युहन्‍ना 12:49 - पश्‍चिम तामाङ

⁴⁹ तलेपङ्‍सम् ङचे ङइ तम् पङ्‍बल अय्‍हीन्, तर ङत पीत्‍युजेत्‍पे अपचेनो ङचे पङबे जम्‍मनो तम्‍मा पङो बी कुल्‍जेत्‍पल य्‍हीन्‍ब।

युहन्‍ना 12:49 ပူးပေါင်းရင်းမြစ်များ

युहन्‍ना 14:10

ङ अपतेङ् मुब, ओसेम् अप ङतेङ् मुब पङ्‍बे तम्‍त एचे बीस्‍वास् अस्‍य्‍हेङ्? एङ्‌यीमात पङ्‌टीबे तम्‍मा ङचे र्‌हङ्‌की तम् पङ्‍बल अय्‍हीन्। ङतेङ् मुबे अपचे थेङ्‌की लक् ङ ग्‍यम्‍से स्‍य्‍हेङ्‌जेत्‍प।

युहन्‍ना 14:24

ङत अम्‍होइबलमाचे ङचे पङ्‍बे तम् अङ्‍येन्। एङ्‍यीमाचे थ्‍येःबे चु तम्‍मा ङल अय्‍हीन्, तर ङत पीत्‍युजेत्‍पे अपल य्‍हीन्‍ब।

युहन्‍ना 14:31

तर जम्‍बुलीङ्‌की जम्‍मनो म्‍हीमाचे ङचे अपत म्‍होइब पङ्‍बे तम् स्‍येखइ बी थेङ्‌चे कुल्‍जेत्‍प र्‌हङ्‌लेनो ङ स्‍य्‍हेङ्‌ब। ब्रे, ङ्‍य्‍हङ्‍मा चु ग्‍लासे य्‍हर्‌के।”

युहन्‍ना 15:15

देरे य्‍हङ्‍से ङ एङ्‌यीमात योक्‍पोमा अपङ्, तलेपङ्‍सम् योक्‍पोमाचे थेङ्‍यीमाइ न्‍याबोचे ता स्‍य्‍हेङ्‌ब थेङ्‍यीमाचे स्‍येबल अत। ङमी एङ्‌यीमात र्‌होमा पङ्‍ब, तलेपङ्‍सम् ङचे ङइ अप ग्‍यम्‍से थ्‍येःबे जम्‍मनो तम्‍मा एङ्‌यीमात स्‍येत्‍पीन्‍बल मुब।

युहन्‍ना 17:8

तलेपङ्‍सम् थेङ्‌चे ङत न्‍हङ्‍जेत्‍पे सम्‍तर् ङचे थेङ्‌यीमात पीन्‍बल मुब, ओसेम् थेङ्‍यीमाचे स्‍वीकार् लबल मुब। देरेम् थेङ्‍यीमाचे ङ थेङ् ग्‍यम्‍से युबल बी स्‍येबल मुब, ओसेम् थेङ्‌चेनो ङत पीत्‍युजेत्‍पल पङ्‍ज्‍यीम् थेङ्‍यीमाचे बीस्‍वास् स्‍य्‍हेङ्‌बल मुब।

युहन्‍ना 3:11

ङ एत देमेन्‍नो पङ्‍ब, ङ्‌यीमाचे ता स्‍येःज्‍यी हुजुनो पङ्‍ब, ओसेम् ङ्‌यीमाचे ता म्रङ्‍ज्‍यी हुजुनो स्‍येत्‍प। तर एङ्‍यीमाम् ङ्‌यीमाचे पङ्‍बे तम्‍मात पतइअती।

युहन्‍ना 3:32

थेङ्‌चे र्‌हङ्‌चे म्रङ्‍जेत्‍पलतेङ् सेन्‍जेत्‍पे तम्‍मानो सुङ्‌ब, होलेतलेनो थेङ्‌चे सुङ्‍बे तम्‍त खल्‍चेएनो बीस्‍वास् अल।

युहन्‍ना 5:19

होत्‍तज्‍यीम् येसुचे थेङ्‌यीमात सुङ्‌ज्‍यी, “देमेन्‍नो ङ एङ्‌यीमात पङ्‌ब, जचे र्‌हङ्‌चेनो तएनो स्‍य्‍हेङ्‌ब अखम्, तर अपचे ता स्‍य्‍हेङ्‌जेत्‍पल म्रङ्‌ज्‍यी हुजुकीनो स्‍य्‍हेङ्‌ब, तलेपङ्‍सम् अपचे ता स्‍य्‍हेङ्‌जेत्‍ज्‍यी, जचे हुजुनो स्‍य्‍हेङ्‌ब।

