युहन्‍ना 15:14 - पश्‍चिम तामाङ

¹⁴ ओसेम् ङचे कुल्‍बे अर्‌तीमा एङ्‍यीमाचे ङ्‍येन्‍स्‍यीनो टीज्‍यी पङ्‌सम् एङ्‌यीमा ङइ र्‌होमा य्‍हीन्‍ब।

युहन्‍ना 15:14 ပူးပေါင်းရင်းမြစ်များ

मत्‍ती 12:50

तलेपङ्‍सम् खल्‍चे ङइ स्‍वर्‌गरी मुबे अपचे पङ्‍बे तम् ङ्‍येन्‍ज्‍यी हुजुनो ङइ अले, अङ ओसेम् अम य्‍हीन्‍ब।”

लुका 12:4

ङइ र्‌होमा, ङ एङ्‌यीमात पङ्‌ब, एङ्‌यीमात सेत्‍प म्‍हइबलमातेङ् थलोङो। तलेपङ्‍सम् थेङ्‍यीमाचे ल्‍हीतकीनो सेत्‍प तर हुजु लीप्‍चे ल्‍हो-ल्‍हो तएनो स्‍य्‍हेङ् अखम्।

युहन्‍ना 13:17

एङ्‍यीमाचे चु तम्‍मा गोज्‍यीम् चु तम्‍मा र्‌हङ्‌लेनो स्‍य्‍हेङ्‌ज्‍यी पङ्‌सम् एङ्‍यीमाचे मोलम् यङ्‍स्‍ये मुब।

युहन्‍ना 14:15

“एङ्‍यीमाचे ङत म्‍होइसम् ङचे कुल्‍बे अर्‌तीमा ङ्‌येन्‍ज्‍यीम् ब्रस्‍ये मुब।

युहन्‍ना 14:21

ङचे कुल्‍बे अर्‌तीमा ङ्‌येन्‍ज्‍यीम् ब्रबलमाचे ङत म्‍होइब। ओसेम् ङत म्‍होइबलमात ङइ अपचेएनो म्‍होइजेत्‍स्‍ये मुब। ओसेम् ङचेएनो थेङ्‌यीमात म्‍हइस्‍ये मुब, ओसेम् ङचे र्‌हङ्‍त थेङ्‌यीमाज ङोन्‍स्‍ये मुब।”

युहन्‍ना 14:28

“ङचे एङ्‌यीमात ‘ङ य्‍हर्‌टीब, ओसेम् ङ दोःज्‍यीम् एङ्‍यीमाज युस्‍ये मुब’ पङ्‍बल एङ्‍यीमाचे थ्‍येःबल मुब। एङ्‍यीमाचे ङत देमेन्‍नो म्‍होइबल य्‍हीन्‍सम्, ङ अपज ङ्‌यीबतेङ् एङ्‍यीमा तङ्‌स्‍ये मुबल, तलेपङ्‍सम् ङ बीमम् अपनो ङ्‍हच्‍छ्‍यङ् मुब।

युहन्‍ना 2:5

ओसेम् येसुइ अमचे योक्‍पोमात, “एङ्‍यीमाचे येसुचे पङ्‍ब र्‌हङ्‌ले स्‍य्‍हेङो” बी पङ्‍ज्‍यी।

याकुब 2:23

धर्‌म छ्‍ये:री, “अब्रहामचे पर्‌मेस्‍वर्‌त बीस्‍वास् स्‍य्‍हेङ्‌ज्‍यी, होत्‍तज्‍यीम् पर्‌मेस्‍वर्‌चे थेत धर्‌मी म्‍ही पङ्‍ज्‍यीम् ग्रहन् स्‍य्‍हेङ्‍जेत्‍ज्‍यी” बी ब्रीबे तम् टोप तज्‍यी, ओसेम् थेत पर्‌मेस्‍वर्‌की र्‌हो पङ्‍ज्‍यी।

१ युहन्‍ना 5:3

तलेपङ्‍सम् थेङ्‌चे कुल्‍जेत्‍पे अर्‌तीमा ङ्‌येन्‍ज्‍यीम् ब्रबनो थेङ्‍त म्‍होइब य्‍हीन्‍ब। थेङ्‌चे कुल्‍जेत्‍पे अर्‌तीमा य्‍हक्‍को ल्‍हीबल अरे।