्‍यल्‍बो स्‍य्‍हेङ्‌बरी खब म्‍हइटीबे तम् खेम्‍ज्‍यीम् येसु देबेएनो र्‌हङ् गीःकीनो गङ्‍तोर् स्‍येजेत्‍ज्‍यी।

युहन्‍ना 8:15

एङ्‍यीमाचे म्‍हीचे म्‍हेन्‍ब र्‌हङ्‌ले न्‍याय स्‍य्‍हेङ्‌ब, तर ङम् खलतएनो न्‍याय अस्‍य्‍हेङ्।

रोमी 14:17

तलेपङ्‌सम् पर्‌मेस्‍वर्‌की य्‍हुल्‍मी चबतेङ् थुङ्‍ब अय्‍हीन्, तर चुमी पवीत्र आत्‍माचे न्‍हङ्‌जेत्‍पे धार्‌मीक्‍त, सान्‍ती ओसेम् तङ्‍ब य्‍हीन्‍ब।

१ तीमोथी 6:13

जम्‍मनो स्‍हेःमात जीवन् न्‍हङ्‌बे पर्‌मेस्‍वर्‌तेङ् पन्‍तीयस् पीलातसकी ङोन्‍ग्‍यम् देमेन्‍की साक्षी न्‍हङ्‌बे येसु ख्रीस्‍ट्‍की ङोन्‍ग्‍यम्, ङ एङ्‌यीमात कुल्‍ब,