2 थेङ्यीमाचे हुजुरी येसुइ लागीरी ङ्येसेकी स्येब स्य्हेङ्ज्यी। ओसेम् मार्थचे स्य्हेब क्योङ्बे लक् स्य्हेङ्टीब मुबल, ओसेम् लाजरसमी येसुतेङ् स्य्हेब सोल्बरी टीटीबे म्हीमातेङ् मुबल।
येसु बेथानीया पङ्बे ग्लाकी सीमोन पङ्बे पुन् स्यप्पे म्हीइ दीम्री मुबल।
येसु बेथानीया नम्सइ पुन् स्यप्पे सीमोनकी दीम्री स्य्हेब सोल्बरी स्य्हुबे बेलोरी अमकोल गीः ङोर्थङ् खबे य्हक्को फाबे छ्युकु पोङ्री बज्यीम् खज्यी। हुजु छ्युकु जटामसीइ दोङ्बो ग्यम्से तेत्पल मुबल। ओसेम् अमकोलचे पोङ्की खारीक्योर् थीलाज्यीम् हुजु छ्युकु येसुइ क्ररी युपीन्ज्यी।
मालीक् दोःज्यीम् खबे बेलोरी मालीक्त ब्रेन्ज्यीम् टीटीबे योक्पोमाचे य्हक्को मोलम् यङ्स्ये मुब। ङ एङ्यीमात देमेन्नो पङ्ब, थेचे हुजु योक्पोमात टीपुङ्ज्यीम् र्हङ्चेनो चबे स्हेःमा पीन्ज्यीम् क्योङ्स्ये मुब।
येसुचे र्हङ्त ङ्होत्पे ङ्होप्तात सुङ्जेत्ज्यी, “एचे डोन् पीन्बतेङ् र्हङ्की म्हेम्हेमा, अज्यो-अले, र्होमा ओसेम् बरु खीम्चेमात थङ्होतो। तलेपङ्सम् थेङ्यीमाचेएनो एचे र्हङ्लेनो ङ्होत्ज्यीम् एइ खीत् फाब।
खल ङ्हच्छ्यङ् य्हीन्ब? चब चबरी टीबे म्ही वुइ चब क्योङ्बे योक्पो? चब चबरी टीबे म्ही अय्हीनो स्यीम्? तर ङ एङ्यीमाकी योक्पो र्हङ्ले मुब।
हुजु लीप्चे लेबीचे येसुइ लागीरी दीम्री ङ्हच्छ्यङ् डोन् स्य्हेङ्ज्यी। हुजु डोन् चबरी तीरो दुत्पे य्हक्को म्हीमातेङ् ल्होल्होएनो म्हीमा मुबल।
ङ्येनो! ङ म्रप्री रप्ज्यीम् डोङ्-डोङ् लब। खल्चे पङ्लेनो ङइ केत् थेःज्यीम् म्रप् ठोङ्पीन्ज्यी पङ्सम्, ङ न्हङ्री वङ्स्ये मुब ओसेम् थेतेङ् चब चस्ये मुब, ओसेम् थेचे ङतेङ् बक्च्य चस्ये मुब।