युहन्‍ना 16:33 - पश्‍चिम तामाङ

³³ “एङ्‍यीमाचे ङतेङ् सान्‍ती यङ्‍खइ पङ्‍ज्‍यीम् ङचे एङ्‌यीमात चु तम्‍मा पङ्‍बल य्‍हीन्‍ब। जम्‍बुलीङ्‌री एङ्‌यीमात दुख तस्‍ये मुब, तर आर् लउ, जम्‍बुलीङ्‍त ङचे डाबल मुब।”

युहन्‍ना 16:33 ပူးပေါင်းရင်းမြစ်များ

मत्‍ती 9:2

ओसेम् म्‍हीमाचे या कङ् अचल्‍तीबे रोग स्‍यप्‍पे म्‍ही गीःत थेइ तीत्‍प न्‍हेन्‍बतेङ् बक्‍च्‍य क्‍योङ्‍लेनो नाज्‍यीम् येसु मुबे ग्‍लारी बज्‍यी। थेङ्‌चे हुजु म्‍हीमाकी बीस्‍वास् म्रङ्‍जेत्‍ज्‍यीम् हुजु नबत सुङ्‌ज्‍यी, “ज, सेम् कोङ्‍न लउ, एइ पाप क्षमा तबल मुब।”

लुका 19:38

“परमप्रभुइ छेन्‍री ब्‍योन्‍खबे ग्‍यल्‍बोचे मोलम् यङ्‍खइ, स्‍वर्‌गरी सान्‍ती तखइ, ओसेम् गोदोब्‍न्‍हङ्‍की जोइ पर्‌मेस्‍वर्‌की महीमा तखइ!”

लुका 2:14

“गोदोब्‍न्‍हङ्‍की जोरी स्‍वर्‌गरी स्‍य्‍हुबे पर्‌मेस्‍वर्‌त जयजयकार, ओसेम् जम्‍बुलीङ्‌री पर्‌मेस्‍वर्‌चे म्‍होइ्‌बे म्‍हीमात सान्‍ती तरीखइ।”

युहन्‍ना 12:31

देरेम् चु जम्‍बुलीङ्‌की न्‍याय स्‍य्‍हेङ्‌बे बेलो खबल मुब, देरेम् जम्‍बुलीङ्‌की सासक्‍त तेत्‍लास्‍ये मुब।

युहन्‍ना 14:1

येसुचे थेङ्‌की डबमात सुङ्‌ज्‍यी, “एङ्‍यीमा सेम्‍री थछेरो, एङ्‍यीमाचे पर्‌मेस्‍वर्‌त बीस्‍वास् स्‍य्‍हेङो, ओसेम् ङतएनो बीस्‍वास् स्‍य्‍हेङो।

युहन्‍ना 14:27

ङ एङ्‌यीमात सान्‍ती पीन्‍थेन्‍ब। ङ एङ्‌यीमात ङइ सान्‍ती पीन्‍ब, ओसेम् चु जम्‍बुलीङ्‌की सान्‍ती र्‌हङ्‍ब अय्‍हीन्। एङ्‌यीमाकी सेम् य्‍हक्‍को थछेरो, ओसेम् थलोङो।

युहन्‍ना 16:11

ओसेम् पर्‌मेस्‍वर्‌की न्‍यायकी बारेरी थेङ्‌यीमात ङोन्‍जेत्‍स्‍ये मुब, तलेपङ्‍सम् चु जम्‍बुलीङ्‌की सासक् ङोन्‍नो दोसी तज्‍यीन्‍बल मुब।

प्रेरीत् 14:22

थेङ्‍य्‍हीचे हुजु ग्‍लामारी मुबे बीस्‍वासीमात बीस्‍वास्‍री कोङ्‍नलज्‍यीम् खेम पङ्‌लेनो बीस्‍वास्‍री टीउ बी आर् पीन्‍ज्‍यीम् पङ्‍ज्‍यी। ओसेम्, “पर्‌मेस्‍वर्‌की य्‍हुल्‍री वङ्‌ब बीम ङोन्‍ग्‍यम् ङ्‍य्‍हङ्‍चे दुख नाथोब” पङ्‍बे तम् थेङ्‌यीमात लोप्‍ज्‍यी।

प्रेरीत् 23:11

हुजु म्‍हुननो प्रभुचे पावलकी रेइरी रप्‍जेत्‍ज्‍यीम् सुङ्‌ज्‍यी, “आर् लउ, तलेपङ्‍सम् एचे खले यरुसलेमरी ङइ बारेरी स्‍येत्‍ज्‍यी होलेनो एचे रोमरीएनो स्‍येत्‍थोःब।”

