युहन्‍ना 11:19 - पश्‍चिम तामाङ

¹⁹ ओसेम् अले स्‍यीबल तज्‍यीम् मार्‌थतेङ् मरीयमत आर् पीन्‍बरी य्‍हक्‍को यहुदी म्‍हीमा लीङ्‍स ग्‍यम्‍से हुजुरी खबल मुबल।

युहन्‍ना 11:19 ပူးပေါင်းရင်းမြစ်များ

लुका 10:39

ओसेम् थेल मरीयम पङ्‌बे अङ गीः मुबल। मरीयम प्रभुइ स्‍य्‍हब्‍की रेइरी टीज्‍यीम् थेङ्‌चे सुङ्‌बे तम् ङ्‌येन्‍टीब मुबल।

लुका 10:42

तर तोःबलमी गीःकीनो मुब। मरीयमचेम् हुजु दम्‍बल मुब। ओसेम् हुजु थे ग्‍यम्‍से ब्‍येन्‍बोर्‌स्‍ये अरे।”

युहन्‍ना 1:19

यरुसलेम्‍की यहुदी अगुवामाचे डेत्-डेत् लम्‍बुमातेङ् लेबीमात युहन्‍नाइज, “ए खल य्‍हीन्‍ब?” बी ङ्‍योत्‍परी पीत्‍ज्‍यी।

युहन्‍ना 11:1

बेथनीया पङ्‍बे नम्‍सरी टीबे लाजरस पङ्‍बे म्‍ही गी नबल मुबल। ओसेम् थेइ अनमा मरीयमतेङ् मार्‌थएनो बेथानीयारी टीबल मुबल।

युहन्‍ना 11:31

थेङ्‍य्‍हीकी दीम्‍री थेङ्‍य्‍हीत आर् पीन्‍बरी खबे म्‍हीमाचे मरीयम् ग्‍योन् ग्‍योन्‍नो य्‍हर्‌बल म्रङ्‍ज्‍यी, ओसेम् थेङ्‍यीमाचे मरीयम् अलेइ दुर्‌सरी क्राबरी ङ्‌यीबल तल म्‍हेन्‍ज्‍यीम् थेङ्‍यीमाएनो थेइ लीप्-लीप् ङ्‍यीज्‍यी।

युहन्‍ना 11:33

येसुचे मरीयम क्राटीबल ओसेम् थेतेङ् बक्‍च्‍य खबे म्‍हीमाएनो क्राटीबल म्रङ्‌जेत्‍ज्‍यी। चु म्रङ्‌ज्‍यीम् येसु सेम्‍य्‍हङ्‍सेनो य्‍हक्‍को दुख तजेत्‍ज्‍यी।

युहन्‍ना 11:36

हुजु लीप्‍चे यहुदीमाचे, “च्‍यागो, थेङ्‌चे लाजरसत गत्‍ते म्‍होइजेत्‍प” बी पङ्‍ज्‍यी।

युहन्‍ना 11:45

येसुचे स्‍य्‍हेङ्‍जेत्‍पे लक् म्रङ्‌ज्‍यीम् मरीयमत खतु लबरी खबे य्‍हक्‍को म्‍हीमाचे थेङ्‌त बीस्‍वास् स्‍य्‍हेङ्‌ज्‍यी।

युहन्‍ना 11:8

डबमाचे थेङ्‌त, “लोप्‍पोन्, तोव बेलो ङोन्‍ग्‍यम्‍कीनो हुजुरी यहुदीमाचे थेङ्‌त युङ्‌बचे प्रुङ्‍ब म्‍हइबल मुबल। देबेएनो थेङ् हुजु ग्‍लारी स्‍येजेत्‍प स्‍यीम्?” बी पङ्‍ज्‍यी।

रोमी 12:15

तङ्‍बलमातेङ् तङो, क्राबलमातेङ् क्राको।

२ कोरीन्‍थी 1:4

ङ्‍य्‍हङ्‍चे ल्‍हो-ल्‍हो दुख यङ्‍बे म्‍हीमात सान्‍त्‍वना पीन्‍ब खम्‍खइ पङ्‍ज्‍यीम् थेङ्‍चे ङ्‍य्‍हङ्‍त जम्‍मनो दुखमारी सान्‍त्‍वना न्‍हङ्‍जेत्‍प। थेङ्‍यीमाकी दुखइ बेलोरी ङ्‍य्‍हङ्‍माचे पर्‌मेस्‍वर् ग्‍यम्‍से यङ्‍ब र्‌हङ्‍बे सान्‍त्‍वना पीन्‍ब खम्‍ब।

१ थेस्‍लोनीकी 4:18

होत्‍तज्‍यीम् चु तम्‍मा ग्‍यम्‍चे एङ्‍यीमा गीःचे गीःत आर् पीनो।

१ थेस्‍लोनीकी 5:11

होत्‍तज्‍यीम् एङ्‍यीमाचे देरे स्‍य्‍हेङ्‍टीब र्‌हङ्‌ले गीःचे गीःत आर् पीन्‍ज्‍यीम् गीःचे गीःत कोङ्‍न लउ।