युहन्‍ना 5:30

“ङ र्‌हङ्‌चेनोम् तएनो स्‍य्‍हेङ्‌ब अखम्। पर्‌मेस्‍वर्‌चे ङत खले सुङ्‌ज्‍यी होलेनो न्‍याय स्‍य्‍हेङ्‌ब। होत्‍तज्‍यीम् ङचे स्‍य्‍हेङ्‌बे न्‍याय देमेन् तब, तलेपङ्‍सम् ङ र्‌हङ्‌चे म्‍हेन्‍ब र्‌हङ्‌ले अय्‍हीन्, तर ङत पीत्‍युजेत्‍पे अपचे थुः लजेत्‍प र्‌हङ्‌ले स्‍य्‍हेङ्‌ब।

युहन्‍ना 6:68

सीमोन पत्रुसचे पङ्‍ज्‍यी, “प्रभु, ङ्‌यीमा खन, खलइज ङ्‍यीब? खेमेएनो अबेबे जीवन् यङ्‌बे फ्रोइ थेङ्‌तेङ् मुब।

युहन्‍ना 7:16

येसुचे थेङ्‌यीमात जोहब् न्‍हङ्‌ज्‍यी, “ङचे एङ्‌यीमात लोप्‍पे तम् ङइल अय्‍हीन्, तर ङत पीत्‍युजेत्‍पे पर्‌मेस्‍वर् ग्‍यम्‍से य्‍हीन्‍ब।

युहन्‍ना 8:26

ङचे एङ्‌यीमाइ बारेरी पङ्‍थोबतेङ् न्‍याय स्‍य्‍हेङ्‌थोबे तम्‍मी य्‍हक्‍को मुब, तर ङत पीत्‍युजेत्‍पल देमेन् मुब, ओसेम् ङचे थेङ् ग्‍यम्‍से ता थ्‍येःज्‍यी हुजु तम्‍नो जम्‍बुलीङ्‌री स्‍येत्‍प।”

युहन्‍ना 8:28

होत्‍तज्‍यीम् येसुचे थेङ्‌यीमात सुङ्‌ज्‍यी, “एङ्‍यीमाचे म्‍हीइ जत क्रुस्‍री च्‍योलाब बीसेम्‍कीनो हुजु ङनो य्‍हीन्‍ब बी स्‍येस्‍ये मुब, ओसेम् ङ ङइ सेम्‍चे म्‍हेन्‍ब र्‌हङ्‌ले तएनो अस्‍य्‍हेङ्, तर अपचे ङत लोप्‍जेत्‍पे तम्‍कीनो पङ्‍ब बी एङ्‍यीमाचे स्‍येःस्‍ये मुब।

युहन्‍ना 8:42

येसुचे थेङ्‌यीमात सुङज्‍यी, “एङ्‌यीमाकी अप पर्‌मेस्‍वर् य्‍हीन्‍बल पङ्‌सम् एङ्‍यीमाचे ङत म्‍होइस्‍येल, तलेपङ्‍सम् ङ पर्‌मेस्‍वर् ग्‍यम्‍से युबल य्‍हीन्‍ब। ङ ङइ सेम्‍चे म्‍हेन्‍ज्‍यीम् युबल अय्‍हीन् तर ङत थेङ्‌चे पीत्‍युजेत्‍पल य्‍हीन्‍ब।

प्रकास 1:1

चु छ्‍येःकी तम्‍मा येसु ख्रीस्‍ट्‍चे ङोन्‍जेत्‍पल य्‍हीन्‍ब। पर्‌मेस्‍वर्‌चे र्‌हङ्‍की योक्‍पोमात ग्‍योःनेनो तखस्‍येकी तम्‍मा ङोन्‍बरी येसुत चु जम्‍मनो तम्‍मा न्‍हङ्‌जेत्‍पल मुबल। येसुचे चु तम्‍मा स्‍येत्‍परी स्‍वर्‌गदुत् गीःत र्‌हङ्‍की योक्‍पो युहन्‍नाज पीत्‍जेत्‍ज्‍यी।