युहन्‍ना 14:11 - पश्‍चिम तामाङ

¹¹ ङ अपतेङ् मुब, ओसेम् अप ङतेङ् मुब, पङ्‍बे तम्‍त बीस्‍वास् स्‍य्‍हेङो। अय्‍हीन् पङ्‌सम् ङचे स्‍य्‍हेङ्‌बे लक्‍मा च्‍याज्‍यीम् बीस्‍वास् स्‍य्‍हेङो।

युहन्‍ना 14:11 ပူးပေါင်းရင်းမြစ်များ

युहन्‍ना 10:25

येसुचे थेङ्‌यीमात जोहाप् न्‍हङ्‌ज्‍यी, “ङचे एङ्‌यीमात पङ्‍ज्‍यीन्‍ज्‍यी, तर एङ्‍यीमाचे ङत बीस्‍वास् अस्‍य्‍हेङ्। ङचे अपइ छेन्‍री स्‍य्‍हेङ्‌बे लक्‍मा ग्‍यम्सेनो ङ खल बी ङोन्‍ब।

युहन्‍ना 10:32

तर येसुचे थेङ्‌यीमात सुङ्‌ज्‍यी, “अपचे ङत स्‍य्‍हेङो बी सुङ्‍बे ज्‍यबे लक्‍मा ङचे एङ्‌यीमाकी ङोन्‍ग्‍यम् य्‍हक्‍कोनो स्‍य्‍हेङ्‌ज्‍यी। हुजु लक्‍मा न्‍हङ्‌री खजु लक्‍की लागीरी एङ्‍यीमाचे ङत युङ्‌ब प्रुङ्‍ब म्‍हइबल?”

युहन्‍ना 10:38

तर ङचे स्‍य्‍हेङ्‌बे लक् पर्‌मेस्‍वर् अप ग्‍यम्‍से य्‍हीन्‍सम्, ङत बीस्‍वास् अस्‍य्‍हेङ्‍लेनो, ङचे स्‍य्‍हेङ्‌बे चु लक्‍मात बीस्‍वास् स्‍य्‍हेङो। ओसेम् अप ङतेङ् मुब, ङ अपतेङ् मुब पङ्‍बे तम् एङ्‍यीमाचे स्‍येस्‍ये मुब।”

युहन्‍ना 14:10

ङ अपतेङ् मुब, ओसेम् अप ङतेङ् मुब पङ्‍बे तम्‍त एचे बीस्‍वास् अस्‍य्‍हेङ्? एङ्‌यीमात पङ्‌टीबे तम्‍मा ङचे र्‌हङ्‌की तम् पङ्‍बल अय्‍हीन्। ङतेङ् मुबे अपचे थेङ्‌की लक् ङ ग्‍यम्‍से स्‍य्‍हेङ्‌जेत्‍प।

युहन्‍ना 14:20

हुजु बेलोरी एङ्‍यीमाचे ङ अपतेङ्, ओसेम् एङ्‍यीमा ङतेङ्, ओसेम् ङ एङ्‌यीमातेङ् मुब पङ्‍बे तम् गोस्‍ये मुब।

युहन्‍ना 5:36

“तर युहन्‍नाल बीमएनो ङ्‌हच्‍छ्‌यङ् गवाही ङतेङ् मुब। ङइ अपचे ङत स्‍य्‍हेङ्‌बरी कुल्‍बे लक्‍मा ङचे स्‍य्‍हेङ्‍टीबल मुब, ओसेम् हुजु लक्‍माचेनो ङत अपचे पीत्‍युजेत्‍पल य्‍हीन्‍ब पङ्‌ज्‍यीम् गवाही पीन्‍ब।

प्रेरीत् 2:22

“ओ इस्राएलकी म्‍हीमा एङ्‍यीमाचे चु तम्‍एनो ङ्‌येनो। पर्‌मेस्‍वर्‌चे येसु ग्‍यम्‍से एङ्‌यीमाकी गुङ्‍री ङ्‍हच्‍छ्‍यङ्-ङ्‍हच्‍छ्‍यङ् लक्‍माकी तेङेन्‍की चीनोमा ङोन्‍जेत्‍पल एङ्‍यीमाचे स्‍येबलनो मुब। हुजु चीनोमा ग्‍यम्सेनो नासरतकी येसुत पर्‌मेस्‍वर्‌चेनो पीत्‍युजेत्‍पल य्‍हीन्‍ब बी ङोन्‍बल मुब।

हीब्रु 2:4

ओसेम् पर्‌मेस्‍वर्‌चेएनो चीन्‍हमा ङोन्‍जेत्‍ज्‍यीम्, य्‍हक्‍को थोइ अचम्‍मइ लक्‍तेङ् सक्‍तीसाली लक्‍मा स्‍य्‍हेङ्‍जेत्‍ज्‍यीम्, ओसेम् र्‌हङ्‍की थुः अनुसार् पबीत्र आत्‍माइ बर्‌दान्‍मात जुपीन्‍जेत्‍ज्‍यीम् चु मुक्‍तीत देमेन् बी साक्षी न्‍हङ्‍जेत्‍ज्‍यी।