युहन्‍ना 16:20 - पश्‍चिम तामाङ

²⁰ ङ एङ्‌यीमात देमेन्‍नो पङ्‍ब, एङ्‍यीमा य्‍हक्‍को क्रास्‍ये मुब, तर जम्‍बुलीङ्‌की म्‍हीमाम् तङ्‌स्‍ये मुब। तर एङ्‌यीमाकी दुख लीक्‍क्‍यम्‍मी तङ्‍बरी दोःस्‍ये मुब।

युहन्‍ना 16:20 ပူးပေါင်းရင်းမြစ်များ

मत्‍ती 21:38

तर पीमा स्‍य्‍हेङ्‌बे म्‍हीमाचे न्‍याबोइ जत म्रङ्‌ब बीसेम् थेमान्‍हङ् गीचे गीत पङ्‍ज्‍यी, ‘क्‍युजुम् न्‍याबोइ ज य्‍हीन्‍ब, लो थेत सेत्‍लागे, ओसेम् थेइ सम्‍पती ङ्‌य्‍हङ्‌माल तस्‍ये मुब।’

मत्‍ती 5:4

दुखरी मुबलमा मोलम् यङ्‍बलमा य्‍हीन्‍ब, तलेपङ्‌सम् थेङ्‍यीमाचे सुख यङ्‍स्‍ये मुब!

मर्‌कुस् 14:72

पत्रुसचे होलेपङ्‍ब साच्‍चेनो देबेएनो नक व्‍हब ङ्‌य्‍हज्‍यी। ओसेम् पत्रुसत, “नक व्‍हब ङ्‍य्‍हीख्‍यप् ङ्‌य्‍हब बीम ङोन्‍ग्‍यम् एचे ङत सोम्ख्‍यप् अस्‍य्‍हे पङ्‌स्‍ये मुब” बी येसुचे सुङ्‌बल व्‍हल् खज्‍यी। ओसेम् थे छीः तेत्‍ज्‍यीम् क्राज्‍यी।

मर्‌कुस् 16:10

मरीयम ङ्‌यीज्‍यीम् येसुइ डबमात चु तम् स्‍येत्‍पीन्‍ज्‍यी। थेङ्‍यीमा दुख म्‍हन्‍दीज्‍यीम् क्राटीब मुबल।

लुका 22:45

प्रार्‌थना स्‍य्‍हेङ्‌ब बीसेम् येसु रेःज्‍यीम् डबमाज दोःखमम् थेङ्‌यीमा दुखचे प्‍ले:बल तज्‍यीम् म्‍हेर्‌टीबल मुबल।

लुका 22:62

ओसेम् पत्रुस हुजु ग्‍लाचे फीर्‌च्‍योर् ङ्‌यीज्‍यीम् य्‍हक्‍को क्राज्‍यी।

लुका 23:27

ओसेम् य्‍हक्‍को म्‍हीमा येसुइ लीप्-लीप् ङ्‌यीज्‍यी। हुजुमा न्‍हङ्‌री कुत्‍तो रब्‍ज्‍यीम् क्राबे अमकोलमाएनो मुबल।

लुका 24:17

येसुचे थेङ्‌यीमात, “एङ्‌यीमा तइ बारेरी तम् पङ्‌ज्‍यीम् ब्रटीब?” बी ङ्‌योत्‍जेत्‍मम् थेङ्‍य्‍ही छेर्‌बे लीः थोज्‍यीम् थोम्‍ले रप्‍ज्‍यी।

लुका 24:21

थेङ्‌चेनो इस्राएलीमात थर्‌नलजेत्‍प बी ङ्‌यीमाचे आस् लबल मुबल। तर थेङ्‌त क्रुस्‍री च्‍योलाबलएनो तीङ्‌यीम् सोम्‍रेत् तज्‍यी।

लुका 6:21

ओ ख्रेम्‍बलमा, एङ्‌यीमात पर्‌मेस्‍वर्‌चे मोलम् न्‍हङ्‌स्‍ये मुब! तलेपङ्‍सम् एङ्‌यीमात पर्‌मेस्‍वर्‌चे म्रेन्‍न लजेत्‍स्‍ये मुब। ओसेम् क्राबे म्‍हीमा, एङ्‌यीमात पर्‌मेस्‍वर्‌चे मोलम् न्‍हङ्‌स्‍ये मुब! तलेपङ्‍सम् एङ्‌यीमात पर्‌मेस्‍वर्‌चे ङ्‌येत्‍न लजेत्‍स्‍ये मुब!

