युहन्‍ना 15:25 - पश्‍चिम तामाङ

²⁵ तर धर्‌म छ्‍येःरी, ‘थेङ्‍यीमाचे ङत ओलेन्‍नो अखो’ बी ब्रीबे तम् टोप तखइ बी चोले तबल य्‍हीन्‍ब।

युहन्‍ना 15:25 ပူးပေါင်းရင်းမြစ်များ

मत्‍ती 10:8

नबमात फेन्‍नलउ, स्‍यीबलमात सोनलउ, पुन् स्‍यप्‍पलमात फेन्‍नलउ, ओसेम् म्‍हङ्‍मात तेत्‍लाको। एङ्‍यीमाचे चु ओलेन्‍नो यङ्‌ज्‍यी, ओसेम् एङ्‌यीमाचेएनो ओलेनो पीन्‍थोब।

लुका 24:44

ओसेम् येसुचे थेङ्‌यीमात, “मोसाचे ब्रीबे पर्‌मेस्‍वर्‌की नीयम्‍री, अगम्‍बक्‍तमाचे ब्रीबे छ्‍येःरी ओसेम् भजनसङ्‌ग्रहरी ङइ बारेरी ब्रीबे जम्‍मा तम्‍मा पुरा तथोब बी ङ एङ्‌यीमातेङ् बक्‍च्‍या मुबे बेलोरी ङचे ङोन्‍ग्‍यम्‍नो स्‍येत्‍पल मुबल” बी सुङ्‌जेत्‍ज्‍यी।

युहन्‍ना 10:34

येसुचे थेङ्‌यीमात जोहाप् न्‍हङ्‌ज्‍यी, “पर्‌मेस्‍वर्‌चे ‘एङ्‍यीमा ख्‍लमा य्‍हीन्‍ब’ बी सुङ्‌बल एङ्‌यीमाकी धर्‌म छ्‍येरी ब्रीबल अरेउ स्‍यीम्?

युहन्‍ना 13:18

“ङचे चु एङ्‍यीमा जम्‍मइ लागीरी पङ्‍बल अय्‍हीन्, ङचे दम्‍बलमात ङचे स्‍येःब। तर धर्‌म छ्‍येःरी, ‘ङतेङ् बक्‍च्‍य चब चबे म्‍हीचे ङइ बीरोद् लज्‍यी’ बी ब्रीबे फ्रोइ टोप् तथोब।

युहन्‍ना 19:36

ओसेम् धर्‌म छ्‍येःरी, “थेङ्‌की नख्रुत् गीएनो क्‍युत्‍स्‍ये अरे” पङ्‍बे फ्रोइ टोप् तबरी चोले तज्‍यी।

रोमी 3:19

मोसाचे ब्रीबे नीयम्‍की तम् हुजु नीयम्‍की दुङ्‌री टीबे म्‍हीमाइ लागीरी ब्रीबल य्‍हीन्‍ब बी ङ्‍य्‍हङ्‍माचे स्‍येःब। होत्‍तज्‍यीम् खल्‍चेएनो तएनो पङ्‍ब खम्‍स्‍ये अरे, ओसेम् जम्‍बुलीङ्‌की जम्‍मनो म्‍हीमा दोसी ङोन्‍बरी पर्‌मेस्‍वर्‌की ङोन्‍ग्‍यम् रप्‍पुङ्‌स्‍ये मुब।

रोमी 3:24

तर पर्‌मेस्‍वर् दयलु मुब, ओसेम् थेङ्‍चे अनुग्रह स्‍य्‍हेङ्‍जेत्‍ज्‍यीम् येसु ख्रीस्‍ट् ग्‍यम्‍से म्‍हीमात ओलेन्‍नो धर्‌मी स्‍य्‍हेङ्‍पीन्‍जेत्‍ब, तलेपङ्‍सम् येसु ख्रीस्‍ट्‍चे पाप ग्‍यम्‍से म्‍हीत फेःपीन्‍जेत्‍पल मुब।

२ कोरीन्‍थी 11:7

ङचे र्‌हङ्‍त ज्‍यीद स्‍य्‍हेङ्‌ज्‍यीम् एङ्‍यीमात ङ्‍हच्‍छ्‌यङ् स्‍य्‍हेङ्‌बे लागीरी पर्‌मेस्‍वर्‌की ज्‍यबे सम्‍तर् ओलेनो स्‍येत्‍मम् ता ङचे न्‍होर्‌बे लक् स्‍य्‍हेङ्‌ज्‍यी स्‍यीम्?

गलाती 2:21

ङ पर्‌मेस्‍वर्‌की अनुग्रहत लक् अतबल अपङ्, तलेपङ्‍सम् म्‍ही मोसाचे ब्रीबे पर्‌मेस्‍वर्‌की नीयम् ङ्‌येन्‍ज्‍यीम् धर्‌मी तब खम्सम् ख्रीस्‍ट् स्‍यीजेत्‍पल स्‍यीत्‍तीरी तब।

२ थेस्‍लोनीकी 3:8

एङ्‌यीमात दुख अतखइ बी ङ्‌यीमाचे दीन् म्‍हुन्‍नो य्‍हक्‍को लक् स्‍य्‍हेङ्‌ज्‍यी। ङ्‌यीमाचे टङ अफानले खलइजएनो चब अच।

प्रकास 21:6

ओसेम् थेङ्‍चे ङत सुङ्‌ज्‍यी, “देरेम् बुत्‍ज्‍यी। ङ अल्‍फातेङ् ओमेगा य्‍हीन्‍ब, ओसेम् तीप्‍पतेङ् ज्‍युः ङनो य्‍हीन्‍ब। फीःबलमात ङचे जीवन्‍की यीइ म्रुः ग्‍यम्‍से ओलेनो थुङ्पुङ्‍स्‍ये मुब।

प्रकास 22:17

पबीत्र आत्‍मातेङ् दुलहीचे सुङ्‌जेत्‍ब, “ब्‍योन्‍खजेतो।” खल्‍चे थेःज्‍यी थेचेएनो, “ब्‍योन्‍खजेतो” बी पङ्‌खइ। खल्‍त यी फीःब हुजु खखइ, खल्‍चे सेम् लब थेचे जीवन्‍की यी ओलेन्‍नो थुङ्‍खइ।