युहन्‍ना 18:17 - पश्‍चिम तामाङ

¹⁷ ओसेम् अमकोलचे पत्रुसत, “ता ए:नो हुजु म्‍हीइ डबमा न्‍हङ्‌की गीः अय्‍हीनो स्‍यीम्?” बी पङ्‍ज्‍यी। पत्रुसचे फ्‍लीक्‍दोःज्‍यीम्, “ङ अय्‍हीन्” बी पङ्‍ज्‍यी।

युहन्‍ना 18:17 ပူးပေါင်းရင်းမြစ်များ

मत्‍ती 26:33

ओसेम् पत्रुसचे येसुत, “जम्‍माचेनो थेङ्‌त ख्‍लेथेन्‍लेनो ङचे थेङ्‌त ख्‍लेथेन्‍स्‍ये अरे” बी पङ्‍ज्‍यी।

लुका 22:54

थेङ्‍यीमाचे येसुत चुङ्‌ज्‍यीम् गोदोब्‍न्‍हङ्‍की ङ्‌हच्‍छ्‌यङ् लम्‍बुइ दीम्‍री बोर्‌ज्‍यी। ओसेम् पत्रुसएनो थेमाइ लीप्-लीप्‍चे खेत्‍नले खज्‍यी।

युहन्‍ना 18:16

तर पत्रुसमी दोइ म्रप्‍की फीर्‌च्‍योर् रप्‍टीबल मुबल। हुजु ल्‍हो-ल्‍हो डबचे डोङ्‍ज्‍यीम् म्रप् रुङ्‍बे अमकोलतेङ् तम् लज्‍यीम् पत्रुसत न्‍हङ्‌री बज्‍यी।

युहन्‍ना 18:25

होदे बेलो सम्‍मएनो सीमोन पत्रुस मे दे:टीबल मुबल। ओसेम् रप्‍ज्‍यीम् मे दे:टीबलमाचे थेत, “एनो थेइ डबमा न्‍हङ्‌की गीः अय्‍हीनो स्‍यीम्?” बी ङ्‌योत्‍ज्‍यी। ओसेम् पत्रुसचे, “ङ अय्‍हीन्” बी पङ्‍ज्‍यी।

युहन्‍ना 18:5

थेङ्‍यीमाचे, “नासरतकी येसुत” बी पङ्‍ज्‍यी। येसुचे थेङ्‌यीमात, “ङ थेनो य्‍हीन्‍ब” बी सुङ्‌ज्‍यी। येसुत चुङ्‍न लपीन्‍बे यहुदाएनो थेङ्‍यीमातेङ् बक्‍च्‍य रप्‍टीबल मुबल।

युहन्‍ना 18:8

ओसेम् येसुचे थेङ्‌यीमात, “ङचे एङ्‌यीमात दोलोन्‍नो पङ्‍ज्‍यीन्‍ज्‍यी, ङ थेनो य्‍हीन्‍ब। एङ्‍यीमाचे ङत म्‍हइबल य्‍हीन्‍सम्, चु म्‍हीमात य्‍हर्‌पुङो” बी सुङ्‌ज्‍यी।

युहन्‍ना 21:15

थेङ्‍यीमाचे चब बीसेम् येसुचे सीमोन् पत्रुसत सुङ्‌ज्‍यी, “युहन्‍नाइ ज सीमोन्, ता एचे ङत ल्‍हो-ल्‍हो डबमाचे म्‍होइब बीम य्‍हक्‍को म्‍होइब?” थेचे पङ्‍ज्‍यी, “य्‍हीन्‍ब प्रभु, थेङ्‌चे खेम्‍जेत्‍प, ङ थेङ्‌त य्‍हक्‍को म्‍होइब।” येसुचे थेत सुङ्‌ज्‍यी, “होलेपङ्‌सम् ङइ ग्‍यु कोलमात ख्‍वाको।”

प्रेरीत् 12:13

पत्रुसचे म्रप्‍री डोङ्-डोङ् लब बीसेम् रोदा पङ्‍बे योक्‍पो अमकोल म्रप् ठोङ्‍बरी खज्‍यी।