युहन्‍ना 15:13 - पश्‍चिम तामाङ

¹³ र्‌हङ्‌की र्‌होकी लागीरी र्‌हङ्‌की जीवन् पीन्‍ब बीम ङ्‍हच्‍छ्‍यङ् म्‍होइब ल्‍हो-ल्‍हो तएनो अरे।

युहन्‍ना 15:13 ပူးပေါင်းရင်းမြစ်များ

लुका 12:4

ङइ र्‌होमा, ङ एङ्‌यीमात पङ्‌ब, एङ्‌यीमात सेत्‍प म्‍हइबलमातेङ् थलोङो। तलेपङ्‍सम् थेङ्‍यीमाचे ल्‍हीतकीनो सेत्‍प तर हुजु लीप्‍चे ल्‍हो-ल्‍हो तएनो स्‍य्‍हेङ् अखम्।

युहन्‍ना 10:11

“ङ ज्‍यबे गोर्‌तेन् य्‍हीन्‍ब। ज्‍यबे गोर्‌तेन्‍चे र्‌हङ्‌की ग्‍युकी लागीरी र्‌हङ्‌की जीवन् पीन्‍बरीएनो टोप् तब।

युहन्‍ना 17:19

थेङ्‌यीमाकी र्‌हङ्‌की जीवन् थेङ्‌की देमेन् ग्‍यम्‍से पबीत्र तखइ पङ्‍ज्‍यीम् ङचे ङइ जीवन् थेङ्‍री पबीत्र स्‍य्‍हेङ्‌ब।

एफीसी 5:2

ख्रीस्‍ट्‍चे ङ्‍य्‍हङ्‍मात म्‍होइजेत्‍ज्‍यीम् ज्‍यबे थङ् खबे सङ्‍स्‍युतेङ् ठा र्‌हङ्‌ले र्‌हङ्‌तनो ङ्‍य्‍हङ्‍माकी लागीरी पर्‌मेस्‍वर्‌री सोप्‍तीजेत्‍ज्‍यी। होलेनो एङ्‌यीमाचेएनो गीःचे गीःत म्‍होइज्‍यीम् ब्रथोब।

१ युहन्‍ना 3:16

ख्रीस्‍ट्‍चे ङ्‌य्‍हङ्‌माकी लागीरी बुः न्‍हङ्‍जेत्‍ज्‍यी, चु ग्‍यम्सेनो ङ्‍य्‍हङ्‍चे म्‍होइब ता बी स्‍येःब। ओसेम् ङ्‍य्‍हङ्‍माचेएनो र्‌हङ्‍की बीस्‍वासी र्‌होमाकी लागीरी बुः पीन्‍बे सेम् थेन्‍थोब।