युहन्‍ना 11:2 - पश्‍चिम तामाङ

² येसुइ स्‍य्‍हब्‍री ज्‍यबे थङ् खबे छ्‍युकु फोर्‌ज्‍यीम् र्‌हङ्‌की क्रबाचे फ्‍यापीन्‍बे मरीयम थेनो मुबल। लाजरस मरीयमकी अले मुबल।

युहन्‍ना 11:2 ပူးပေါင်းရင်းမြစ်များ

मर्‌कुस् 14:3

येसु बेथानीया नम्‍सइ पुन् स्‍यप्‍पे सीमोनकी दीम्‍री स्‍य्हेब सोल्‍बरी स्‍य्‍हुबे बेलोरी अमकोल गीः ङोर्‌थङ् खबे य्‍हक्‍को फाबे छ्‌युकु पोङ्‍री बज्‍यीम् खज्‍यी। हुजु छ्‌युकु जटामसीइ दोङ्‌बो ग्‍यम्‍से तेत्‍पल मुबल। ओसेम् अमकोलचे पोङ्‍की खारीक्‍योर् थीलाज्‍यीम् हुजु छ्‌युकु येसुइ क्ररी युपीन्‍ज्‍यी।

लुका 7:13

प्रभुचे हुजु अमकोलत म्रङ्‌मम् तीङ् छज्‍यीम् थेत चोले सुङ्‌ज्‍यी, “थक्राको!”

लुका 7:19

चु तम् ङ्‌योत्‍परी प्रभुज पीत्‍ज्‍यी, “ङ्‌यीमाचे ब्रेन्‍टीबे मुक्‍ती न्‍हङ्‌बे म्‍ही एनो य्‍हीन्‍ब वुइ? ल्‍हो-ल्‍हो खलते ब्रेन्‍थोब?”

युहन्‍ना 11:21

ओसेम् मार्‌थचे येसुत पङ्‍ज्‍यी, “प्रभु, थेङ् चुरीनो मुबल य्‍हीन्‍सम् ङइ अले स्‍यीस्‍ये अरेबल।

युहन्‍ना 11:3

होत्‍तज्‍यीम् लाजरसकी अन ङ्‍य्‍हीचे, “प्रभु, थेङ्‌चे म्‍होइजेत्‍पे थेङ्‌की र्‌हो नबल मुब” बी येसुइज सम्‍तर् पीत्‍ज्‍यी।

युहन्‍ना 11:32

मरीयम् येसु मुबे ग्‍लारी दोःब बीसेम् थेङ्‌की स्‍य्‍हब्‍री पब्‍लु लज्‍यीम्, “प्रभु, थेङ् चुरी मुबल पङ्‌सम् ङइ अले स्‍यीस्‍ये अरेबल” बी पङ्‌ज्‍यी।

युहन्‍ना 12:3

ओसेम् मरीयम्‍चेम् य्‍हक्‍को ज्‍यबे थङ् खबे म्‍हङ्‍गो छ्‍युकु बज्‍यीम् येसुइ स्‍य्‍हब्‍री युज्‍यीम् थेइ क्र बाचे फ्‍यापीन्‍ज्‍यी। ओसेम् हुजु छ्‍युगुइ थङ्‍चे दीम् प्‍लीङ्ज्‍यी।

युहन्‍ना 13:13

एङ्‍यीमाचे ङत लोप्‍पोन्‍तेङ् प्रभु पङ्‍ब। हुजु तम् ठीक्‍नो य्‍हीन्‍ब, तलेपङ्‍सम् एङ्‌यीमाकी लोप्‍पोन्‍तेङ् प्रभु ङनो य्‍हीन्‍ब।

युहन्‍ना 13:14

ङ एङ्‌यीमाकी लोप्‍पोन्‍तेङ् प्रभु तज्‍यीमएनो एङ्‌यीमाकी कङ् ख्रुब पङ्‌सम् एङ्‌यीमाचेएनो र्‌हङ्‌न्‍हङ्‌री गीःचे गीःकी कङ् ख्रुथोब।