युहन्‍ना 12:11 - पश्‍चिम तामाङ

¹¹ तलेपङ्‍सम् लाजरस स्‍यीब ग्‍यम्‍से सोबल तज्‍यीम् य्‍हक्‍को यहुदीमाचे थेङ्‌यीमात ख्‍लेथेन्‍ज्‍यीम् येसुत बीस्‍वास् स्‍य्‍हेङ्‍टीबल मुबल।

युहन्‍ना 12:11 ပူးပေါင်းရင်းမြစ်များ

युहन्‍ना 11:42

थेङ्‌चे ङइ तम् खेम पङ्‌लेनो सेन्‍जेत्‍प, हुजु ङत था मुब। तर चुरी रप्‍टीबे य्‍हक्‍को म्‍हीमाचे ङत जम्‍बुलीङ्‌री थेङ्‌चे पीत्‍युजेत्‍पल य्‍हीन्‍ब बी बीस्‍वास् स्‍य्‍हेङ्‌खइ पङ्‍ज्‍यीम् थेङ्‌यीमाकी लागीरी ङचे चु तम् पङ्‍बल य्‍हीन्‍ब।”

युहन्‍ना 11:45

येसुचे स्‍य्‍हेङ्‍जेत्‍पे लक् म्रङ्‌ज्‍यीम् मरीयमत खतु लबरी खबे य्‍हक्‍को म्‍हीमाचे थेङ्‌त बीस्‍वास् स्‍य्‍हेङ्‌ज्‍यी।

युहन्‍ना 11:48

ङ्‍य्‍हङ्‍माचे थेत चु लक् स्‍य्‍हेङ्‍स्‍यीनो टीपुङ्‍ज्‍यी पङ्‌सम् जम्‍मनो म्‍हीमाचे थेत बीस्‍वास् स्‍य्‍हेङ्‌स्‍ये मुब, ओसेम् रोमी स्‍यीपाइमा खज्‍यीम् ङ्‍य्‍हमाकी पर्‌मेस्‍वर्‌की दीम्‍तेङ् ङ्‍य्‍हङ्‍की जातीत नास् लस्‍ये मुब।”

युहन्‍ना 12:10

होत्‍तज्‍यीम् ङ्‍हच्‍छ्‍यङ् लम्‍बुमाचे लाजरसतएनो सेत्‍पे तम् डीःज्‍यी।

युहन्‍ना 12:18

येसुचे स्‍य्‍हेङ्‍जेत्‍पे हुजु अचम्‍मइ लक्‍की बारेरी थ्‍येःबल तज्‍यीम् य्‍हक्‍को म्‍हीमा थेङ्‌त खतु लबरी खबल मुबल।

युहन्‍ना 12:42

होलेतलेनो य्‍हक्‍को र्‌हङ्‍ब यहुदी अगुवामाचे थेङ्‌त बीस्‍वास् स्‍य्‍हेङ्‌ज्‍यी, तर फरीसीमाचे थेङ्‌यीमात यहुदीमा र्‌हुब् तबे दीम्‍चे तेत्‍लाल बी लोङ्‍बल तज्‍यीम् चु तम् खलतएनो अस्‍येत्।

युहन्‍ना 7:31

तर य्‍हक्‍को म्‍हीमान्‍हङ्‍की य्‍हक्‍को म्‍हीमाचे थेङ्‌त बीस्‍वास् स्‍य्‍हेङ्‌ज्‍यी। ओसेम् थेङ्‍यीमाचे पङ्‍ज्‍यी, “मुक्‍ती न्‍हङ्‌बे ख्रीस्‍ट् ब्‍योन्‍युबे बेलोरी थेङ्‌चे चु म्‍हीचे स्‍य्‍हेङबे अचम्‍मइ लक्‍मा बीमम् य्‍हक्‍को अचम्‍मइ लक्‍मा ङोन्‍ल स्‍यीम्?”

प्रेरीत् 13:45

तर यहुदीमाचे हुजु य्‍हक्‍को म्‍हीमात म्रङ्‌ज्‍यीम् पावलतेङ् बारनाबासत स्‍हेर्‌ज्‍यी। ओसेम् थेङ्‍यीमाचे पावलचे पङ्‍बे तम्‍त भ्‍यु य्‍हीन्‍ब पङ्‍ज्‍यीम् थेत पेत्‍नलज्‍यी।