प्रेरीत् 27:22

तर ङ पङ्‍ब, सेम् कोङ्‍नलउ, ङ्‍य्‍हङ्‍मा खलेएनो स्‍यीस्‍ये अरे, दोङ्‍गकीनो नास् तस्‍ये मुब।

प्रेरीत् 27:25

होत्‍तज्‍यीम् अज्‍यो-अलेमा, सेम् कोङ्‌नलउ, तलेपङ्‍सम् पर्‌मेस्‍वर्‌चे सुङ्‍बे चु तम् तस्‍येनो मुब पङ्‍ज्‍यीम् ङत बीस्‍वास् मुब।

प्रेरीत् 9:31

हुजु लीप्‍चे यहुदीयातेङ् गालील ओसेम् सामरीया प्रदेस्‍री मुबे मन्डलीमात सान्‍ती तज्‍यी। बीस्‍वासीमा पर्‌मेस्‍वर्‌तेङ् लोङ्‍ज्‍यीम् ब्रबल तज्‍यीम् मन्‍डलीमा बङ्‍ज्‍येन् तज्‍यी। ओसेम् पबीत्र आत्‍मा ग्‍यम्‍से आर् यङ्‌बल तज्‍यीम् बीस्‍वासीमाएनो य्‍हक्‍को तबोर्‌ज्‍यी।

२ कोरीन्‍थी 1:3

ङ्‍य्‍हङ्‍माइ प्रभु येसु ख्रीस्‍ट्‍की अप पर्‌मेस्‍वर्‌त तोप्‍प तखइ। थेङ् क्रीपालु अपतेङ् जम्‍मनो सान्‍त्‍वना न्‍हङ्‍जेत्‍पे पर्‌मेस्‍वर् य्‍हीन्‍ब।

२ कोरीन्‍थी 13:11

ज्‍युःरी, बीस्‍वासी र्‌होमा, तङो। एङ्‍यीमाचे सेम् य्‍हङ्‌सेनो प्रभुइ फ्रोइ ङ्‌येन्‍ज्‍यीम् ब्रबे सेम् थोःगो। ङचे फ्‍या लबे तम् ङ्‌येनो, गीःचे गीःत पङ्‍बल ङ्‌येन्‍ज्‍यीम् थुन्‍ज्‍यीम् टीउ। ओसेम् एङ्‍यीमात सान्‍तीतेङ् म्‍होइब न्‍हङ्‍जेत्पे पर्‌मेस्‍वर् एङ्‍यीमातेङ् स्‍य्‍हुजेत्‍स्‍ये मुब।

२ कोरीन्‍थी 2:14

तर पर्‌मेस्‍वर्‌त व्‍होर्‌छ्‌ये तखइ, तलेपङ्‍सम् थेङ्‍चे ङ्‍य्‍हङ्‍मात ख्रीस्‍ट्‍तेङ् खेम पङ्‌लेनो डाबे ग्‍यम्‍री नोम्‍जेत्‍प। ओसेम् ज्‍यबे मोर्‌थङ् ठम्‍ब र्‌हङ्‌ले ख्रीस्‍ट्‍की बारेइ ज्ञान् ङ्‍य्‍हङ्‍मा ग्‍यम्‍से जम्‍मनो ग्‍लामारी ठम्‍नलजेत्‍प।

२ कोरीन्‍थी 4:7

ङ्‍य्‍हङ्‍माकी सेम्‍री चु य्‍हल्‍की सर्‌ब मुब, तर ङ्‍य्‍हङ्‍मामी सेप्रइ तङ्‍लो र्‌हङ्‍ब य्‍हीन्‍ब, हुजुरी चु आत्‍मीक् सम्‍पती थेन्‍बल मुब। चु ग्‍यम्‍से स्‍येःबकी ङ्‍य्‍हङ्‍माकी जम्‍मनो सक्‍ती पर्‌मेस्‍वर् ग्‍यम्‍से खब, ङ्‍य्‍हङ्‍मा र्‌हङ् ग्‍यम्सेनो अय्‍हीन्।

२ कोरीन्‍थी 6:4

तर ङ्‌यीमाचे य्‍हक्‍को दुखमा, गारो बेलोमा, छेर्‌बमा जम्‍मनो नाज्‍यीम् र्‌हङ्‌तनो जम्‍मनो तम्‍तेङ् लक् ग्‍यम्‍से देमेन्‍नो पर्‌मेस्‍वर्‌की योक्‍पो य्‍हीन्‍ब बी ङोन्‍बल मुब।

