युहन्‍ना 17:9 - पश्‍चिम तामाङ

⁹ “ङ थेङ्‍यीमाकी लागीरी प्रार्‌थना स्‍य्‍हेङ्‌ब। चु जम्‍बुलीङ्‌की लागीरीम् अय्‍हीन्, तर थेङ्‌चे ङत न्‍हङ्‍जेत्‍पलमाकी लागीरी प्रार्‌थना स्‍य्‍हेङ्‌ब, तलेपङ्‍सम् थेङ्‍यीमा थेङ्‍लनो य्‍हीन्‍ब।

युहन्‍ना 17:9 ပူးပေါင်းရင်းမြစ်များ

लुका 22:32

तर ङचे एइ बीस्‍वास् य्‍हङ्‌य्‍होङ् अतखइ बी प्रार्‌थना स्‍य्‍हेङ्‌बल मुब। ओसेम् ए ङइज दोःज्‍यीम् खबतेङ् एइ अलेमात बीस्‍वास्‍री कोङ्‌नलोउ।”

लुका 23:34

ओसेम् येसुचे सुङ्‌ज्‍यी, “अप! थेङ्‌यीमात क्षमा न्‍हङ्‌जेतो। तलेपङ्‍सम् थेङ्‍यीमाचे ता स्‍य्‍हेङ्‌टीब बी थेङ्‍यीमाचे स्‍येःबल अरे।” ओसेम् सीपाहीमाचे थेङ्‌की न्‍हम्‍ज चीठ्‌ठ युज्‍यीम् जुज्‍यी।

लुका 8:34

य्‍हक्‍को तीलीमा छटीबे म्‍हीमाचे चु म्रङ्‌ब बीसेम् छ्‌योङ् य्‍हर्‌ज्‍यीम् ज्‍यीद सहरतेङ् हुजु प्रदेस्‍की खन बीबीकी नम्‍समारी स्‍येत्‍पीन्‍ज्‍यी।

युहन्‍ना 14:16

ओसेम् ङ अपत र्‌हीत्‍स्‍ये मुब, थेङ्‌चे एङ्‌यीमात र्‌होलबरी पबीत्र आत्‍मा पीत्‍युजेत्‍स्‍ये मुब। ओसेम् थेङ् खेम पङ्‌लेनो एङ्‌यीमातेङ् बक्‍च्‍य तस्‍ये मुब।

युहन्‍ना 17:2

तलेपङ्‍सम् थेङ्‌चे न्‍हङ्‍जेत्‍पे जम्‍म म्‍हीमात थेचे खेमेएनो अबेबे जीवन पीन्‍खइ पङ्‍ज्‍यीम् थेङ्‌चे जम्‍मनो म्‍हीमाकी जोरी थेत हक् न्‍हङ्‌बल मुब।

युहन्‍ना 17:20

“ङ थेङ्‌यीमाकी लागीरीकीनो अय्‍हीन्, तर थेङ्‍यीमाचे स्‍येत्‍पे सम्‍तर् ङ्‌येन्‍ज्‍यीम् ङत बीस्‍वास् स्‍य्‍हेङ्‍स्‍येकी म्‍हीमाइ लागीरीएनो प्रार्‌थना स्‍य्‍हेङ्‌ब।

युहन्‍ना 17:6

“जम्‍बुलीङ्‍ ग्‍यम्‍से थेङ्‌चे ङत न्‍हङ्‌बे म्‍हीमात ङचे थेङ्‌त स्‍येनलबल मुब। थेङ्‍यीमा थेङ्‌ल मुबल, ओसेम् थेङ्‌चेनो थेङ्‍यीमा ङत न्‍हङ्‍जेत्‍ज्‍यी। थेङ्‍यीमाचे थेङ्‌की फ्रोइ ङ्‌येन्‍बल मुब।

युहन्‍ना 6:37

अपचे ङत न्‍हङ्‍जेत्‍पलमा जम्‍मनो ङइज खस्‍ये मुब, ओसेम् ङइज खबलमात ङचे खेमेएनो ख्‍लास्‍ये अरे।

युहन्‍ना 6:39

ङत पीत्‍युजेत्‍पलइ थुः चुनो य्‍हीन्‍ब, थेङ्‌चे ङत न्‍हङ्‍जेत्‍पलमा खलतएनो खेमेएनो म्‍हन अलखइ, तर ज्‍युःकी दीन्‍री थेङ्‌यीमात सोन लखइ।

हीब्रु 7:25

होत्‍तज्‍यीम् थेङ् ग्‍यम्‍से पर्‌मेस्‍वर्‌ज खबलमात थेङ्‍चे खेम पङ्‌लेनो थर्‌नलजेत्‍प खम्‍ब, तलेपङ्‌सम् थेङ्‌यीमाकी लागीरी पर्‌मेस्‍वर्‌तेङ् प्रार्‌थना स्‍य्‍हेङ्‌बरी थेङ् खेम पङ्‌लेनोइ लागीरी सोस्‍यीनो टीजेत्‍पल मुब।

हीब्रु 9:24

ख्रीस्‍ट्‍मी म्‍हीचे स्‍य्‍हेङ्‌बे पबीत्र ग्‍लारी वङ्‍अजेत्, हुजुमी स्‍वर्‌गरी मुबे देमेन्‍की ग्‍लाकी नक्‍कल्‍कीनो मुबल, तर थेङ्‍मी स्‍वर्‌गरीनो स्‍येःजेत्‍ज्‍यी, ओसेम् ङ्‍य्‍हङ्‍माकी लागीरी तम् थेन्‍बरी पर्‌मेस्‍वर्‌की ङोन्‍री स्‍य्‍हुजेत्‍पल मुब।

१ युहन्‍ना 5:19

ङ्‍य्‍हङ्‍माचे स्‍येःब, जम्‍मनो जम्‍बुलीङ् सैतान्‍की यारी मुलेएनो ङ्‍य्‍हङ्‍मामी पर्‌मेस्‍वर्‌की कोल य्‍हीन्‍ब।

प्रकास 12:9

हुजु ङ्‍हच्‍छ्‌यङ् सङ्‌मोमी दङ्‍बोइ पुख्री य्‍हीन्‍ब, थेत सैतान्‍तेङ् म्‍हङ् पङ्‍ब। थेचे जम्‍बुलीङ्‌की जम्‍मनो म्‍हीमात लुटीबल मुबल। हुजुत थेइ दुत्‍मातेङ् बक्‍च्‍य स्‍वर्‌ग ग्‍यम्‍से जम्‍बुलीङ्‌री ख्‍लापीत्‍पल मुब।

प्रकास 13:8

सेत्‍लाबे थुमाइ जीवन्‍की छ्‍येःरी जम्‍बुलीङ् स्‍य्‍हेङ्‍ब बीम ङोन्‍ग्‍यम्‍नो मीन् अब्रीबे जम्‍बुलीङ्‍की म्‍हीमा जम्‍मचेनो हुजु दुस्‍ट सेम्‍ज्‍येन्‍त तेन्‍स्‍ये मुब।

प्रकास 20:15

ओसेम् खजु म्‍हीमाकी मीन् जीवन्‍की छ्‍येःन्‍हङ् ब्रीबल अयङ् थेङ्‌यीमात हुजु लुम्‍टीबे मेइ ग्‍येन्‍हङ् ख्‍लापीत्‍ज्‍यी।