युहन्‍ना 16:33

“एङ्‍यीमाचे ङतेङ् सान्‍ती यङ्‍खइ पङ्‍ज्‍यीम् ङचे एङ्‌यीमात चु तम्‍मा पङ्‍बल य्‍हीन्‍ब। जम्‍बुलीङ्‌री एङ्‌यीमात दुख तस्‍ये मुब, तर आर् लउ, जम्‍बुलीङ्‍त ङचे डाबल मुब।”

युहन्‍ना 16:6

ङचे एङ्‌यीमात चु तम्‍मा पङ्‍बल तज्‍यीम् एङ्‌यीमाकी सेम् दुखचे प्‍लीङ्‍बल मुब।

युहन्‍ना 20:20

ओसेम् थेङ्‌चे थेङ्‌यीमात र्‌हङ्‌की फ्‍यातेङ् रइ ङोन्‍जेत्‍ज्‍यी। ओसेम् प्रभुत म्रङ्‌ज्‍यीम् थेङ्‍यीमा य्‍हक्‍को तङ्‌ज्‍यी।

प्रेरीत् 5:41

ओसेम् प्रेरीतमा ङ्‍हच्‍छ्‌यङ् सभा ग्‍यम्‍से तङ्-तङ्‌ज्‍यीम् “पर्‌मेस्‍वर्‌चे ङ्‌य्‍हङ्‌मात येसुइ छेन्‍री दुख नाबरी जेःनलजेत्‍ज्‍यी” पङ्‍ज्‍यीम् डोङ्‍य्‍हर्‌ज्‍यी।

रोमी 5:11

चोतेकीनो अय्‍हीन्, देरेम् ङ्‍य्‍हङ्‍की प्रभु येसु ख्रीस्‍ट्‌चे ङ्‍य्‍हङ्‍मात पर्‌मेस्‍वर्‌तेङ् थुन्‍न लजेत्‍पल तज्‍यीम् ङ्‍य्‍हङ्‍मा पर्‌मेस्‍वर्‌त तोप्‍ज्‍यीम् तङ्‍ब।

२ कोरीन्‍थी 6:10

ङ्‌यीमा य्‍हक्‍को छेर्‌लेनो तङ्‍बल मुब। ङ्‌यीमा प्रङ्‍न मुलेएनो य्‍हक्‍को म्‍हीमात बीस्‍वास्‍री बरु तनलब। ङ्‌यीमातेङ् तएनो अरेबेल र्‌हङ्‍ब म्रङ्‍लेएनो ङ्‌यीमातेङ् जम्‍म स्‍हेःमा मुब।

गलाती 5:22

तर पबीत्र आत्‍माचे स्‍य्‍हेङ्‌बे लक्‍मा चुमानो य्‍हीन्‍ब- थेचे ल्‍हो-ल्‍होत म्‍होइब, थे तङ्‍ब, थे सान्‍तीरी सोब, थेचे धैर्‌य लब, थेचे दय लब, थेचे ल्‍हो-ल्‍होत ज्‍यब स्‍य्‍हेङ्‌ब, थे बीस्‍वासीलो तब,

१ थेस्‍लोनीकी 1:6

एङ्‌यीमाचेएनो ङ्‌यीमातेङ् प्रभुचे र्‌हङ्‌लेनो म्‍हीमा ग्‍यम्‍से य्‍हक्‍को दुख यङ्‍मेएनो पबीत्र आत्‍माचे न्‍हङ्‌बे सम्‍तर्‌त तङ् तङ्‌ज्‍यीम् ग्रहन् स्‍य्‍हेङ्‌ज्‍यी।

याकुब 1:2

बीस्‍वासी र्‌होमा, एङ्‌यीमात थोचे थोइ दुखमा खलेएनो य्‍हक्‍को तङो।

यहुदा 1:24

देरेम् पर्‌मेस्‍वर्‌चे एङ्‌यीमात पाप्‍री दोःब ग्‍यम्‍से जोगइतीब खम्‍जेत्‍प, ओसेम् थेङ्‌चे एङ्‌यीमात तइ दागएनो अरेनले य्‍हक्‍को तङ्‍नलजेत्‍ज्‍यीम् र्‌हङ्‍की महीमारी नोम्‍जेत्‍प।

प्रकास 11:10

थेङ्‍य्‍हीत सेत्‍पल तज्‍यीम् जम्‍बुलीङ्‌की म्‍हीमा तङ्‍स्‍ये मुब, ओसेम् गीःचे गीःत केःकमा पीन्‍ब कीन्‍ब स्‍य्‍हेङ्‍स्‍ये मुब। तलेपङ्‍सम् हुजु अगम्‍बक्‍त ङ्‍य्‍हीचे जम्‍बुलीङ्‌की म्‍हीमात य्‍हक्‍को दुख पीन्‍बल मुबल।

प्रकास 18:7

ओसेम् थेचे गदे घमन्‍डतेङ् मनमोज्‍यी लज्‍यीम् टीज्‍यी, थेत होदेनो कस्‍टतेङ् दुख पीनो। तलेपङ्‍सम् थेचे सेम्‍न्‍हङ्‌रीनो पङ्‍ब, ‘ङमी ङ्‍हच्‍छ्‍यङ् ग्‍यल्‍मो तज्‍यीम् टीबल मुब, ङ र्‌हेम्‍बो स्‍यीबे अमकोल अय्‍हीन्, ङचे खेमेएनो दुख लथोस्‍ये अरे।’