युहन्‍ना 16:32 - पश्‍चिम तामाङ

³² ङ्‌येनो, एङ्‍यीमाचे ङ गीःकीनो ख्‍लेथेन्‍ज्‍यीम् एङ्‍यीमा छर्‌छुर् तज्‍यीम् र्‌हङ् र्‌हङ्‌की ग्‍यम्‍से य्‍हर्‌बे बेलो खयम्‍बल मुब, ओसेम् खज्‍यीन्‍बल मुब। तर ङ गीःकीनो तस्‍ये अरे, तलेपङ्‍सम् अप ङतेङ् बक्‍च्‍य मुब।

युहन्‍ना 16:32 ပူးပေါင်းရင်းမြစ်များ

मत्‍ती 26:31

हुजु बेलोरी येसुचे डबमात सुङ्‌ज्‍यी, “तीङ्‌यी म्‍हुन एङ्‍यीमा जम्‍मचेनो ङत ख्‍लेथेन्‍ज्‍यीम् छ्‌योङ् य्‍हर्‌स्‍ये मुब। तलेपङ्‍सम् धर्‌म छ्‍येःरी चोले ब्रीबल मुब- ‘ङचे गोर्‌तेन्‍त सेत्‍स्‍ये मुब, ओसेम् ग्‍युमा छर्‌छुर् तस्‍ये मुब।’

मत्‍ती 26:56

तर अगम्‍बक्‍तमाचे धर्‌म छ्‍येःरी ब्रीबे चु तम् टोप् तखइ बी चु जम्‍मनो तबल य्‍हीन्‍ब।” ओसेम् थेङ्‌की डबमाचे थेङ्‌त ख्‍लेथेन्‍ज्‍यीम् य्‍हर्‌ज्‍यी।

मर्‌कुस् 14:27

येसुचे डबमात सुङ्‌ज्‍यी, “एङ्‍यीमा जम्‍मनो ङत ख्‍लाथेन्‍ज्‍यीम् य्‍हर्‌स्‍ये मुब। तलेपङ्‍सम् धर्‌मइ छ्‍येःरी, ‘ङचे गोर्‌तेन्‍त सेत्‍स्‍ये मुब, ओसेम् ग्‍युमा खन दोदो छ्‍योङ्‍स्‍ये मुब’ बी ब्रीबल मुब।

मर्‌कुस् 14:50

हुजु लीप्‍चे डबमा जम्‍मचेनो येसुत ख्‍लेथेन्‍ज्‍यीम् छ्‍योङ्‍य्‍हर्‌ज्‍यी।

युहन्‍ना 12:23

ओसेम् येसुचे थेङ्‌यीमात सुङ्‌ज्‍यी, “देरेम् म्‍हीइ ज महीमारी वङ्‌बे बेलो खबल मुब।

युहन्‍ना 16:2

एङ्‌यीमात यहुदीमा र्‌हुब् तबे दीम्‍माचे तेत्‍लास्‍ये मुब। ओसेम् चोतेबे बेलो खस्‍ये मुब, एङ्‌यीमात सेत्‍पे म्‍हीमाचे पर्‌मेस्‍वर्‌त सेवा स्‍य्‍हेङ्‍टीब बी थेङ्‍यीमाचे म्‍हेन्‍स्‍ये मुब।

युहन्‍ना 16:25

“ङचे एङ्‌यीमात चु तम्‍मा अर्‌थरी पङ्‍बल मुब, तर बेलो खयम्‍बल मुब, हुजु बेलोरी ङ एङ्‌यीमात अर्‌थरी तम् पङ्‌स्‍ये अरे। तर अपइ बारेरी एङ्‍यीमाचे गोनले स्‍येत्‍स्‍ये मुब।

युहन्‍ना 16:31

ओसेम् येसुचे सुङ्‌ज्‍यी, “एङ्‍यीमाचे ङत देरे बीस्‍वास् स्‍य्‍हेङ्‌ब?