२ कोरीन्‍थी 7:4

ङ एङ्‍यीमातेङ् ढुक्‍क मुब, ओसेम् ङ एङ्‌यीमाकी लागीरी य्‍हक्‍को गर्‌ब लब। एङ्‍यीमा ग्‍यम्‍से ङचे य्‍हक्‍को आर् यङ्‌बल मुब, ओसेम् ङ्‍यीमात य्‍हक्‍को दुखमा तलेनो ङइ सेम् य्‍हक्‍को तङ्‍बल मुब।

गलाती 1:4

ङ्‍य्‍हङ्‍माकी पर्‌मेस्‍वर् अपइ थुः अनुसार् ङ्‍य्‍हङ्‍मात चु दुस्‍ट् जम्‍बुलीङ् ग्‍यम्‍से फेःपीन्‍बे लागीरी येसु ख्रीस्‍ट्‍चे र्‌हङ्‌तनो ङ्‍य्‍हङ्‍माकी पाप्‍माकी लागीरी स्‍यीबरी सोप्‍तीपीन्‍जेत्‍ज्‍यी।

गलाती 6:14

तर ङमी ल्‍हो-ल्‍हो तइ तम्‍रीएनो अय्‍हीन्, ङ्‍य्‍हङ्‍की प्रभु येसु ख्रीस्‍ट्‍की क्रुस्‍रीकीनो घमन्‍ड स्‍य्‍हेङ्‍ब। थेङ् क्रुस्‍री स्‍यीजेत्‍पल तज्‍यीम् जम्‍बुलीङ् ङइ लागीरी स्‍यीबल मुब ओसेम् ङ जम्‍बुलीङ्‌की स्‍हेःमाकी लागीरी स्‍यीबल मुब।

फीलीप्‍पी 4:7

ओसेम् म्‍हीइ सेम्‍चे गोबनो अखम्‍बे पर्‌मेस्‍वर्‌की सान्‍तीचे एङ्‌यीमाकी सेम्‍तेङ् लोत येसु ख्रीस्‍ट्‍री जोगइतीज्‍यीम् थेन्‍स्‍ये मुब।

कलस्‍सी 1:20

ओसेम् पर्‌मेस्‍वर्‌चे क्रुस्‍री य्‍हर्‌पुङ्‍बे येसु ख्रीस्‍ट्‍की काः ग्‍यम्‍से सान्‍ती नोम्‍खजेत्‍ज्‍यीम् स्‍वर्‌गतेङ् जम्‍बुलीङ्‌री मुबे जम्‍मनो स्‍हेमात र्‌हङ्‍तेङ् थुन्‍नलजेत्‍ज्‍यी।

१ थेस्‍लोनीकी 3:4

तलेपङ्‌सम् ङ्‌यीमा एङ्‌यीमातेङ् बक्‍च्‍य मुबे बेलोरीनो दुखमा खस्‍ये मुब बी ङ्‌यीमाचे ङोन्‍ग्‍यम्‍नो पङ्‍बल मुबल। देमेन्‍नो ङ्‌यीमाचे पङ्‍ब र्‌हङ् तज्‍यी, ओसेम् हुजु एङ्‌यीमाचेनो स्‍येबल मुब।

१ थेस्‍लोनीकी 3:7

होत्‍तज्‍यीम् ङइ र्‌होमा, एङ्‌यीमाकी बीस्‍वासकी तम् थ्‍येःज्‍यीम् ङ्‍यीमात र्‌होचे अखोज्‍यीम् य्‍हक्‍को दुख यङ्‌बे बेलोरीएनो आर् यङ्‌बल मुब।

२ थेस्‍लोनीकी 3:16

देरेम् ङ्‍य्‍हङ्‍त सान्‍ती न्‍हङ्‌बे प्रभु र्‌हङ्‍चेनो खेमपङ्‍लेनो ओसेम् खले लज्‍यीम् पङ्‌लेनो एङ्‌यीमात सान्‍ती न्‍हङ्‍खइ। ओसेम् प्रभु एङ्‍यीमा जम्‍मतेङ् बक्‍च्‍य तखइ।

२ तीमोथी 3:12

येसु ख्रीस्‍ट्त बीस्‍वास् स्‍य्‍हेङ्‌ज्‍यीम् पर्‌मेस्‍वर्‌त सेम्‍री ङ्‌यीबे जीवन् सोबलमात म्‍हीमाचे दुख पीन्‍स्‍ये मुब।

