युहन्‍ना 17:4 - पश्‍चिम तामाङ

⁴ थेङ्‌चे ङत टोप् लउ पङ्‍ज्‍यीम् न्‍हङ्‌बे जम्‍मनो लक् ङचे टोप् लज्‍यीम् ङचे चु जम्‍बुलीङ्‌री थेङ्‌की महीमा स्‍य्‍हेङ्‌बल मुब।

युहन्‍ना 17:4 ပူးပေါင်းရင်းမြစ်များ

लुका 22:37

तलेपङ्‍सम् ङ एङ्‌यीमात पङ्‌ब, धर्‌मइ छ्‍येःरी ‘थे अपराधीमातेङ् ज्‍याज्‍यी’ बी ब्रीबल ङ ग्‍यम्‍से पुरा तथोब। तलेपङ्‍सम् ङइ बारेरी ब्रीबल देमेन्‍नो पुरा तटीब मुब।”

युहन्‍ना 12:28

अप, थेङ्‌की छेन्‍की महीमा तनलजेतो।” ओसेम् स्‍वर्‌ग ग्‍यम्‍से चोतेबे केत् थ्‍येःज्‍यी, “ङचे हुजु महीमा कीन्‍बल मुब, ओसेम् देबेएनो कीन्‍स्‍ये मुब।”

युहन्‍ना 14:13

एङ्‍यीमाचे ङइ मीन्‍री ता र्‌हीत्‍लेनो ज ग्‍यम्‍से अपइ महीमा तखइ पङ्‍ज्‍यीम् हुजु ङचे टोप् लपीन्‍स्‍ये मुब।

युहन्‍ना 14:31

तर जम्‍बुलीङ्‌की जम्‍मनो म्‍हीमाचे ङचे अपत म्‍होइब पङ्‍बे तम् स्‍येखइ बी थेङ्‌चे कुल्‍जेत्‍प र्‌हङ्‌लेनो ङ स्‍य्‍हेङ्‌ब। ब्रे, ङ्‍य्‍हङ्‍मा चु ग्‍लासे य्‍हर्‌के।”

युहन्‍ना 15:10

अपचे कुल्‍जेत्‍पे तम्‍मा ङचे ङ्‌येन्‍ज्‍यीम् अपइ म्‍होइबरी टीब र्‌हङ्‌लेनो, एङ्‌यीमाचेएनो ङचे कुल्‍बे अर्‌तीमा ङ्‍येन्‍ज्‍यी पङ्‌सम् एङ्‍यीमा ङइ म्‍होइबरी टीस्‍यीनो टीस्‍ये मुब।

युहन्‍ना 19:28

ओसेम् येसुचे देरेम् जम्‍मनो लक्‍मा बुत्‍ज्‍यी बी खेम्‍ज्‍यी, ओसेम् धर्‌म छ्‍येःरी ब्रीबे तम् टोप् तखइ पङ्‍ज्‍यीम्, “ङत यी फीःज्‍यी” बी सुङ्‌जेत्‍ज्‍यी।

युहन्‍ना 19:30

थेङ्‌चे हुजु चेक्‍पजाकी म्‍य्‍हङ्‍जेत्‍ज्‍यीम्, “देरेम् बुत्‍ज्‍यी” बी सुङ्‌ज्‍यी। हुजुलीप्‍चे थेङ्‌चे क्र र्‌हलले तइज्‍यीम् बुः पीत्‍जेत्‍ज्‍यी।

युहन्‍ना 4:34

ओसेम् येसुचे थेङ्‌यीमात सुङ्‌ज्‍यी, “ङत पीत्‍युजेत्‍पलइ थुः र्‌हङ्‌लेनो ब्रबतेङ् थेङ्‌की लक् टोप् स्‍य्‍हेङ्‌बनो ङइ चब य्‍हीन्‍ब।

युहन्‍ना 5:36

“तर युहन्‍नाल बीमएनो ङ्‌हच्‍छ्‌यङ् गवाही ङतेङ् मुब। ङइ अपचे ङत स्‍य्‍हेङ्‌बरी कुल्‍बे लक्‍मा ङचे स्‍य्‍हेङ्‍टीबल मुब, ओसेम् हुजु लक्‍माचेनो ङत अपचे पीत्‍युजेत्‍पल य्‍हीन्‍ब पङ्‌ज्‍यीम् गवाही पीन्‍ब।

युहन्‍ना 9:3

येसुचे थेङ्‌यीमात सुङ्‌ज्‍यी, “थेइ र्‌हङ्‌की पापचे लज्‍यीमएनो अय्‍हीन्, ओसेम् थेइ अप अमइ पाप्‍चे लज्‍यीमएनो अय्‍हीन्, तर पर्‌मेस्‍वर्‌की सक्‍ती थेइ ल्‍हीरी म्रङ्‌खइ पङ्‍ज्‍यीम् थे कन तबल य्‍हीन्‍ब।

प्रेरीत् 20:24

तर ङ ङइ जीवन ङइ लागीरी तइ सेइलएनो अम्‍हेन्। ङचे चोदेकीनो म्‍हेन्‍ब की ङत प्रभु येसुचे स्‍य्‍हेङो बी न्‍हङ्‌जेत्‍पे पर्‌मेस्‍वर्‌की अनुग्रहइ ज्‍यबे सम्‍तर् स्‍येत्‍पे लक् टोप् लब खम्‍खइ।

२ तीमोथी 4:7

ङचे म्‍हीमात पर्‌मेस्‍वर्‌की सम्‍तर् ज्‍यनले स्‍येत्‍पल मुब, पर्‌मेस्‍वर्‌चे ङत न्‍हङ्‍जेत्‍पे लक् ङचे बुत्‍नले स्‍य्‍हेङ्‍बल मुब, ओसेम् ङचे पर्‌मेस्‍वर्‌री बीस्‍वास् स्‍य्‍हेङ्‍स्‍यीनो टीबल मुब।