युहन्‍ना 13:17 - पश्‍चिम तामाङ

¹⁷ एङ्‍यीमाचे चु तम्‍मा गोज्‍यीम् चु तम्‍मा र्‌हङ्‌लेनो स्‍य्‍हेङ्‌ज्‍यी पङ्‌सम् एङ्‍यीमाचे मोलम् यङ्‍स्‍ये मुब।

युहन्‍ना 13:17 ပူးပေါင်းရင်းမြစ်များ

मत्‍ती 12:50

तलेपङ्‍सम् खल्‍चे ङइ स्‍वर्‌गरी मुबे अपचे पङ्‍बे तम् ङ्‍येन्‍ज्‍यी हुजुनो ङइ अले, अङ ओसेम् अम य्‍हीन्‍ब।”

लुका 11:28

तर थेङ्‌चे सुङ्‌ज्‍यी, “बरु खल्‍चे पर्‌मेस्‍वर्‌की फ्रोइ ङ्‌येन्‍ज्‍यीम् ब्रब, हुजुचे य्‍हक्‍को मोलम् यङ्‌ब।”

युहन्‍ना 15:14

ओसेम् ङचे कुल्‍बे अर्‌तीमा एङ्‍यीमाचे ङ्‍येन्‍स्‍यीनो टीज्‍यी पङ्‌सम् एङ्‌यीमा ङइ र्‌होमा य्‍हीन्‍ब।

रोमी 2:13

तलेपङ्‍सम् मोसाचे ब्रीबे नीयम् थ्‍येःकीनो थ्‍येःबलमा पर्‌मेस्‍वर्‌की ङोन्‍री धर्‌मी अत, तर मोसाचे ब्रीबे नीयम् ङ्‌येन्‍ज्‍यीम् ब्रबे म्‍हीमा धर्‌मी तस्‍ये मुब।

गलाती 5:6

तलेपङ्‍सम् ङ्‍य्‍हङ्‍माचे येसु ख्रीस्‍ट्‍त बीस्‍वास् लब बीसेम् खतन स्‍य्‍हेङ्‌लेनो अस्‍य्‍हेङ्‍लेनो तएनो अत। तर तोबे तम्‍मी चु य्‍हीन्‍ब, ङ्‍य्‍हङ्‍माकी बीस्‍वास्‍चे लज्‍यीम् ङ्‍य्‍हङ्‍माचे ल्‍हो-ल्‍होमात म्‍होइब।

याकुब 1:25

तर एङ्‍यीमाचेम् म्‍हीमात पाप ग्‍यम्‍से फे:पीन्‍बे सीद्‍द नीयम्‍त ज्‍यनले ङ्‌येन्‍ज्‍यीम् एङ्‍यीमाचे थ्‍येःबे हुजु नीयम्‍त म्‍लेत्‍प अय्‍हीन्, तर नीयम अनुसार ब्रसम् पर्‌मेस्‍वर्‌चे एङ्‌यीमात मोलम् न्‍हङ्‌जेत्स्‍ये मुब।

याकुब 4:17

होत्‍तज्‍यीम् खल्‍चे ज्‍यब स्‍य्‍हेङ्‍थो:ब बी स्‍येज्‍यीमएनो अस्‍य्‍हेङ् थेचे पाप स्‍य्‍हेङ्‌ब।

प्रकास 22:14

र्‌हङ्‍की येन् ख्रुज्‍यीम् ज्‍यनले थेन्‍बलमा मोलम् यङ्‍बलमा य्‍हीन्‍ब। थेङ्‍यीमाचे हुजु सहर्‌की म्रप् ग्‍यम्‍से न्‍हङ्‍री वङ्‌म्‍यङ्‍स्‍ये मुब ओसेम् जीवन्‍की दोङ्‌बोइ रोःरो ग्‍यम्‍चे चबे हक् यङ्‍स्‍ये मुब।