युहन्‍ना 18:12 - पश्‍चिम तामाङ

¹² हुजु लीप्‍चे स्‍यीपाइमातेङ्, थेङ्‍यीमाइ कप्‍तान ओसेम् पर्‌मेस्‍वर्‌की दीम् रुङ्‍बे म्‍हीमाचे येसुत चुङ्‌ज्‍यीम् खीःज्‍यी।

युहन्‍ना 18:12 ပူးပေါင်းရင်းမြစ်များ

मत्‍ती 26:57

ओसेम् येसुत चुङ्‍बलमाचे थेङ्‌त गोदोब्‍न्‍हङ्‍की ङ्‍हच्‍छ्‍यङ् लम्‍बु कैयाफाकी दीम्‍री बोर्‌ज्‍यी। हुजुरी धर्‌म लोप्‍पोन्‍मातेङ् अगुवामा र्‌हुब् तबल मुबल।

मत्‍ती 27:2

ओसेम् थेङ्‍यीमाचे येसुत खीःज्‍यीम् रोमी सर्‌कार् पीलातसज बोर्‌ज्‍यीम् सोप्‍तीपीन्‍ज्‍यी।

मत्‍ती 27:27

हुजुलीप्‍चे पीलातसकी स्‍यीपइमाचे येसुत दरबारन्‍हङ् बोर्‌ज्‍यी, ओसेम् जम्‍मनो स्‍यीपइमात र्‌हुब्‍ले ङ्‌होत्‍ज्‍यी।

मर्‌कुस् 14:53

थेङ्‍यीमाचे येसुत गोदोब्‍न्‍हङ्‍की ङ्‍हच्‍छ्‍यङ् लम्‍बुइ दीम्‍री बोर्‌ज्‍यी। हुजुरी ङ्‍हच्‍छ्‍यङ् लम्‍बुमा, धर्‌म लोप्‍पोन्‍मा ओसेम् अगुवामा र्‌हुब तबल मुबल।

मर्‌कुस् 15:1

स्‍य्‍होरी योरीनो ङ्‍हच्‍छ्‍यङ् लम्‍बुमा, यहुदी अगुवामा ओसेम् धर्‌म लोप्‍पोन्‍मातेङ् सभाकी म्‍हीमा र्‌हुब तज्‍यीम् तम् डीःज्‍यी। ओसेम् थेङ्‍यीमाचे येसुत खीज्‍यीम् रोमी सरकार पीलातसज पीत्‍ज्‍यी।

लुका 22:54

थेङ्‍यीमाचे येसुत चुङ्‌ज्‍यीम् गोदोब्‍न्‍हङ्‍की ङ्‌हच्‍छ्‌यङ् लम्‍बुइ दीम्‍री बोर्‌ज्‍यी। ओसेम् पत्रुसएनो थेमाइ लीप्-लीप्‍चे खेत्‍नले खज्‍यी।

युहन्‍ना 18:3

हुजु बेलोरी ङ्‍हच्‍छ्‍यङ् लम्‍बुमातेङ् फरीसीमाचे पीत्‍खबे स्‍यीपाइमातेङ् पर्‌मेस्‍वर्‌की दीम् रुङ्‍बे म्‍हीमात बज्‍यीम् यहुदा हुजुरी खज्‍यी। थेङ्‍यीमा मेतङ्‍मातेङ् बत्‍तीमा ओसेम् तर्‌वलमा थोज्‍यीम् खबल मुबल।

प्रेरीत् 10:1

कैसरीया पङ्‍बे ग्‍लारी कर्‌नेलीयस पङ्‍बे म्‍ही गीः मुबल। थे रोमी स्‍यीपाइमाकी इटालीया पङ्‍बे पल्‍टनकी कप्‍तान मुबल।

प्रेरीत् 21:31

थेङ्‍यीमाचे पावलत सेत्‍प म्‍हइटीब मुबल। हुजु बेलोरीनो यरुसलेम सहर्‌री सेत्‍प तुप्‍प तब म्‍हइटीब मुब पङ्‍बे सम्‍तर् रोमी सेनपतीचे थ्‍येःज्‍यी।

प्रेरीत् 21:37

पावल ब्‍यारेक् न्‍हङ् दोःब म्‍हइबे बेलोरी थेचे सेनपतीत ग्रीक ग्‍योत्‍री, “ङ थेङ्‌त तइ तम्‍ए पङ्‍ब खम्‍ब?” बी पङ्‌ज्‍यी। सेनपतीचे ङ्‌योत्‍ज्‍यी, “एचे ग्रीक ग्‍योत्‍एनो स्‍येब?

प्रेरीत् 23:10

हुजुरी थेङ्‌यीमाकी तम् अडीःज्‍यीम् य्‍हक्‍को बङ्‍बल तज्‍यीम् पावलत तोर् छेङ् मोर् छेङ् लज्‍यीम् सेत्‍ल बी सेनपती लोङ्‌ज्‍यी। ओसेम् सेनपतीचे दुङ्‌री ङ्‌यीज्‍यीम् पावलत थेङ्‌यीमाकी गुङ्‌से बङ्‌सेनो तेत्‍ज्‍यीम् ब्‍यारेक्‍री बोउ बी स्‍यीपाइमात कुल्‍ज्‍यी।