युहन्‍ना 15:6 - पश्‍चिम तामाङ

⁶ खल ङतेङ् अतज्‍यी थे थालाबे य्‍हर्‌ङ र्‌हङ्‌ले ख्‍लाज्‍यीम् खर्‌स्‍ये मुब, ओसेम् र्‌हुब्‍ज्‍यीम् ख्रङ्‍बरी मेन्‍हङ् ख्‍लास्‍ये मुब।

युहन्‍ना 15:6 ပူးပေါင်းရင်းမြစ်များ

मत्‍ती 13:41

म्‍हीइ जचे थेइ स्‍वर्‌गदुत्‍मात पीत्‍स्‍ये मुब, ओसेम् थेङ्‍यीमाचे पाप स्‍य्‍हेङ्‍बलमातेङ् ल्‍हो-ल्‍होत पाप स्‍य्‍हेङ्‌न लपुङ्‍बलमात थेइ य्‍हुल् ग्‍यम्‍से र्‌हुब लस्‍ये मुब।

मत्‍ती 27:5

ओसेम् यहुदाचे म्‍हुइकी डबल्‍मा पर्‌मेस्‍वर्‌की दीम्‍न्‍हङ् ख्‍लाथेन्‍ज्‍यीम् य्‍हर्‌ज्‍यी। हुजुलीप्‍चे थे र्‌हङ्‌नो च्‍योज्‍यीम् स्‍यीज्‍यी।

मत्‍ती 3:10

दोङ्‌बोइ दुङ्‌री तरीचे तम्‍य्‍हम्‍बल मुब। ओसेम् ज्‍यबे रोरो अरोबे जम्‍मनो दोङ्‌बोमा थाज्‍यीम् मेन्‍हङ् ख्‍लास्‍ये मुब।

मत्‍ती 7:19

ओसेम् ज्‍यबे रोरो अरोबे दोङ्‌बोमा जम्‍मत थाज्‍यीम् मेरी युलास्‍ये मुब।

युहन्‍ना 15:2

ङतेङ् मुज्‍यीमएनो रोरो अरोबे जम्‍मनो य्‍हर्‌ङमाम् थाज्‍यीम् ख्‍लाजेत्‍प। ओसेम् रोरो रोःबे जम्‍मनो य्‍हर्‌ङमात झेन् य्‍हक्‍को रोखइ बी छेप्‍लाब।

हीब्रु 10:27

तर चोतेबे पाप स्‍य्‍हेङ्‌बे म्‍हीमामी लोङ्-लोङ्‌ज्‍यीम् पर्‌मेस्‍वर्‌की न्‍याय ब्रेन्‍ज्‍यीम् टीथोब, तलेपङ्‌सम् थेङ्‌की बीरोद् स्‍य्‍हेङ्‌बे म्‍हीमात थेङ्‌की य्‍हक्‍को लुम्‍टीबे मेचे नास् लस्‍ये मुब।

२ पत्रुस 2:20

तर थेङ्‍यीमाचे ङ्‍य्‍हङ्‍की प्रभुतेङ् मुक्‍तीदाता येसु ख्रीस्‍ट्‍त स्‍येःज्‍यीम् जम्‍बुलीङ्‌की अज्‍यबे लक्‍मा स्‍य्‍हेङ्‍ब पीत्‍लाज्‍यीम्‍एनो देबे दोःज्‍यीम् हुजु अज्‍यबे लक्‍मा स्‍य्‍हेङ्‌ज्‍यी पङ्‌सम् थेङ्‍यीमाकी लीक्‍यम्‍की गती ङोन्‍ग्‍यम्‍ल बीमएनो झेन् अज्‍यब तब।

१ युहन्‍ना 2:19

थेङ्‍यीमा ङ्‍य्‍हङ्‍ल अय्‍हीन्‍ब मुबल, होत्‍तज्‍यीम् थेङ्‍यीमा ङ्‌य्‍हङ्‍मात ख्‍लेथेन्‍ज्‍यीम् य्‍हर्‌ज्‍यी। थेङ्‍यीमा ङ्‍य्‍हङ्‍ल य्‍हीन्‍सम् ङ्‍य्‍हङ्‍मातेङ् टीस्‍येल। ङ्‌यीमाचे ङ्‌य्‍हङ्‍मात ख्‍लेथेन्‍ज्‍यी हुजु तम्‍चे थेङ्‍यीमा ङ्‍य्‍हङ्‍ल अय्‍हीन् पङ्‍बे तम् ङोन्‍ब।

प्रकास 20:15

ओसेम् खजु म्‍हीमाकी मीन् जीवन्‍की छ्‍येःन्‍हङ् ब्रीबल अयङ् थेङ्‌यीमात हुजु लुम्‍टीबे मेइ ग्‍येन्‍हङ् ख्‍लापीत्‍ज्‍यी।

प्रकास 21:8

तर लोङ्‍बलमा, बीस्‍वास् अलबलमा, नेइबे लक् स्‍य्‍हेङ्‌बलमा, म्‍ही सेत्‍पलमा, बेस्‍य स्‍य्‍हेङ्‌बलमा, जादु ङोन्‍बलमा, ख्‍लत तेन्‍बलमातेङ् भ्‍यु पङ्‍बलमाकी ग्‍लामी लुम्‍टीबे मेतेङ् गन्‍धक्‍की ग्‍ये य्‍हीन्‍ब। हुजुरी दोःबमी दोस्रो स्‍यीब य्‍हीन्‍ब।”