युहन्‍ना 16:8 - पश्‍चिम तामाङ

⁸ थेङ् ब्‍योन्‍युब बीसेम् जम्‍बुलीङ्‌की म्‍हीमात पापतेङ् धार्‌मीक्‍त ओसेम् न्‍यायइ बारेरी दोस् ङोन्‍जेत्‍स्‍ये मुब।

युहन्‍ना 16:8 ပူးပေါင်းရင်းမြစ်များ

युहन्‍ना 16:7

तर ङ एङ्‌यीमात देमेन्‍की तम् पङ्‍ब, ङ ङ्‍यीबरीनो एङ्‌यीमात ज्‍यब तब, तलेपङ्‍सम् ङ अङ्‍यीज्‍यी पङ्‌सम् पबीत्र आत्‍मा ब्‍योन्‍युस्‍ये अरे। तर ङ्‍यीज्‍यी पङ्‌सम् ङ थेङ्‌त एङ्‍यीमाज पीत्‍युस्‍ये मुब।

युहन्‍ना 16:9

ङत बीस्‍वास् अस्‍य्‍हेङ्‍बनो पाप य्‍हीन्‍ब बी थेङ्‌चे म्‍हीमात ङोन्‍स्‍ये मुब।

युहन्‍ना 8:46

एङ्‍यीमान्‍हङ्‍री खल्‍चे ङत पापकी दोस् ङोन्‍ब खम्‍ब? ङचे देमेन्‍कीनो पङ्‍ब पङ्‌सम् एङ्‍यीमाचे ङत तले बीस्‍वास् अलबल स्‍यीम्?

युहन्‍ना 8:9

येसुचे सुङ्‍बे तम् थ्‍येःब बीसेम् खेक्‍पमा य्‍हङ्‍स्‍ये य्‍हर्‌ब तीप्‍ज्‍यीम् ज्‍यीदमाएनो काकर्‌ले हुजु ग्‍ला ग्‍यम्‍से य्‍हर्‌ज्‍यी। ज्‍युःरी येसुतेङ् अमलकीनो हुजुरी तज्‍यी, ओसेम् हुजु अमकोल थेङ्‌की ङोन्‍ग्‍यम् रप्‍टीबल मुबल।

प्रेरीत् 2:37

पत्रुसचे पङ्‍बे चु तम् थ्‍येःज्‍यीम् थेङ्‌यीमाकी सेम्‍री य्‍हक्‍को दुख तज्‍यी। ओसेम् थेङ्‍यीमाचे पत्रुसतेङ् ल्‍हो-ल्‍हो प्रेरीतमात, “अज्‍यो-अलेमा, देरेम् ङ्‌यीमाचे तालथोब?” पङ्‍ज्‍यीम् ङ्‌योत्‍ज्‍यी।

१ कोरीन्‍थी 14:24

तर जम्‍मचेनो अगम्बानी पङ्‌टीबे बेलोरी ख्रीस्‍ट्‍त बीस्‍वास् अस्‍य्‍हेङ्‍बलतेङ् चु तम्‍मा अगोबे म्‍हीमा हुजुरी खबल मुसम् थेङ्‍यीमाचे हुजु तम्‍मा ङ्‌येन्‍ज्‍यीम् र्‌हङ्‍की पापमा स्‍येःस्‍ये मुब, ओसेम् पर्‌मेस्‍वर्‌चे न्‍याय स्‍य्‍हेङ्‍जेत्‍स्‍ये मुब बी थेङ्‍यीमाचे स्‍येस्‍ये मुब।

यहुदा 1:15

थेङ्‌चे जम्‍मनो म्‍हीमाकी न्‍याय स्‍य्‍हेङ्‍जेत्‍स्‍ये मुब। ओसेम् पर्‌मेस्‍वर्‌त अतङ्‍बे दुस्‍ट लक्‍मा स्‍य्‍हेङ्‍बलमातेङ् थेङ्‌की बीरुद्‍दरी तम् पङ्‍बलमा जम्‍मतनो सजाय न्‍हङ्‌जेत्स्‍ये मुब।”