युहन्‍ना 13:37 - पश्‍चिम तामाङ

³⁷ पत्रुसचे थेङ्‌त पङ्‍ज्‍यी, “प्रभु, ङ देरे थेङ्‌की लीप्‍चे तले खब अखम् स्‍यीम्? ङ थेङ्‌की लागीरी ङइ बुः पीन्‍ब खम्‍ब।”

युहन्‍ना 13:37 ပူးပေါင်းရင်းမြစ်များ

मर्‌कुस् 10:39

थेङ्‍यीमाचे “ङ्‌यीमाचे खम्‍ब” पङ्‍ज्‍यी। ओसेम् येसुचे थेङ्‌यीमात सुङ्‌ज्‍यी, “देमेन्‍नो ङ्‍चे नाथोबे दुख एङ्‌यीमाचेएनो नास्‍ये मुब। ओसेम् ङचे कीन्‍थोबे बप्‍तीस्‍मा एङ्‌यीमाचेएनो कीन्‍स्‍ये मुब।

युहन्‍ना 21:15

थेङ्‍यीमाचे चब बीसेम् येसुचे सीमोन् पत्रुसत सुङ्‌ज्‍यी, “युहन्‍नाइ ज सीमोन्, ता एचे ङत ल्‍हो-ल्‍हो डबमाचे म्‍होइब बीम य्‍हक्‍को म्‍होइब?” थेचे पङ्‍ज्‍यी, “य्‍हीन्‍ब प्रभु, थेङ्‌चे खेम्‍जेत्‍प, ङ थेङ्‌त य्‍हक्‍को म्‍होइब।” येसुचे थेत सुङ्‌ज्‍यी, “होलेपङ्‌सम् ङइ ग्‍यु कोलमात ख्‍वाको।”

प्रेरीत् 20:24

तर ङ ङइ जीवन ङइ लागीरी तइ सेइलएनो अम्‍हेन्। ङचे चोदेकीनो म्‍हेन्‍ब की ङत प्रभु येसुचे स्‍य्‍हेङो बी न्‍हङ्‌जेत्‍पे पर्‌मेस्‍वर्‌की अनुग्रहइ ज्‍यबे सम्‍तर् स्‍येत्‍पे लक् टोप् लब खम्‍खइ।

प्रेरीत् 21:13

तर पावलचे, “एङ्‍यीमा तले क्राज्‍यीम् ङइ सेम् टङ्‍नलब? तलेपङ्‍सम् जेल्‍री च्‍युप्‍परीकीनो अय्‍हीन्, तर ङ यरुसलेमरी प्रभु येसुइ लागीरी स्‍यीबरीएनो तयार मुब” बी पङ्‍ज्‍यी।