युहन्‍ना 19:27

ओसेम् थेङ्‌चे हुजु डबत सुङ्‌ज्‍यी, “च्‍याको, एइ अम” हुजु बेलो य्‍हङ्‍से हुजु डबचे येसुइ अमत र्‌हङ्‌की दीम्‍री बोर्‌ज्‍यी।

युहन्‍ना 20:10

हुजुलीप्‍चे हुजु डब ङ्‍य्‍ही दीम्‍री दोःज्‍यीम् य्‍हर्‌ज्‍यी।

युहन्‍ना 4:21

येसुचे थेत सुङ्‌ज्‍यी, “ओ अङ, ङत बीस्‍वास् स्‍य्‍हेङो, हुजु बेलो खटीब मुब, एङ्‍यीमाचे अपत न्‍ह चु गङ्‍री न्‍ह यरुसलेम्‍री तोप्‍स्‍ये मुब।

युहन्‍ना 4:23

तर बेलो खटीब मुब ओसेम् हुजु बेलो देरे य्‍हीन्‍ब, देमेन्‍लेनो तेन्‍बलमाचे अपत देमेन्‍तेङ् आत्‍मारी तेन्‍स्‍ये मुब। चोले तेन्‍बे म्‍हीमात पर्‌मेस्‍वर्‌चे म्‍हइजेत्‍प।

युहन्‍ना 5:25

देमेन्‍नो ङ एङ्‌यीमात पङ्‌ब, बेलो खटीब मुब, ओसेम् हुजु बेलो देरे य्‍हीन्‍ब, स्‍यीबलमाचे पर्‌मेस्‍वर्‌की जइ केत् थ्‍येःस्‍ये मुब, ओसेम् थ्‍येःबलमा सोस्‍ये मुब।

युहन्‍ना 5:28

चु तम्‍री अचम्‍म थतउ, तलेपङ्‍सम् बेलो खटीब मुब, हुजु बेलोरी स्‍यीबलमा जम्‍मचे थेइ केत् थ्‍येःस्‍ये मुब।

युहन्‍ना 8:16

ङचे न्‍याय स्‍य्‍हेङ्‍थोलेनो ङचे स्‍य्‍हेङ्‌बे न्‍याय देमेन् तब, तलेपङ्‍सम् न्‍याय स्‍य्‍हेङ्‍बल ङ गीकीनो अय्‍हीन् तर ङत पीत्‍युजेत्‍पे अपएनो ङतेङ् बक्‍च्‍य मुब।

युहन्‍ना 8:29

ओसेम् ङत पीत्‍युजेत्‍पे अप ङतेङ् बक्‍च्‍य मुब। थेङ्‌चे खेमेएनो ङत ङ गीकीनो ख्‍लेथेन्‍बल अरे, तलेपङ्‍सम् ङचे खेम पङ्‌लेनो थेङ् तङ्‍बे लक्‍कीनो स्‍य्‍हेङ्‌ब।”

प्रेरीत् 21:6

हुजु लीप्‍चे ङ्‌यीमा थेङ्‌यीमातेङ् फेःज्‍यीम् दोङ्‍गरी क्रेत्‍ज्‍यी। ओसेम् थेङ्‍यीमाम् र्‌हङ्‌की दीम्‍री दोःज्‍यीम् य्‍हर्‌ज्‍यी।

प्रेरीत् 8:1

स्‍तीफनस्‍त सेत्‍पे म्‍हीमातेङ् साऊलएनो डीःबल मुबल। हुजु दीन् य्‍हङ्‍से यरुसलेमकी मन्‍डलीत बीरोद् लज्‍यीम् य्‍हक्‍को दुख पीन्‍ब तीप्‍ज्‍यी। होत्‍तज्‍यीम् प्रेरीतमा अय्‍हर्, तर ल्‍हो-ल्‍हो जम्‍मनो बीस्‍वासीमा छर्‌छुर् तज्‍यीम् यहुदीयातेङ् सामारीया प्रदेस्‍क्‍योर् य्‍हर्‌ज्‍यी।