युहन्‍ना 16:25 - पश्‍चिम तामाङ

²⁵ “ङचे एङ्‌यीमात चु तम्‍मा अर्‌थरी पङ्‍बल मुब, तर बेलो खयम्‍बल मुब, हुजु बेलोरी ङ एङ्‌यीमात अर्‌थरी तम् पङ्‌स्‍ये अरे। तर अपइ बारेरी एङ्‍यीमाचे गोनले स्‍येत्‍स्‍ये मुब।

युहन्‍ना 16:25 ပူးပေါင်းရင်းမြစ်များ

मर्‌कुस् 4:13

ओसेम् येसुचे थेङ्‌यीमात सुङ्‌ज्‍यी, “एङ्‍यीमाचे चु तम्‍की अर्‌थ अगो? होलेपङ्‌सम् एङ्‍यीमाचे ल्‍हो-ल्‍हो तम्‍की अर्‌थ खले गोस्‍ये?

मर्‌कुस् 4:34

येसुचे म्‍हीमात अर्‌थमा ग्‍यम्‍सेकीनो लोप्‍जेत्‍ज्‍यी। तर थेङ्‌चे र्‌हङ् डबमातेङ्‌कीनो तबे बेलोरीम् हुजु तम्‍माकी अर्‌थमा गोन लजेत्‍प मुबल।

मर्‌कुस् 8:32

चोले थेङ्‌चे डबमात चु तम् गोनलजेत्‍ज्‍यी। ओसेम् पत्रुसचे थेङ्‌त ग्‍ला गीरी बोर्‌ज्‍यीम्, “चोले थसुङो” बी बराज्‍यी।

युहन्‍ना 10:24

ओसेम् यहुदी अगुवामा थेङ्‌की कोरोरो खज्‍यीम्, “थेङ्‌चे खेमसम्‍म ङ्‍यीमात थोम्‍नले थेन्‍जेत्‍प? थेङ् देमेन्‍नो मुक्‍ती न्‍हङ्‌बे ख्रीस्‍ट् य्‍हीन्‍सम् ङ्‌यीमात ज्‍यनले स्‍येत्‍जेतो” बी पङ्‍ज्‍यी।

युहन्‍ना 10:6

येसुचे चु अर्‌थ सुङ्‌जेत्‍ज्‍यी, तर थेङ्‌चे सुङ्‍बे फ्रोइ थेङ्‍यीमाचे गोअखम्।

युहन्‍ना 16:12

“ङचे एङ्‌यीमात पङ्‍थोबे तम्‍मी य्‍हक्‍कोनो मुब, तर देरे एङ्‍यीमाचे हुजु तम्‍म गोब अखम्।

युहन्‍ना 16:2

एङ्‌यीमात यहुदीमा र्‌हुब् तबे दीम्‍माचे तेत्‍लास्‍ये मुब। ओसेम् चोतेबे बेलो खस्‍ये मुब, एङ्‌यीमात सेत्‍पे म्‍हीमाचे पर्‌मेस्‍वर्‌त सेवा स्‍य्‍हेङ्‍टीब बी थेङ्‍यीमाचे म्‍हेन्‍स्‍ये मुब।

युहन्‍ना 16:32

ङ्‌येनो, एङ्‍यीमाचे ङ गीःकीनो ख्‍लेथेन्‍ज्‍यीम् एङ्‍यीमा छर्‌छुर् तज्‍यीम् र्‌हङ् र्‌हङ्‌की ग्‍यम्‍से य्‍हर्‌बे बेलो खयम्‍बल मुब, ओसेम् खज्‍यीन्‍बल मुब। तर ङ गीःकीनो तस्‍ये अरे, तलेपङ्‍सम् अप ङतेङ् बक्‍च्‍य मुब।

२ कोरीन्‍थी 4:2

ङ्‌यीमाचे पेत्‍नलबतेङ् ला-लाज्‍यीम् स्‍य्‍हेङ्‌बे अज्‍यबे लक्‍मा स्‍य्‍हेङ्‍ब पीत्‍प। ङ्‌यीमाचे लुबे लक्‍मा अस्‍य्‍हेङ्, पर्‌मेस्‍वर्‌की फ्रोइत कप्‍पतेङ् स्‍याबे लक् अस्‍य्‍हेङ्। ङ्‌यीमाचे पर्‌मेस्‍वर्‌की ङोन्‍ग्‍यम् देमेन्‍की छीःमाकीनो पङ्‍ब, ओसेम् जम्‍मनो म्‍हीमाचे म्रङ्‌खइ बी ङ्‌यीमाचे ज्‍यबे जीवन् सोब।