युहन्‍ना 13:33 - पश्‍चिम तामाङ

³³ “ङइ कोलमा, देरेम् ङ य्‍हम्‍बगीकीनो एङ्‌यीमातेङ् तस्‍ये मुब। एङ्‍यीमाचे ङत म्‍हइस्‍ये मुब, तर ङचे यहुदी अगुवामात पङ्‍ब र्‌हङ्‌लेनो ङ एङ्‍यीमातएनो पङ्‍ब, ङ ङ्‍यीटीबे ग्‍लारी, एङ्‍यीमा खब अखम्।

युहन्‍ना 13:33 ပူးပေါင်းရင်းမြစ်များ

युहन्‍ना 13:36

ओसेम् सीमोन पत्रुसचे येसुत, “प्रभु, थेङ् खन स्‍येजेत्‍टीब?” बी ङ्‌योत्‍ज्‍यी। येसुचे जोहब् न्‍हङ्‌ज्‍यी, “ङ खन ङ्‍यीटीब, हुजुरी देरे ए ङइ लीप् लीप् खब अखम्, तर लीक्‍क्‍यम्‍मी ङइ लीप्‍चे खब खम्‍स्‍ये मुब।”

युहन्‍ना 14:19

देरेम् य्‍हम्‍बगी लीप्‍चे जम्‍बुलीङ्‌की म्‍हीमाचे ङत दोज्‍यीम् खेमेएनो म्रङ्‌स्‍ये अरे, तर एङ्‍यीमाचेम् ङत म्रङ्‌स्‍ये मुब। ङ सोम्‍बो तबल तज्‍यीम् एङ्‌यीमाएनो सोम्‍बो तस्‍ये मुब।

युहन्‍ना 14:2

ङइ अपइ दीम्‍री टीबे ग्‍लामा य्‍हक्‍को मुब। होले अरेबल य्‍हीन्‍सम् ङचे ङ एङ्‌यीमाकी लागीरी ग्‍ला टोप् लबरी ङ्‍यीटीब बी पङ्‌स्‍ये अरेबल।

युहन्‍ना 7:36

थेचे, ‘एङ्‍यीमाचे ङत म्‍हइस्‍ये मुब, तर ङत यङ्‍स्‍ये अरे, ओसेम् ङ ङ्‍यीस्‍येकी ग्‍लारी एङ्‍यीमा खब खम्‍स्‍ये अरे’ बी पङ्‍बल ता य्‍हीन्‍ब?”

गलाती 4:19

ङइ ज्‍यीद कोलमा, एङ्‍यीमा ख्रीस्‍ट्‍की स्‍वभाब थोःज्‍यीम् अब्रगदे सम्‍म कोल न्‍हबरी ल्‍हङ्‍दु खबतेङ् तब र्‌हङ्‍बे दुख ङत तस्‍यीनो टीब।

१ युहन्‍ना 2:1

ङइ कोलमा र्‌हङ्‍बे म्‍होइबे र्‌होमा एङ्‍यीमाचे पाप अस्‍य्‍हेङ्‍खइ पङ्‍ज्‍यीम् ङ एङ्‌यीमात चु तम्‍मा ब्रीटीब। तर खल्‍चे पङ्‌लेनो पाप स्‍य्‍हेङ्‍लएनो ङ्‍य्‍हङ्‍की लागीरी पर्‌मेस्‍वर् अपतेङ् तम् लपीन्‍जेत्‍पल गीः ङ्‍य्‍हङ्‍मातेङ् मुब, थेङ् धार्‌मीक् येसु ख्रीस्‍ट् य्‍हीन्‍ब।

१ युहन्‍ना 4:4

तर म्‍होइबे कोलमा, एङ्‍यीमाम् पर्‌मेस्‍वर्‌ल य्‍हीन्‍ब, एङ्‍यीमाम् भ्‍युकी अगम्‍बक्‍तमातेङ् डाबल मुब, तलेपङ्‍सम् एङ्‍यीमातेङ् मुबे पबीत्र आत्‍माम् जम्‍बुलीङ्‌री म्‍हीमातेङ् मुबे आत्‍मा बीम य्‍हक्‍को सक्‍तीसाली मुब।

१ युहन्‍ना 5:21

म्‍होइबे कोलमा, एङ्‍यीमा ख्‍लमा ग्‍यम्‍से फेःज्‍यीम् टीउ।