युहन्ना 15:16 - पश्चिम तामाङ16 एङ्यीमाचे ङत दम्बल अय्हीन्, ङचे एङ्यीमात दम्ज्यी, ओसेम् एङ्यीमाचे ङ्यीज्यीम् खेम पङ्लेनो तस्यीनो टीबे रोरो रोःन लउ पङ्ज्यीम् ङचे एङ्यीमात पीत्टीब मुब। ओसेम् एङ्यीमाचे ङइ मीन्री ता र्हीत्ज्यी हुजु अपचे न्हङ्जेत्स्ये मुब। အခန်းကိုကြည့်ပါ။ |
युहन्ना 15:16
57 ပူးပေါင်းရင်းမြစ်များ
हुजु लीप्चे थेङ्यीमाचे चोले प्रार्थना स्य्हेङ्ज्यी, “प्रभु, थेङ्चे जम्मा म्हीइ सेम् खेम्जेत्प। होत्तज्यीम् चु ङ्ही न्हङ्री खल्त थेङ्चे यहुदाकी देब्री प्रेरीत् तज्यीम् लक् स्य्हेङ्बरी दम्जेत्पल मुब, हुजु ङ्यीमात ङोन्जेतो। तलेपङ्सम् यहुदाचेमी थेचे स्य्हेङ्बे लक् ख्लेथेन्ज्यी। ओसेम् थे स्यीज्यीम् थेत जेःबे ग्लारीनो ङ्यीज्यी।”
ङइ बीस्वासी र्होमा, एङ्यीमाचे चु तम् स्येको की ङ एङ्यीमात खतु लबरी य्हक्को ख्यप् खब म्हइज्यी तर देरेसम्मएनो थो गी अय्हीन् थो गीःचे लज्यीम् ङ खब अखम्। ङचे ल्हो-ल्हो ग्लारी यहुदी अय्हीन्बे म्हीमात ख्रीस्ट्री बब र्हङ्ले एङ्यीमाकी ग्लारीएनो यहुदी अय्हीन्बे म्हीमात ख्रीस्ट्री बम्यङ्खइ पङ्बे सेम् लब।
तर पर्मेस्वर्चे र्हङ्की अनुग्रह अनुसार् ङ न्हब बीम ङोन्नो ङत दम्जेत्ज्यी, ओसेम् र्हङ्की लक् स्य्हेङ्बरी ङ्होत्जेत्ज्यी। ङचे यहुदी अय्हीन्बे म्हीमात ज्यबे सम्तर् प्रचार् स्य्हेङ्ब खम्खइ बी थेङ्चे र्हङ्की ज येसु ख्रीस्ट्त ङचे स्येःन लजेत्परी थेङ् तङ्जेत्ज्यी। हुजु बेलोरी ङचे खल म्हीतेङ्एनो सल्ल कीन्बरी अङ्यी।
होत्तज्यीम् एङ्यीमा र्हङ्की बीस्वास्री य्हङ्य्होङ् अतनले कोङ्ज्यीम् टीथोब। ओसेम् एङ्यीमाचे ज्यबे सम्तर् थ्येःबे बेलोरी यङ्बे आस्त थपीतो। एङ्यीमाचे थ्येःबे चु ज्यबे सम्तर् जम्बुलीङ्की जम्मनो ग्लाकी म्हीमात स्येत्पल मुब। ओसेम् ङ पावलएनो चु ज्यबे सम्तर् स्येत्पे लक् स्य्हेङ्बे योक्पो तबल मुब।
चु ज्यबे सम्तर् एङ्यीमात स्येत्पल मुब, एङ्यीमाचे ज्यबे सम्तर् थ्येःज्यीम् पर्मेस्वर्की अनुग्रहत गोबे दीन् य्हङ्से एङ्यीमाकी गुङ्री ख्रीस्ट्त बीस्वास् स्य्हेङ्बे म्हीमा य्हक्को तस्यीनो बोर्टीब, ओसेम् पर्मेस्वर्त तङ्नलबे लक्मा स्य्हेङ्टीब, होलेनो जम्बुलीङ्की जम्मनो ग्लामारी य्हक्को तस्यीनो बोर्टीब मुब।
बीस्वास् ग्यम्से हाबीलचे पर्मेस्वर्त कयीनचे बीम य्हक्को ज्यबे ठा पीन्ज्यी। बीस्वास् ग्यम्सेनो हाबील पर्मेस्वर्की ङोन्री धर्मी तज्यी, ओसेम् थेचे पीन्बे ठा पर्मेस्वर्त सेम्री ङ्यीज्यी। थे स्यीज्यीन्बल तलेएनो थेचे स्य्हेङ्बे बीस्वास् ग्यम्सेनो दवम् सम्मएनो ङ्य्हङ्मात लोप्टीबल मुब।
ကြော်ငြာတွေ