युहन्‍ना 16:17 - पश्‍चिम तामाङ

¹⁷ ओसेम् थेङ्‌की डेत् डेत् डबमाचे र्‌हङ्‌न्‍हङ्‌री गीःचे गीःत, “‘य्‍हम्‍बगी लीप्‍चे एङ्‍यीमाचे ङत म्रङ्‌स्‍ये अरे, तर य्‍हम्‍बगी लीप्‍चे देबेएनो एङ्‍यीमाचे ङत म्रङ्‌स्‍ये मुब’, ओसेम् ‘ङ अपज ङ्‍यीटीब’ बीएनो सुङ्‌ब, चु ता सुङ्‌बल य्‍हीन्‍ज्‍यी?” बी ङ्‌योत्‍ज्‍यी।

युहन्‍ना 16:17 ပူးပေါင်းရင်းမြစ်များ

मर्‌कुस् 9:10

होत्‍तज्‍यीम् थेङ्‌चे सुङ्‍बे तम् थेङ्‍यीमाचे ङ्‍येन्‍ज्‍यी। तर थेङ्‍यीमाचे र्‌हङ्‍न्‍हङ्, “स्‍यीज्‍यीम् सोब पङ्‍बलम् त य्‍हीन्‍ब?” बी तम् लज्‍यी।

मर्‌कुस् 9:32

तर डबमाचे थेङ्‌की चु फ्रोइ गोअखम्। ओसेम् थेङ्‌त ङ्‍योत्‍परीएनो थेङ्‍यीमा लोङ्‌ज्‍यी।

लुका 18:34

तर डबमा ग्‍यम्‍से चु तम्‍की अर्‌थ छुम्‍बल तज्‍यीम् थेङ्‍यीमाचे चु तम्‍मा गीःएनो अगो। ओसेम् येसुचे ता सुङ्‌टीब बी थेङ्‍यीमाचे म्‍हेन्‍बेएनो अखम्।

लुका 9:45

तर थेङ्‌चे ता सुङ्‌ब छ्‌याबल डबमाचे गोअखम्। चु तम्‍की अर्‌थ थेमाचे अगोखइ बी थेमा ग्‍यम्‍से छुम्‍बल मुबल। होत्‍तज्‍यीम् थेङ्‍यीमाचे चु तम् गोअखम्। ओसेम् थेङ्‌यीमा चु तम्‍की बारेरी येसुत ङ्‌योत्‍परी लोङ्‌ज्‍यी।

युहन्‍ना 12:16

हुजु बेलोरी येसुइ डबमाचे चु तम् अगो, तर येसु स्‍यीब ग्‍यम्‍से सोजेत्‍ज्‍यीम् महीमारी स्‍येजेत्‍प बीसेम्‍कीनो धर्‌म छ्‍येःरी ब्रीबे चु तम्, ओसेम् म्‍हीमाचे स्‍य्‍हेङ्‌बे हुजु लक्‍मा थेङ्‌की लागीरी टीम् बी गोज्‍यी।

युहन्‍ना 14:22

यहुदाचे (चुमी यहुदा इस्‍करीयोत अय्‍हीन्) थेङ्‌त पङ्‍ज्‍यी, “प्रभु, थेङ्‌चे र्‌हङ्‍त ङ्‍यीमातकीनो ङोन्‍जेत्‍प, तर जम्‍बुलीङ्‌की म्‍हीमात अय्‍हीन् बी ता सुङ्‌बल?”

युहन्‍ना 14:5

थोमाचे पङ्‍ज्‍यी, “प्रभु थेङ् खन स्‍येटीब ङ्‌यीमाचे अस्‍ये, झेन् थेङ् स्‍येबे ग्‍यम्‍मी खले स्‍येब स्‍यीम्?”

युहन्‍ना 16:1

“एङ्‍यीमाचे बीस्‍वास् स्‍य्‍हेङ्‌ब अपीत्‍खइ बी ङचे एङ्‌यीमात चु तम्‍मा पङ्‍बल य्‍हीन्‍ब।

युहन्‍ना 16:16

येसुचे डबमात सुङ्‌ज्‍यी, “य्‍हम्‍बगी लीप्‍चे एङ्‍यीमाचे ङत म्रङ्‌स्‍ये अरे। तर य्‍हम्‍बगी लीप्‍चे देबेएनो एङ्‍यीमाचे ङत म्रङ्‌स्‍ये मुब।”

युहन्‍ना 16:18

ओसेम् थेङ्‌यीमा र्‌हङ्‍न्‍हङ्, “‘चु य्‍हम्‍बगी लीप्‍चे’ बी सुङ्‌बल ता? ङ्‍य्‍हङ्‍माचेम् अगो” बी पङ्‍ज्‍यी।

युहन्‍ना 16:19

थेङ्‍यीमाचे चु तम्‍की बारेरी ङ्‍योत्‍पे सेम् लटीबल मुब पङ्‍बे तम् खेम्‍ज्‍यीम् येसुचे थेङ्‌यीमात सुङ्‌ज्‍यी, “ङचे एङ्‌यीमात, ‘य्‍हम्‍बगी लीप्‍चे एङ्‍यीमाचे ङत म्रङ्‌स्‍ये अरे। तर य्‍हम्‍बगी लीप्‍चे देबेएनो एङ्‍यीमाचे ङत म्रङ्‌स्‍ये मुब’ पङ्‍बल ता बी एङ्‍यीमा र्‌हङ्‌न्‍हङ्‌री गीःचे गीःत ङ्‍योत्‍टीब?

युहन्‍ना 16:5

“तर देरेम् ङ ङत पीत्‍युजेत्‍पलइज ङ्‍यीटीब, तर एङ्‍यीमा खल्‍चेएनो ङत, ‘थेङ् खन स्‍येटीब?’ बी अङ्‍योत्।