हीब्रु 11:25

पाप्‍री य्‍हम्‍की सुख नाब बीमम् बरु पर्‌मेस्‍वर्‌की म्‍हीमातेङ् दुख नाब थेचे दम्‍ज्‍यी।

हीब्रु 7:2

अब्राहाम्‍चे मल्‍कीसेदेक्‍त ल्‍हो-ल्‍हो ग्‍यल्‍बोमा ग्‍यम्‍से बेन्‍बे जम्‍म थोइ बो च्‍यीइ बो गी पीन्‍ज्‍यी। मल्‍कीसेदेक पङ्‍बे मीन्‍की अर्‌थमी “धार्‌मीक्‍ताकी ग्‍यल्‍बो” य्‍हीन्‍ब ओसेम् थे सालेम्‍की ग्‍यल्‍बो तबल तज्‍यीम् थेत “सान्‍तीइ ग्‍यल्‍बोएनो” पङ्‍ब।

१ पत्रुस 5:9

बीस्‍वास्‍री कोङ्‍ज्‍यीम् सैतान्‍की बीरोद् स्‍य्‍हेङो, तलेपङ्‍सम् एङ्‍यीमात तटीब र्‌हङ्‍बे दुखमी जम्‍बुलीङ्‌की जम्‍मनो ग्‍लामारी मुबे ल्‍हो-ल्‍हो बीस्‍वासीमातएनो तटीब पङ्‍बे तम् एङ्‍यीमाचे स्‍येःब।

१ युहन्‍ना 2:13

अपमा, ङ एङ्‌यीमात चु ब्रीटीब, तलेपङ्‍सम् गोदोब्‍न्‍हङ् ङोन्‍ग्‍यम् य्‍हङ्‍से मुबे ख्रीस्‍ट्त एङ्‍यीमाचे स्‍येःब। ब्‍योन् म्‍हीमा, चु ङ एङ्‌यीमात ब्रीटीब तलेपङ्‍सम् एङ्‍यीमा सैतान् ग्‍यम्‍से डाबल मुब।

१ युहन्‍ना 4:4

तर म्‍होइबे कोलमा, एङ्‍यीमाम् पर्‌मेस्‍वर्‌ल य्‍हीन्‍ब, एङ्‍यीमाम् भ्‍युकी अगम्‍बक्‍तमातेङ् डाबल मुब, तलेपङ्‍सम् एङ्‍यीमातेङ् मुबे पबीत्र आत्‍माम् जम्‍बुलीङ्‌री म्‍हीमातेङ् मुबे आत्‍मा बीम य्‍हक्‍को सक्‍तीसाली मुब।

१ युहन्‍ना 5:4

तलेपङ्‍सम् पर्‌मेस्‍वर्‌की जम्‍मनो कोलमाचे जम्‍बुलीङ्‍त डास्‍ये मुब। ओसेम् ङ्‍य्‍हङ्‍की बीस्‍वास् ग्‍यम्सेनो जम्‍बुलीङ्‍त डाब।

प्रकास 12:11

ङ्‍य्‍हङ्‍की बीस्‍वासी र्‌होमाचे थुमाकी कातेङ् थेङ्‍यीमाचे स्‍येत्‍पे देमेन्‍की गबाहीचे लज्‍यीम् सैतान्‍त डाबल मुब, ओसेम् थेङ्‍यीमा र्‌हङ् स्‍यीबरीएनो टोप् तबल मुबल।

प्रकास 3:21

खल्‍चे डाब, थेत ङ ङइ ठीरी ङतेङ् बक्‍च्‍य टीबुङ्‍स्‍ये मुब, खले ङ र्‌हङ्‍चेएनो डाबल तज्‍यीम् ङइ अपतेङ् बक्‍च्‍य थेङ्‍की ठीरी टीबल मुब।

प्रकास 7:14

ङचे थेत पङ्‍ज्‍यी, “ङचे स्‍येःबल अरे। थेङ्‌चेनो खेम्‍बल मुब।” थेचे ङत पङ्‍ज्‍यी, “थेङ्‍यीमामी ङ्‍हच्‍छ्‍यङ् दुख नाज्‍यीम् खबल मुब, ओसेम् थेङ्‍यीमाचे र्‌हङ्-र्‌हङ्‍की येन् थुमाकी काचे ख्रुज्‍यीम् तर् तन लबल मुब।