युहन्‍ना 18:32 - पश्‍चिम तामाङ

³² र्‌हङ् खले स्‍यीथोब बी येसुचे र्‌हङ्‍चेनो सुङ्‍बे फ्रोइ टोप् तबरी चोले तबल य्‍हीन्‍ब।

युहन्‍ना 18:32 ပူးပေါင်းရင်းမြစ်များ

मत्‍ती 20:19

थेत यहुदी अय्‍हीन्‍बे म्‍हीमाकी यारी सोप्‍तीस्‍ये मुब। थेङ्‍यीमाचे थेत पेत्‍नलस्‍ये मुब, कोर्‌रचे ग्‍यङ्‌स्‍ये मुब, ओसेम् क्रुस्‍री च्‍योज्‍यीम् सेत्‍स्‍ये मुब। तर सोम्‍रेत् कुनो थे सोज्‍यीम् रेःस्‍ये मुब।”

मत्‍ती 26:2

“एङ्‍यीमाचे स्‍येबःलनो मुब, देरेम् ङ्‍य्‍हीरेत् लीप्‍चे नीस्‍तार् पर्‌ब खस्‍ये मुब, ओसेम् म्‍हीइ ज क्रुस्‍री च्‍योबरी सोप्‍तीस्‍ये मुब।”

मर्‌कुस् 10:33

थेङ्‌चे सुङ्‌ज्‍यी, “ङ्‌येनो, देरे ङ्‍य्‍हङ्‍मा यरुसलेम्‍री ङ्‍यीटीबल मुब। म्‍हीइ जत हुजुरी चुङ्‌ज्‍यीम् ङ्‍हच्‍छ्‍यङ् लम्‍बुमातेङ् धर्‌म लोप्‍पोन्‍माकी यारी सोप्‍तीस्‍ये मुब। थेङ्‍यीमाचे थेत सेत्‍नोथोब पङ्‍ज्‍यीम् रोमी म्‍हीमाकी यारी सोप्‍तीस्‍ये मुब।

युहन्‍ना 10:31

चोले सुङ्‌बल थ्‍येःब बीसेम् यहुदी अगुवामाचे देबेएनो येसुत प्रुङ्‍बरी युङ्‌ब दुत्‍ज्‍यी।

युहन्‍ना 10:33

यहुदी अगुवामाचे थेङ्‌त जोहाप् पीन्‍ज्‍यी, “ङ्‌यीमाचे एत एचे स्‍य्‍हेङ्‌बे ज्‍यबे लक्‍की लागीरी युङ्‌बचे प्रुङ्‍ब म्‍हइबल अय्‍हीन्, तर एचे पर्‌मेस्‍वर्‌की नीन्‍द स्‍य्‍हेङ्‌बल तज्‍यीम् य्‍हीन्‍ब, तलेपङ्‍सम् ए म्‍ही तज्‍यीमएनो र्‌हङ्‌चे र्‌हङ्‍त पर्‌मेस्‍वर् पङ्‍ब।”

युहन्‍ना 13:18

“ङचे चु एङ्‍यीमा जम्‍मइ लागीरी पङ्‍बल अय्‍हीन्, ङचे दम्‍बलमात ङचे स्‍येःब। तर धर्‌म छ्‍येःरी, ‘ङतेङ् बक्‍च्‍य चब चबे म्‍हीचे ङइ बीरोद् लज्‍यी’ बी ब्रीबे फ्रोइ टोप् तथोब।

युहन्‍ना 18:31

ओसेम् पीलातसचे थेङ्‌यीमात, “चु म्‍हीत बोरो, ओसेम् एङ्‌यीमाकी नीयम् अनुसारनो न्‍याय स्‍य्‍हेङो” बी पङ्‍ज्‍यी। यहुदी अगुवामाचे जोहप् पीन्‍ज्‍यी, “ङ्‍यीमातेङ्‌मी खलतएनो स्‍यीबे सजाय पीन्‍बे हक् अरे।”

युहन्‍ना 21:19

येसुचे चु तम् ग्‍यम्‍से पर्‌मेस्‍वर्‌की महीमाकी लागीरी पत्रुस खले स्‍यीस्‍ये मुब पङ्‍बे तम् स्‍येत्‍जेत्‍पल मुबल। हुजुलीप्‍चे येसुचे पत्रुसत, “ङइ लीप्‍चे ब्रउ” बी सुङ्‌ज्‍यी।

युहन्‍ना 3:14

मोसाचे उजाड ग्‍लारी पीतल्‍की पुख्रीत कोत्‍प र्‌हङ्‌लेनो म्‍हीइ ज कोत्‍थोब।

युहन्‍ना 8:28

होत्‍तज्‍यीम् येसुचे थेङ्‌यीमात सुङ्‌ज्‍यी, “एङ्‍यीमाचे म्‍हीइ जत क्रुस्‍री च्‍योलाब बीसेम्‍कीनो हुजु ङनो य्‍हीन्‍ब बी स्‍येस्‍ये मुब, ओसेम् ङ ङइ सेम्‍चे म्‍हेन्‍ब र्‌हङ्‌ले तएनो अस्‍य्‍हेङ्, तर अपचे ङत लोप्‍जेत्‍पे तम्‍कीनो पङ्‍ब बी एङ्‍यीमाचे स्‍येःस्‍ये मुब।

प्रेरीत् 7:59

थेङ्‍यीमाचे युङ्‌बचे प्रुङ्‍टीबे बेलोरी स्‍तीफनस्‍चे, “प्रभु येसु, ङइ आत्‍मात कीन्‍जेतो” बी प्रार्‌थना स्‍य्‍हेङ्‌ज्‍यी।

गलाती 3:13

मोसाचे ब्रीबे पर्‌मेस्‍वर्‌की नीयम् अङ्‍येन्‍बल तज्‍यीम् ङ्‍य्‍हङ्‍मात फोःथोबे केम्‍लङ् ख्रीस्‍ट्‍चे ङ्‍य्‍हङ्‍माकी लागीरी नाजेत्‍ज्‍यी, ओसेम् थेङ्‍चे ङ्‍य्‍हङ्‍मात हुजु केम्‍लङ् ग्‍यम्‍से फेःपीन्‍जेत्‍पल मुब। तलेपङ्‍सम् धर्‌म छ्‌येःरी, “दोङ्‌बोरी च्‍योलाबलमा जम्‍मनो केम्‍लङ् फोःबल तब” बी ब्रीबल मुब।