युहन्‍ना 11:40 - पश्‍चिम तामाङ

⁴⁰ येसुचे थेत, “ङचे एत एचे ङत बीस्‍वास् स्‍य्‍हेङ्‌ज्‍यी पङ्‌सम् पर्‌मेस्‍वर्‌की महीमा म्रङ्‌स्‍ये मुब बी पङ्‍बल अय्‍हीनो स्‍यीम?” बी सुङ्‌ज्‍यी।

युहन्‍ना 11:40 ပူးပေါင်းရင်းမြစ်များ

मत्‍ती 17:20

येसुचे सुङ्‌ज्‍यी, “एङ्‌यीमातेङ् योबकी बीस्‍वास् अरेबल तज्‍यीम् य्‍हीन्‍ब। ङ एङ्‌यीमात देमेन्‍नो पङ्‍ब, एङ्‌यीमातेङ् पासइकी फुम् गी गदे ज्‍यीद बीस्‍वास् मुसम् चु गङ्‍त ‘चु ग्‍ला ग्‍यम्‍से य्‍हरो’ पङ्‍ज्‍यी पङ्‌सम् य्‍हर्‌स्‍ये मुब। ओसेम् एङ्‍यीमाचे स्‍य्‍हेङ्‍ अखम्‍बल तएनो तस्‍ये अरे।

मर्‌कुस् 9:23

येसुचे थेत सुङ्‌ज्‍यी, “‘खम्सम्’ बी तले पङ्‍बल? बीस्‍वास् स्‍य्‍हेङ्‍बलत जम्‍मनो तब खम्‍ब।”

युहन्‍ना 1:14

फ्रोइ म्‍ही तजेत्‍ज्‍यीम् ङ्‌य्‍हङ्‌माकी गुङ्‍री स्‍य्‍हुजेत्‍ज्‍यी। थेङ् अनुग्रहतेङ् देमेन्‍चे प्‍लीङ्‍जेत्‍पल मुबल। ङ्‍य्‍हङ्‍माचे थेङ्‌की महीमा म्रङ्‍ज्‍यी। हुजु महीमा अप ग्‍यम्‍से गीकीनो मुबे जत युबल मुबल।

युहन्‍ना 11:4

चु सम्‍तर् सेन्‍जेत्‍प बीसेम् येसुचे सुङ्‌ज्‍यी, “लाजरस नलेएनो स्‍यीस्‍ये अरे। थेइ नब ग्‍यम्‍से पर्‌मेस्‍वर्‌की महीमा तब, ओसेम् हुजु ग्‍यम्‍से पर्‌मेस्‍वर्‌की जलएनो महीमा तस्‍ये मुब।”

युहन्‍ना 12:41

यसैयाचे येसुइ ङ्‍हच्‍छ्‍यङ् महीमा म्रङ्‌ज्‍यीम् पङ्ज्‍यी।

युहन्‍ना 9:3

येसुचे थेङ्‌यीमात सुङ्‌ज्‍यी, “थेइ र्‌हङ्‌की पापचे लज्‍यीमएनो अय्‍हीन्, ओसेम् थेइ अप अमइ पाप्‍चे लज्‍यीमएनो अय्‍हीन्, तर पर्‌मेस्‍वर्‌की सक्‍ती थेइ ल्‍हीरी म्रङ्‌खइ पङ्‍ज्‍यीम् थे कन तबल य्‍हीन्‍ब।

रोमी 6:4

तलेपङ्‌सम् ङ्‍य्‍हङ्‍माएनो बप्‍तीस्‍मा ग्‍यम्‍से येसु ख्रीस्‍ट्‌तेङ् बक्‍च्‍य स्‍यीज्‍यीम् बुब्‍ज्‍यी। होत्‍तज्‍यीम् पर्‌मेस्‍वर् अपइ महीमीत् सक्‍ती ग्‍यम्‍से येसु ख्रीस्‍ट् स्‍यीब ग्‍यम्‍से सोजेत्‍प र्‌हङ्‌ले देरेम् ङ्‍य्‍हङ्‍माएनो छार् जीवन् सोब।

२ कोरीन्‍थी 3:18

ङ्‍य्‍हङ्‍मा जम्‍मचेनो क्रकुचे लीः अगप्‍नले प्रभुइ महीमात ङोन्‍बल मुब। प्रभु आत्‍मा य्‍हीन्‍ब, ओसेम् थेङ् ग्‍यम्‍से खबे महीमाकी य्‍हल्‍चे ङ्‍य्‍हङ्‍मात थेङ् र्‌हङ्‍बनो स्‍य्‍हेङ्‍बोर्‌ज्‍यीम् झेन् य्‍हक्‍को महीमीत् तनलजेत्‍प।

२ कोरीन्‍थी 4:6

तलेपङ्‍सम् “म्‍हुन्‍दुङ् ग्‍यम्‍से य्‍हल् सर्‌खइ” बी सुङ्‍जेत्‍पे पर्‌मेस्‍वर्‌चेनो ङय्‍हङ्‍माकी सेम्‍न्‍हङ् थेङ्‌की य्‍हल् सर्‌नलजेत्‍पल मुब। हुजु य्‍हल् ग्‍यम्सेनो ख्रीस्‍ट्‍की लीःरी सर्‌बे पर्‌मेस्‍वर्‌की महीमाकी ज्ञान्‍की य्‍हल् ङ्‍य्‍हङ्‍मात स्‍येनलज्‍यी।