युहन्‍ना 16:28 - पश्‍चिम तामाङ

²⁸ ङ अप ग्‍यम्सेनो जम्‍बुलीङ्‌री युबल य्‍हीन्‍ब। ओसेम् देरेम् ङ जम्‍बुलीङ्‍त ख्‍लेथेन्‍ज्‍यीम् अपज दोःज्‍यीम् य्‍हर्‌टीब।”

युहन्‍ना 16:28 ပူးပေါင်းရင်းမြစ်များ

लुका 24:51

थेङ्‌चे थेङ्‌यीमात मोलम् न्‍हङ्‌जेत्‍टीबे बेलोरी, थेङ् थेङ्‌यीमा ग्‍यम्‍से फेःज्‍यीम् स्‍वर्‌गतोर् नोम्‍जेत्‍ज्‍यी।

लुका 9:51

येसु स्‍वर्‌गरी स्‍येःबे बेलो ज्‍यदङ् खटीबल तज्‍यीम् थेङ्‌चे यरुसलेमरीनो स्‍येःबे थुः लजेत्‍ज्‍यी।

युहन्‍ना 13:1

नीस्‍तार पर्‌ब खब बीम ङोन्‍ग्‍यम् येसुचे र्‌हङ जम्‍बुलीङ् ख्‍लेथेन्‍ज्‍यीम् अपज दोःज्‍यीम् ङ्‌यीबे बेलो खबल मुब बी खेम्‍जेत्‍ज्‍यी। थेङ्‌चे जम्‍बुलीङ्‌री मुबे र्‌हङ्‌की डबमात य्‍हक्‍को म्‍होइजेत्‍ज्‍यी, ओसेम् देरेम् थेङ्‌यीमात ज्‍युःसम्‍मनो म्‍होइजेत्‍ज्‍यी।

युहन्‍ना 13:3

पर्‌मेस्‍वर्‌चे र्‌हङ्‍त जम्‍मनो तम्‍माकी हक् न्‍हङ्‌बल मुब पङ्‍बे तम् येसुचे खेम्‍जेत्‍पल मुबल। ओसेम् थेङ् पर्‌मेस्‍वर् ग्‍यम्सेनो ब्‍योन्‍युबल य्‍हीन्‍ब पङ्‍बतेङ् पर्‌मेस्‍वर्‌जनो दोःज्‍यीम् स्‍येटीब पङ्‍बे तम् खेम्‍जेत्‍पल मुबल।

युहन्‍ना 14:28

“ङचे एङ्‌यीमात ‘ङ य्‍हर्‌टीब, ओसेम् ङ दोःज्‍यीम् एङ्‍यीमाज युस्‍ये मुब’ पङ्‍बल एङ्‍यीमाचे थ्‍येःबल मुब। एङ्‍यीमाचे ङत देमेन्‍नो म्‍होइबल य्‍हीन्‍सम्, ङ अपज ङ्‌यीबतेङ् एङ्‍यीमा तङ्‌स्‍ये मुबल, तलेपङ्‍सम् ङ बीमम् अपनो ङ्‍हच्‍छ्‍यङ् मुब।

युहन्‍ना 16:10

थेङ्‌चे पर्‌मेस्‍वर्‌की धार्‌मीक्‍ताकी बारेरी म्‍हीमात स्‍येत्‍जेत्‍स्‍ये मुब, तलेपङ्‍सम् ङ अपज ङ्‍यीटीब, ओसेम् दोःज्‍यीम् एङ्‍यीमाचे ङत म्रङ्‌स्‍ये अरे।

युहन्‍ना 16:16

येसुचे डबमात सुङ्‌ज्‍यी, “य्‍हम्‍बगी लीप्‍चे एङ्‍यीमाचे ङत म्रङ्‌स्‍ये अरे। तर य्‍हम्‍बगी लीप्‍चे देबेएनो एङ्‍यीमाचे ङत म्रङ्‌स्‍ये मुब।”

युहन्‍ना 16:30

थेङ्‌चे जम्‍मनो तम्‍मा खेम्‍जेत्‍प बी देरेम् ङ्‌यीमाचे गोज्‍यी। थेङ्‌त खल्‍चेएनो तइ तमएनो ङ्‍योत्‍टी अथो। होले तज्‍यीम् थेङ् पर्‌मेस्‍वर् ग्‍यम्सेनो ब्‍योन्‍युबल बी ङ्‌यीमाचे बीस्‍वास् स्‍य्‍हेङ्‌ब।”

युहन्‍ना 16:5

“तर देरेम् ङ ङत पीत्‍युजेत्‍पलइज ङ्‍यीटीब, तर एङ्‍यीमा खल्‍चेएनो ङत, ‘थेङ् खन स्‍येटीब?’ बी अङ्‍योत्।

युहन्‍ना 17:11

देरेम् ङ जम्‍बुलीङ्‌री य्‍हक्‍को अटी, थेङ्‍यीमाम् चु जम्‍बुलीङ्‍रीनो टीब। तर ङ थेङ्‌ज खटीब। पबीत्र अप, थेङ्‍तेङ् ङ गीः तब र्‌हङ्‌ले थेङ्‍यीमाएनो गीः तखइ पङ्‍ज्‍यीम् ङत न्‍हङ्‍जेत्‍पे थेङ्‌की छेन्‍की सक्‍तीचे थेङ्‌यीमात जोगइतीजेतो।

युहन्‍ना 17:13

“देरेम् ङ थेङ्‌ज खटीब, ओसेम् थेङ्‍यीमाचे ङचे यङ्‍ब र्‌हङ्‍बे तङ्‍ब यङ्‍खइ पङ्‍ज्‍यीम् ङ जम्‍बुलीङ्‌री मुबे बेलोरीनो ङ्‍चे चु तम् पङ्‍बल मुब।

युहन्‍ना 17:5

अप, जम्‍बुलीङ् ठुङ्‍ब बीम ङोन्‍ग्‍यम् ङ थेङ्‍तेङ् बक्‍च्‍य मुबे बेलोरी मुबे महीमा ङत न्‍हङ्‍जेतो।

युहन्‍ना 8:14

येसुचे थेङ्‌यीमात जोहाप् न्‍हङ्‌ज्‍यी, “ङइ बारेरी ङ र्‌हङ्‍चेनो पङ्‌लेनो ङइ तम् देमेन्‍नो य्‍हीन्‍ब, तलेपङ्‍सम् ङ खनचे खबल ओसेम् खन ङ्‍यीटीब बी ङत था मुब। तर एङ्‌यीमातमी हुजु तम् था अरे।

युहन्‍ना 8:42

येसुचे थेङ्‌यीमात सुङज्‍यी, “एङ्‌यीमाकी अप पर्‌मेस्‍वर् य्‍हीन्‍बल पङ्‌सम् एङ्‍यीमाचे ङत म्‍होइस्‍येल, तलेपङ्‍सम् ङ पर्‌मेस्‍वर् ग्‍यम्‍से युबल य्‍हीन्‍ब। ङ ङइ सेम्‍चे म्‍हेन्‍ज्‍यीम् युबल अय्‍हीन् तर ङत थेङ्‌चे पीत्‍युजेत्‍पल य्‍हीन्‍ब।