युहन्‍ना 14:24 - पश्‍चिम तामाङ

²⁴ ङत अम्‍होइबलमाचे ङचे पङ्‍बे तम् अङ्‍येन्। एङ्‍यीमाचे थ्‍येःबे चु तम्‍मा ङल अय्‍हीन्, तर ङत पीत्‍युजेत्‍पे अपल य्‍हीन्‍ब।

युहन्‍ना 14:24 ပူးပေါင်းရင်းမြစ်များ

मत्‍ती 19:21

येसुचे थेत सुङ्‌ज्‍यी, “ए देमेन्‍नो पर्‌मेस्‍वर्‌की ङ्‍होन्‍सङ् ज्‍यब तइ म्‍हेन्‍सम् ङ्‌यीज्‍यीम् एतेङ् मुबे जम्‍मनो स्‍य्‍हेमा चुङ्‌ज्‍यीम् प्रङ्‌नमात पीनो, ओसेम् एचे स्‍वर्‌गरी सम्‍पतीमा यङ्‍स्‍ये मुब। हुजु लीप्‍चे खज्‍यीम् ङइ लीक्‍यम् ब्रउ।”

युहन्‍ना 14:10

ङ अपतेङ् मुब, ओसेम् अप ङतेङ् मुब पङ्‍बे तम्‍त एचे बीस्‍वास् अस्‍य्‍हेङ्? एङ्‌यीमात पङ्‌टीबे तम्‍मा ङचे र्‌हङ्‌की तम् पङ्‍बल अय्‍हीन्। ङतेङ् मुबे अपचे थेङ्‌की लक् ङ ग्‍यम्‍से स्‍य्‍हेङ्‌जेत्‍प।

युहन्‍ना 14:15

“एङ्‍यीमाचे ङत म्‍होइसम् ङचे कुल्‍बे अर्‌तीमा ङ्‌येन्‍ज्‍यीम् ब्रस्‍ये मुब।

युहन्‍ना 14:25

“ङ एङ्‌यीमातेङ् बक्‍च्‍य मुबे बेलोरीनो ङचे चु तम्‍मा पङ्‍बल मुब।

युहन्‍ना 3:11

ङ एत देमेन्‍नो पङ्‍ब, ङ्‌यीमाचे ता स्‍येःज्‍यी हुजुनो पङ्‍ब, ओसेम् ङ्‌यीमाचे ता म्रङ्‍ज्‍यी हुजुनो स्‍येत्‍प। तर एङ्‍यीमाम् ङ्‌यीमाचे पङ्‍बे तम्‍मात पतइअती।

युहन्‍ना 3:34

पर्‌मेस्‍वर्‌चे पीत्‍युजेत्‍पलचे पर्‌मेस्‍वर्‌की फ्रोइनो सुङ्‌ब, तलेपङ्‍सम् पर्‌मेस्‍वर्‌चे थेङ्‌त पबीत्र आत्‍मा दप्‍ज्‍यीम् अय्‍हीन् अदब्‍नले न्‍हङ्‌बल मुब।

युहन्‍ना 5:19

होत्‍तज्‍यीम् येसुचे थेङ्‌यीमात सुङ्‌ज्‍यी, “देमेन्‍नो ङ एङ्‌यीमात पङ्‌ब, जचे र्‌हङ्‌चेनो तएनो स्‍य्‍हेङ्‌ब अखम्, तर अपचे ता स्‍य्‍हेङ्‌जेत्‍पल म्रङ्‌ज्‍यी हुजुकीनो स्‍य्‍हेङ्‌ब, तलेपङ्‍सम् अपचे ता स्‍य्‍हेङ्‌जेत्‍ज्‍यी, जचे हुजुनो स्‍य्‍हेङ्‌ब।

युहन्‍ना 5:38

एङ्‍यीमाचे थेङ्‌की फ्रोइ सेम्‍री थेन्‍बल अरे, तलेपङ्‍सम् थेङ्‌चे पीत्‍युजेत्‍पे म्‍हीत एङ्‍यीमाचे बीस्‍वास् अस्‍हेङ्।

युहन्‍ना 7:16

येसुचे थेङ्‌यीमात जोहब् न्‍हङ्‌ज्‍यी, “ङचे एङ्‌यीमात लोप्‍पे तम् ङइल अय्‍हीन्, तर ङत पीत्‍युजेत्‍पे पर्‌मेस्‍वर् ग्‍यम्‍से य्‍हीन्‍ब।

युहन्‍ना 7:28

ओसेम् येसुचे पर्‌मेस्‍वर्‌की दीम्‍री लोप्‍जेत्‍टीबे बेलोरी केत् ङ्‍य्‍हच्‍छ्‍यङ् तेत्‍जेत्‍ज्‍यीम् सुङ्‌ज्‍यी, “एङ्‍यीमाचे ङत स्‍येःब, ओसेम् ङ खनचे खबल बीएनो स्‍येःब। तर ङ र्‌हङ्‌नो खबल अय्‍हीन्, खल्‍चे ङत पीत्‍युजेत्‍ज्‍यी थेङ् देमेन् य्‍हीन्‍ब। एङ्‍यीमाचे थेङ्‌त स्‍येःबल अरे,

युहन्‍ना 8:26

ङचे एङ्‌यीमाइ बारेरी पङ्‍थोबतेङ् न्‍याय स्‍य्‍हेङ्‌थोबे तम्‍मी य्‍हक्‍को मुब, तर ङत पीत्‍युजेत्‍पल देमेन् मुब, ओसेम् ङचे थेङ् ग्‍यम्‍से ता थ्‍येःज्‍यी हुजु तम्‍नो जम्‍बुलीङ्‌री स्‍येत्‍प।”

युहन्‍ना 8:28

होत्‍तज्‍यीम् येसुचे थेङ्‌यीमात सुङ्‌ज्‍यी, “एङ्‍यीमाचे म्‍हीइ जत क्रुस्‍री च्‍योलाब बीसेम्‍कीनो हुजु ङनो य्‍हीन्‍ब बी स्‍येस्‍ये मुब, ओसेम् ङ ङइ सेम्‍चे म्‍हेन्‍ब र्‌हङ्‌ले तएनो अस्‍य्‍हेङ्, तर अपचे ङत लोप्‍जेत्‍पे तम्‍कीनो पङ्‍ब बी एङ्‍यीमाचे स्‍येःस्‍ये मुब।

युहन्‍ना 8:38

ङचेम् ङ ङइ अपतेङ् मुबे बेलोरी म्रङ्‌बे तम्‍मा स्‍येत्‍प। तर एङ्‍यीमाचेम् एङ्‌यीमाकी अप ग्‍यम्‍से थ्‍येःबे लक्‍मा स्‍य्‍हेङ्‌ब।”

युहन्‍ना 8:42

येसुचे थेङ्‌यीमात सुङज्‍यी, “एङ्‌यीमाकी अप पर्‌मेस्‍वर् य्‍हीन्‍बल पङ्‌सम् एङ्‍यीमाचे ङत म्‍होइस्‍येल, तलेपङ्‍सम् ङ पर्‌मेस्‍वर् ग्‍यम्‍से युबल य्‍हीन्‍ब। ङ ङइ सेम्‍चे म्‍हेन्‍ज्‍यीम् युबल अय्‍हीन् तर ङत थेङ्‌चे पीत्‍युजेत्‍पल य्‍हीन्‍ब।