युहन्‍ना 12:5 - पश्‍चिम तामाङ

⁵ “चु य्‍हक्‍को ज्‍यबे थङ्‍ खबे म्‍हङ्‍गो छ्‍युगु मन सोम् म्‍हुइकी डबल्‍री चुङ्‌ज्‍यीम् प्रङ्‌नमात पीन्‍सम् तस्‍येल, अय्‍हीनो स्‍यीम्?”

युहन्‍ना 12:5 ပူးပေါင်းရင်းမြစ်များ

मत्‍ती 18:28

“तर हुजु योक्‍पो डोङ्‍ज्‍यीम् य्‍हर्‌बे बेलोरी थेचे थेतेङ् बक्‍च्‍य लक् स्‍य्‍हेङ्‌बे योक्‍पो गीः दोज्‍यी। हुजुचे थेत मन्‍नङ् म्‍हुइकी पइस छ्‍ये फाथोब मुबल। थेचे हुजुत खार ङ्‍य्‍हेप्‍ज्‍यीम्, ‘एचे ङइ फाथोबे छ्‍ये ग्‍योन् फाको’ बी पङ्‍ज्‍यी।

मत्‍ती 20:2

थेचे नङ्‍बोमात, ‘दीन् गीःकी म्‍हेल म्‍हुइकी टङ डबल् गीः पीन्‍ल’ पङ्‍ज्‍यीम् अङ्‌गुरकी म्रङ्‌री लक् स्‍य्‍हेङ्‌बरी पीत्‍ज्‍यी।

लुका 12:33

एङ्‌यीमातेङ् मुबे स्‍हेःमा चुङ्‌ज्‍यीम् खबे टङ प्रङ्‌नमात पीनो ओसेम् र्‌हङ्‌की लागीरी खेमेनो अडेःबे सुर्‌केनी डुब्‍ज्‍यीम् खेमेनो अन्‍होङ्‍बे टङ स्‍वर्‌गरी र्‌हुब लो। हुजुरी य्‍होएनो अख, बुलुङ्‌चेएनो अच।

लुका 18:22

येसुचे थेइ तम् थेःज्‍यीम्, “एचे दवम् लक् गीः स्‍य्‍हेङ्‌थोस्‍ये मुब। एतेङ् मुबे जम्‍मा स्‍हेमा चुङ्‌ज्‍यीम् प्रङ्‌नमात पीनो। एचे स्‍वर्‌गरी स्‍हेमा यङ्‌स्‍ये मुब। ओसेम् खज्‍यीम् ङइ लीप्‍चे ब्रउ” बी सुङ्‌ज्‍यी।

लुका 6:41

“र्‌हङ्‌की अलेइ गोरी स्‍येत् ब्रब म्रङ्‌ब्‍लचे र्‌हङ्‌की गोरी मइ ब्रब खले अम्रङ्‌ब?

युहन्‍ना 12:4

तर थेङ्‌की डबमा न्‍हङ्‌की डब गी, लीक्‍यम् येसुत चुङ्‍न लपीन्‍स्‍येकी डब यहुदा स्‍करीयोतचे पङ्‍ज्‍यी,

युहन्‍ना 12:6

थेचे प्रङ्‌नमात म्‍होइबल तज्‍यीम् चोले पङ्‍बल अय्‍हीन्, तर थे य्‍हो तज्‍यीम् चोले पङ्‍बल मुबल। टङइ गल्‍द थेचे नाब मुबल, ओसेम् थेचे हुजु गल्‍द ग्‍यम्‍से टङ य्‍हो लब मुबल।

युहन्‍ना 13:29

यहुदातेङ् टङइ गल्‍द मुबल तज्‍यीम् पर्‌ब म्‍हन्‍दीबरी तोःबे स्‍हेःमा ग्‍लुउ बी येसुचे सुङ्‌बल य्‍हीन्‍स्‍यीन बी थेङ्‍यीमा न्‍हङ्‌री डेत्-डेत्चे म्‍हेन्‍ज्‍यी, ओसेम् डेत्-डेत्‍चेम् प्रङ्‌नमात टङ पीन्‍बरी पीत्‍पल य्‍हीन्‍स्‍यीन बी म्‍हेन्‍ज्‍यी।

युहन्‍ना 6:7

फीलीपचे पङ्‌ज्‍यी, “जम्‍मतनो ग्‍येङ् चेक-चेक्‍कीनो पीन्‍लेएनो मन ङ्‌ही म्‍हुइकी टङचेएनो ग्‍लुबरी योस्‍ये अरे।”